Հիշել նախագիծը

Լրամշակման փուլում է

Ազգային ֆիլմի հեռարձակման և կինոթատրոնում ցուցադրման, ինչպես նաև դրանց ընթացքում գովազդի տեղադրմամբ ստացված եկամուտների մասին տեղեկությունները ֆիլմ ցուցադրողների կողմից ազգային մարմին ներկայացնելու կարգը սահմանելու մասին

  • 4 - Կողմ

  • 1 - Դեմ

Ամփոփաթերթում ներառվում են նախագծի վերաբերյալ ներկայացված բոլոր բովանդակային առաջարկությունները, առցանց գրվածները` 2 աշխատանքային օրվա, էլ. փոստով ուղարկվածները` 10 աշխատանքային օրվա ընթացքում

h/h Առաջարկության հեղինակը, ստացման ամսաթիվը Առաջարկության բովանդակությունը Եզրակացություն Կատարված փոփոխությունը
1 2 3 4
1 Լաուրա Կարապետյան 18.07.2024 21:05:15 Մի տեսակ համ կողմ եմ, համ էլ դեմ: Բոքս օֆիսի բաց տվյալները բոլոր երկրներում սովորական երևույթ է և ցավում եմ, որ մինչ այսօր մենք չունենք նման հարթակ: Ողջունում եմ նախարարության նախաձեռնությանը: Կողմ եմ կինոարդյունաբերության խթանման գործընթացին, սակայն դեմ եմ հեռուստատեսության ու գովազդի ներկայությանը այս նախագծում: Ուսումնասիրելով հասկացա, որ դա գալիս է մայր օրենքից, բայց միևնույն է դա սխալ է: Կարծում եմ, որ դուք, որպես օրենսդիր պիտի փոխեք օրենքը և դուրս բերեք հեռուստատեսությունը և գովազդը: Ու դրան կա լուրջ հիմնավորում: Կինոթատրոնային և հեռուստատեսային ցուցադրության ձևաչափերը և մոտեցումները տարբեր են: Կինոթատրոնը բոքս օֆիսով է ցուցադրում ֆիլմերի «վարկանիշը», թեմայի պահանջված լինելը, գաղափարի գնահատականը դրամով, իսկ հեռուստատեսությունը չափում է ֆիլմերի ռեյթինգը դիտումների հարցումով: Ու սկզբունքորեն օրենքում սխալ է նշված: Համարում եմ, որ պետք է այս նախագծում անհրաժեշտ է ավելացնել, որ առաջացնում է օրենքի փոփոխում և դուրս բերվի հեռուստատեսությունը: Նույնը վերաբերում է գովազդին: Եթե ազգային ֆիլմի արտադրողը այդքան վստահ է իր ֆիլմում, ապա ինչու է գովազդից գումար պահանջում: Կաշխատի ֆիլմը՝ կաշխատի կինոթատրոնը: Իսկ այսօր «ազգային» ֆիլմերը մենակ կինոթատրոնի անունի շնորհիվ են տեսանելի դառնում, մի հատ էլ գովազդից գումար են ուզում քամել: Խդրում եմ հանել շեշտել հեռուստատեսության և գովազդի դուրս բերման անհրաժեշտությունը և նախաձեռնել օրենքի փոփոխում: Մասնագիտորեն ընդունվում է, սակայն ձևակերպումը բխում է օրենքից և կարգում փոփոխման ենթակա չէ: Ընդունվել է ի գիտություն
2 Լաուրա Կարապետյան 18.07.2024 21:05:15 Նախագծի 12-րդ կետում երևի վրիպակ է և պետք է լինի 11... Վրիպակ է: Շտկվել է: Ընդունվել է
3 Ալինա Ղազարյան 20.07.2024 21:06:12 Ես, որպես հետազոտող, շատ ուրախ եմ, որ ԿԳՄՍՆ-ն վերջապես մի հատ օգտակար հարթակ է նախաձեռնում: Հայաստանի կինեմատոգրաֆիայի ոլորտում որևէ վիճակացրություն չկա: Երբեք չեմ հասկացել ինչու են գումարները թաքցնում: Մենք նույնիսկ հստակ չգիտենք, քանի ֆիլմ է ցուցադրվում տարեկան, ինչպիսին է համամասնությունը: Անհնար է աշխատանք կատարել: Բայց չեմ կարող չնշել, որ հեռուստատեսության առկայությունը մեծ սխալ է այս նախագծում: Ֆիլմերը ցուցադրվում են տարբեր եղանակներով և հեռուստատեսությունից կինոթատրոնի ձևաչափով տեղեկություն պահանջել չի կարելի, ինչպես և հակառակը: Չգիտեմ ինչու եք որոշել հավասարության նշան դնել: Պետք է շտկվի, սա սխալ է: Խնդրում եմ հաշվի առնել: Իսկ նախաձեռնությունը լավն է: Մասնագիտորեն ընդունվում է, սակայն ձևակերպումը բխում է օրենքից և կարգում փոփոխման ենթակա չէ: Ընդունվել է ի գիտություն
4 Rustam Mirzoyan 23.07.2024 10:25:28 Չեմ հասկանում «Տեսալսողական մեդիայի մասին» և «Կինեմատոգրաֆիայի մասին» օրենքները միասին էին գրվում, ՈՆՑ էսպիսի բան արեցին... Սենց բան չկա, ինչ է նշանակում «հեռարձակման և կինոթատրոնում ցուցադրման, ինչպես նաև դրանց ընթացքում գովազդի տեղադրմամբ ստացված եկամուտների մասին»: Հեռարձակման ընթացքում ֆիլմը ընդատվում է և պայմանագրով դա թույլատվրում է, կինոթատրոնում ֆիլմը չի ընդատվում: Էս ինչ աբսուրդ բան է: Ու սրա հետևանքով ամենակարևոր հարցը՝ ԻՆՉՈ՞Ւ ՄԻԱՅՆ ԱԶԳԱՅԻՆ ՖԻԼՄԻ: Էլի ստացվում է, որ օտարը սեփականից վեր է ու անձեռնմխելի: Մասնագիտորեն ընդունվում է, սակայն ձևակերպումը բխում է օրենքից և կարգում փոփոխման ենթակա չէ: Ընդունվել է ի գիտություն: