«Հայաստանի Հանրապետության կրթության, գիտության, մշակույթի և սպորտի նախարարի 2020 թվականի սեպտեմբերի 8-ի N 28-Ն հրամանում փոփոխություն և լրացում կատարելու մասին» ՀՀ կրթության, գիտության, մշակույթի և սպորտի նախարարի հրամանի նախագիծ

Այս ընթացակարգը, որտեղ համակարգը ավտոմատ կերպով հաշվարկում է գնահատականները, իսկ ուսուցիչը պետք է դրանք հաստատի 3 օրվա ընթացքում, արդյունավետ է, բայց առաջացնում է ավելորդ ժամանակային ճնշում ուսուցիչների վրա։ Տնօրենին փոփոխություններ կատարելու իրավունք տալը, եթե հիմնավոր պատճառներ կան, կարող է նպաստել արդարությանը, սակայն նաև բերում է բյուրոկրատական դժվարություններ և կարող է դանդաղեցնել հետագա գործընթացը։

Առաջարկում եմ եռօրյա ժամկետը փոխարինել հինգ աշխատանքային օրվա ժամկետով:Հիշենք առաջին կիսամյակի ամփոփման ժամանակ առաջացած խնդիրները, երբ մեկ գնահատակսն պահպամելը տևում էր ժամեր:

Վերը նշած նախագծի 1.1 ենթակետի 11-րդ պարբերության նոր խմբագրությամբ առաջարկվում է ուսուցիչներին կիսամյակային և տարեկան գնահատականները հաստատել համակարգի կողմից հաշվարկի ավարտից հետո եռօրյա ժամկետում: Ես առաջարկում եմ եռօրյա ժամկետը դարձնել հինգ կամ վեցօրյա, որովհետև գնահատականները հաստատելու օրերին համակարգը խիստ ծանրաբեռնված է լինում, և ուսուցիչները գուցե չհասցնեն աշխատանքը կատարել սահմանված երեք օրերի ընթացքում։ Ինչ վերաբերում է սովորողների գնահատականները հաստատելիս ուսուցիչների և տնօրենների իրավունքները և պարտականությունները հստակեցնելուն, ապա դրական եմ համարում այն փաստը, որ գնահատական ուղղելու հնարավորություն թե՛ տնօրենությանը, թե՛ ուսուցչին տրվի, քանի որ համացանցի հետ աշխատելու պայմաններում կարող են լինել վրիպումներ, տեխնիկական թերացումներ, խափանումներ և այլն։ Իսկ կանոնները, իմ կարծիքով, պիտի էնպես մշակվեն, որ չվնասեն դպրոցի, տնօրենության և ուսուցչի հեղինակությանը։ Ի վերջո դպրոցը և՛ կրթվելու, և՛ դաստիարակվելու դարբնոց է, որի գլուխ կանգնած տնօրենը և նրա աշխատակիցները հեղինակություն պիտի լինեն աշակերտի ու ծնողի համար։