Հոդված 1.              Օրենքի կարգավորման առարկան

1. Սույն օրենքը կարգավորում է վերականգնվող էներգետիկայի և էներգաարդյունավետության բնագավառներում Հայաստանի Հանրապետության պետական մարմինների, գործունեություն իրականացնող կամ իրականացնելու մտադրություն ունեցող անձանց և սպառողների փոխհարաբերությունները:
2. Սույն օրենքի կարգավորման շրջանակն ընդգրկում է.

1)     վերականգնվող էներգետիկայի և էներգաարդյունավետության բնագավառներում պետական քաղաքականությունը.

2)    էներգետիկայի և կլիմայի երկարաժամկետ ծրագրին ներկայացվող պահանջները․

3)    վերականգնվող աղբյուրներից վերջնական էներգիայի համախառն սպառման մասնաբաժնի հաշվարկը.

4)    շենքերի և շինությունների էներգաարդյունավետության բարելավմանը և ապաածխայնացմանն ուղղված միջոցառումները․

5)    էներգախնայողության ծավալների մեծացմանն ուղղված կարգավորումները․

6)    վերականգնվող էներգետիկայի խթանմանը և էներգաարդյունավետության բարելավմանն ուղղված միջոցառումները․

7)    վերականգնվող էներգիայի աղբյուրների օգտագործմամբ էլեկտրաէներգիայի արտադրության մտադրություն ունեցող անձին աջակցություն տրամադրելուն ուղղված աճուրդի կազմակերպումը և անցկացումը․

8)    վերականգնվող էներգիայի ինքնավար սպառողի և ինքնավար խմբի գործունեությունը․

9)    ծագման երաշխիքների տրամադրումը և վաճառքը։