«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ ՄԱՐՏԻ 30-Ի N 418-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՎԵՐԱԲԵՐՅԱԼ» ՀԱՅԱUՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԻԾ

ՆԱԽԱԳԻԾ

ՀԱՅԱUՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

------------------------ 2024 թ. № ---  Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ ՄԱՐՏԻ 30-Ի             N 418-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՎԵՐԱԲԵՐՅԱԼ

        Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածների 1-ին մասերով և «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածի 1-ին մասով՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2023 թվականի մարտի 30-ի «Արտաշատ մայրաքաղաք» պատմամշակութային արգելոց ստեղծելու, «Արտաշատ մայրաքաղաք» պատմամշակութային արգելոց» մասնաճյուղ ստեղծելու և Հայաստանի Հանրապետության կառավարության 2003 թվականի մարտի 7-ի N 312-ն որոշման մեջ լրացում կատարելու մասին» N 418-Ն որոշման մեջ կատարել հետևյալ փոփոխությունը.

       1)  որոշման 1-ին և 2-րդ կետերում «5.85195 հեկտար» թիվը և բառը փոխարինել «83.86669 հեկտար, սեփականության իրավունքի վկայականներ՝ N 03012024-03-0081, N 13062024-03-0075, N 19072024-03-0003 և N 18072024-03-0077» թվերով և բառերով:

2.   Հայաստանի Հանրապետության կրթության, գիտության, մշակույթի և սպորտի նախարարին`

    1) Հայաստանի Հանրապետության կրթության, գիտության, մշակույթի և սպորտի նախարարության ենթակայության «Պատմամշակութային արգելոց թանգարանների և պատմական միջավայրի պահպանության ծառայություն» պետական ոչ առևտրային կազմակերպության (այսուհետ՝ կազմակերպություն) տնօրենի հետ համատեղ՝ 2-ամսյա ժամկետում ապահովել սույն որոշման 1-ին կետի 1) ենթակետում նշված՝ «Արտաշատ մայրաքաղաք» պատմամշակութային արգելոցի» սահմաններում ընդգրկվող 24.89055, 31.29334 և 21.83085 հեկտար մակերեսներով հողամասերի նկատմամբ իրավունքների պետական գրանցումը.

        2) սույն որոշման 2-րդ կետի 1-ին ենթակետով նախատեսված գործողությունը կատարելուց հետո կազմակերպության տնօրենի հետ 30-օրյա ժամկետում սահմանված կարգով կնքել 24.89055, 31.29334 և 21.83085 հեկտար մակերեսներով հողամասերը կազմակերպությանը  անհատույց անժամկետ օգտագործման հանձնելու պայմանագիր և ապահովել պայմանագրի   նոտարական վավերացումը.

    3) սահմանել, որ սույն որոշման 2-րդ կետի 1-ին և 2-րդ ենթակետերից բխող հողամասերի նկատմամբ գույքային իրավունքների պետական գրանցման և նոտարական վավերացման պայմանագրի կնքման հետ կապված ծախսերն իրականացվելու են «Պատմամշակութային արգելոց թանգարանների և պատմական միջավայրի պահպանության ծառայություն» պետական ոչ առևտրային կազմակերպության միջոցների հաշվին․

3. Սույն որոշումն ուժի մեջ է մտնում պաշտոնական հրապարակման օրվան հաջորդող օրվանից: