The project has not been accepted

Ոլորտին իրազեկ փորձագետների, մասնագետների աշխատանքային խմբի կողմից կազմակերպության գործունեության գնահատման չափանիշներն ըստ իրականացման վայրի հաստատելու մասին

1 - Agree
4 - Disagree

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԷԿՈՆՈՄԻԿԱՅԻ ՆԱԽԱՐԱՐ

Հ Ր Ա Մ Ա Ն

ք․ Երևան «____»___________ 2024 թ․ N _____- Լ

ՈԼՈՐՏԻՆ ԻՐԱԶԵԿ ՓՈՐՁԱԳԵՏՆԵՐԻ, ՄԱՍՆԱԳԵՏՆԵՐԻ ԱՇԽԱՏԱՆՔԱՅԻՆ ԽՄԲԻ ԿՈՂՄԻՑ ԿԱԶՄԱԿԵՐՊՈՒԹՅԱՆ ԳՈՐԾՈՒՆԵՈՒԹՅԱՆ ԳՆԱՀԱՏՄԱՆ ՉԱՓԱՆԻՇՆԵՐՆ ԸՍՏ ԻՐԱԿԱՆԱՑՄԱՆ ՎԱՅՐԻ ՀԱՍՏԱՏԵԼՈՒ ՄԱՍԻՆ

Ղեկավարվելով Հայաստանի Հանրապետության կառավարության 2024 թվականի մարտի 21-ի № 418-Ն որոշման 2-րդ կետի 3-րդ և Հայաստանի Հանրապետության վարչապետի 2019 թվականի հունիսի 1-ի N 658-Լ որոշման հավելվածի 18-րդ կետի 21-րդ ենթակետերով՝

հ ր ա մ ա յ ու մ ե մ․

Հաստատել ոլորտին իրազեկ փորձագետների, մասնագետների աշխատանքային խմբի կողմից կազմակերպության գործունեության գնահատման չափանիշներն ըստ իրականացման վայրի՝ համաձայն հավելվածի։
Սույն հրամանի կատարման հսկողությունը վերապահել ոլորտը համակարգող Էկոնոմիկայի նախարարի տեղակալին:

ԳԵՎՈՐԳ ՊԱՊՈՅԱՆ

Հավելված

Հայաստանի Հանրապետության էկոնոմիկայի նախարարի

2024 թվականի -ի N - Լ հրամանի

ՈԼՈՐՏԻՆ ԻՐԱԶԵԿ ՓՈՐՁԱԳԵՏՆԵՐԻ, ՄԱՍՆԱԳԵՏՆԵՐԻ ԱՇԽԱՏԱՆՔԱՅԻՆ ԽՄԲԻ ԿՈՂՄԻՑ ԿԱԶՄԱԿԵՐՊՈՒԹՅԱՆ ԳՈՐԾՈՒՆԵՈՒԹՅԱՆ ԳՆԱՀԱՏՄԱՆ ՉԱՓԱՆԻՇՆԵՐՆ ԸՍՏ ԻՐԱԿԱՆԱՑՄԱՆ ՎԱՅՐԻ

1․ ԸՆԴՀԱՆՈՒՐ ԴՐՈՒՅԹՆԵՐ

Սույն հավելվածով կարգավորվում են Հայաստանի Հանրապետության կառավարության 2024 թվականի մարտի 21-ի N 418-Ն որոշմամբ հաստատված արտադրանքի և ծառայությունների որակի ապահովման բնագավառում ամենամյա մրցանակաբաշխության մասնակից և հավակնորդ կազմակերպությունների (այսուհետ՝ մասնակից կազմակերպություն) ըստ իրականացման վայրի գործունեության գնահատման չափանիշների հետ կապված հարաբերությունները։
Սույն կարգում օգտագործվող հասկացություններն ունեն Հայաստանի Հանրապետության կառավարության 2024 թվականի մարտի 21-ի N 418-Ն որոշմամբ և ստանդարտացման ազգային համակարգում գործող և կիրառվող հասկացությունների իմաստը:
Մասնակից կազմակերպության գործունեության գնահատման չափանիշներն ըստ իրականացման վայրի ուղղված են ճիշտ արժևորելու տվյալ կազմակերպության նշանակությունը՝ գործունեության նշանակալի արդյունքները, նվաճումները և դրանց պահպանումը, կայուն արժեքներ ստեղծելու համար մշակվող ռազմավարությունը, գործունեության չափանիշն ամրապնդող և շարժառիթ հանդիսացող (մոտիվացնող) տեսլականը:

2․ ՄԱՍՆԱԿԻՑ ԿԱԶՄԱԿԵՐՊՈՒԹՅԱՆ ԳՈՐԾՈՒՆԵՈՒԹՅԱՆ ԳՆԱՀԱՏՄԱՆ ՉԱՓԱՆԻՇՆԵՐՆ ԸՍՏ ԻՐԱԿԱՆԱՑՄԱՆ ՎԱՅՐԻ

Մասնակից կազմակերպության ըստ իրականացման վայրի գործունեության գնահատման չափանիշներն են նշանակությունը, տեսլականը և ռազմավարությունը։
Մասնակից կազմակերպության համար որոշվում է գործունեության նշանակությունը, որի համար պետք է մշակված լինի գործունեության տեսլական, ինչն իր հերթին պետք է հիմնավորված լինի ռազմավարությամբ։ Այս համակցության առկայության դեպքում ապահովվում են գործունեության գնահատելի արդյունքները:
Մասնակից կազմակերպության նշանակությունը ներառում է՝

բացատրություն, թե ինչու է իր աշխատանքը կարևոր.
իր հետաքրքրված կողմերի համար օրինակ է ծառայում կայուն արժեքների ստեղծման և ապահովման համար.
ստեղծում է կառուցվածք, որի շրջանակներում ստանձնում է պարտականություններ, որտեղ ինքն իրականացնում է գործառնական գործունեություն կատարելու համար ներդրում և ազդում է գործող համակարգի (էկոհամակարգի) վրա:

Կազմակերպության տեսլականը՝

նկարագրում է, թե երկարաժամկետ հեռանկարում կազմակերպությունն ինչի է ձգտում հասնել, ինչն է նախատեսված որպես հստակ ուղեցույց, ընթացիկ և ապագա գործողություններն ընտրելու համար.
կազմակերպության նշանակությանը զուգահեռ ապահովվում է ռազմավարության հաստատման հիմքը:

Կազմակերպության ռազմավարությունը՝

նկարագրում է, թե կազմակերպությունն ինչպես է մտադիր իրացնել իր նշանակությունը.
մանրամասն շարադրում է ռազմավարական առաջնահերթությունների հասնելու և իր տեսլականին մոտենալու պլանները:

Մասնակից կազմակերպության ըստ իրականացման վայրի գործունեության գնահատման չափանիշների բաղադրիչներն են՝

նշանակությունը և տեսլականը.
հետաքրքրված կողմերի պահանջների ընկալումը և նույնականացումը.
սեփական հնարավորությունները և մարտահրավերները (Էկոհամակարգը (առկայության դեպքում)).
ռազմավարության մշակումը.
ներդաշնակ և պիտանի կառավարման համակարգի մշակումը և ներդրումը։

Նշանակության և տեսլականի սահմանումը, որը ենթադրում է, որ գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը՝

հասկանում է իր նշանակության ճանաչման կարևորությունը որպես շարժիչ ուժ (առկայության դեպքում՝ իր էկոհամակարգի բարելավման համար).
սահմանում է նշանակությունը, որը ծառայում է որպես ներշնչող շարժառիթ իր աշխատանքի կարևորության, արժևորման համար և գրավիչ է բոլոր հետաքրքրված կողմերի համար.
օգտագործում է իր նշանակությունը՝ հիմնավորված տեսլական ստեղծելու համար, որը հետաքրքրված կողմերի մոտ գտնում է արձագանք.
կազմակերպության նշանակությունը և տեսլականը սահմանելու, ձևավորելու և տարածելու համար ներգրավում է հետաքրքրված կողմերի.
նույնականացնում է ոլորտներ, որտեղ տեսլականի իրականացման համար անհրաժեշտ է հասնել գործունեության նշանակալի և կայուն մակարդակների պիտանիության:

Հետաքրքրված կողմերի պահանջների ընկալումը և նույնականացումը, որը ենթադրում է, որ գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը՝

գործող համակարգի (էկոհամակարգի) սահմաններում նույնականացնում է հետաքրքրված կողմերին և առաջնահերթություն է տալիս նրանց, որոնց համարում է հիմնական հետաքրքրված կողմեր, այսինքն՝ նրանց, ովքեր կարող են օգնել կամ խոչընդոտել նշանակության, տեսլականի և ռազմավարության իրականացմանը.
հասկանում է, թե ինչպես են իր նշանակությունն ու տեսլականն ազդում նշված հիմնական հետաքրքրված կողմերի վրա.
նույնականացնում է հիմնական հետաքրքրված կողմերի պահանջներն ու ակնկալիքները՝ դրանք դիտարկելով իր սեփական նշանակության և տեսլականի համատեքստում (կոնտեքստում).
վերլուծում է հիմնական հետաքրքրված կողմերի վարքի, փոխհարաբերությունների և որոշումների կայացման վրա ազդող գործոնները և այն, թե ինչպես կազմակերպությունը կարող է ենթարկվել դրանց ազդեցությանը.
ուսումնասիրում և հասկանում է հիմնական հետաքրքրված կողմերի իրավասություններն ու ռազմավարությունները, պատշաճ կերպով արձագանքում է, թե ինչպես դրանք կարող են ազդել իր նշանակության, տեսլականի, ռազմավարության և բիզնես-մոդելի վրա:

Գործող համակարգի (Էկոհամակարգի (առկայության դեպքում)) սեփական հնարավորությունները և մարտահրավերները, որը ենթադրում է, որ գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը՝

հետազոտում և զարգացնում է գործող համակարգը (էկոհամակարգը), ներառյալ մեգաթրենդները, ինչպես նաև էկոհամակարգի համար հետևանքները՝ կապված կայուն զարգացման նպատակների և Միավորված ազգերի կազմակերպության «Գլոբալ պայմանագրի» (UN Global Compact) թիրախային ուղղվածությունների հետ.
վերլուծում է տարբեր սցենարներ և պատշաճ արձագանքում ցանկացած հետևանքի, որը կարող է առաջանալ կազմակերպության նշանակության, տեսլականի, ռազմավարության և արդյունքների համար.
գիտի իր ընթացիկ հնարավորությունների ներուժը և մշակում է մոտեցումներ՝ օպտիմալացնելու կազմակերպության նշանակության, տեսլականի, ռազմավարության և արդյունքների վրա դրանց ազդեցությունը.
հետազոտում և հասկանում է շուկայի ընթացիկ և հեռանկարային դինամիկան, դրանց հնարավոր ազդեցությունը կազմակերպության նշանակության, տեսլականի և ռազմավարության վրա և մշակում է համապատասխան արձագանքման միջոցներ.
գնահատում և վերլուծում է իր գործող համակարգի (էկոհամակարգի) սահմաններում հավաքագրված տվյալները, տեղեկատվությունն ու գիտելիքները՝ հասկանալու ներկայի և ապագայի հիմնական մարտահրավերները․
ապացույցներ` կազմակերպությունում ներդրված որակի շարունակական բարելավման գործիքների և դրանց կիրառման վերաբերյալ:

Ռազմավարության մշակում, որը ենթադրում է, որ գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը՝

մշակում է ռազմավարություն և դրա հետ կապված ռազմավարական առաջնահերթությունների փաթեթ, որոնք թույլ են տալիս ընդունել ցանկացած նույնականացված հիմնական մարտահրավերները, անհրաժեշտության դեպքում ձեռնարկելով համապատասխան գործողություններ՝ իր գործող համակարգին (էկոհամակարգին) զարգացման ազդակ հաղորդելու համար.
ռազմավարությունը և ռազմավարական առաջնահերթությունները ձևափոխում է պիտանիության թիրախային առաջադրանքների և ձևափոխությունների նախաձեռնությունների հիման վրա.
ներգրավում է հիմնական հետաքրքրված կողմերին ռազմավարության սահմանման մեջ՝ թույլ տալով ռազմավարության իրականացման, ծավալման և տեղեկատվության փոխանակման գործընթացում դրանց հետևողական ներգրավումը.
մշակում է բիզնես-մոդելներ, որոնք համապատասխանում են նշանակությանը, տեսլականին և ռազմավարությանը.
թարմացնում և հարմարեցնում է ռազմավարական առաջնահերթություններ՝ հաշվի առնելով շուկայական ուղղությունները (թրենդները), սոցիալական ցանցերը, ներքին ուսուցումը և հիմնական հետաքրքրված կողմերից ստացված տեղեկատվությունը:

Ներդաշնակ և պիտանի կառավարման համակարգի մշակումը և ներդրումը, որը ենթադրում է, որ գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը՝

մշակում և ներդնում է ներդաշնակ և պիտանի կառավարման համակարգ, որը ներդաշնակ է կազմակերպության հեռանկարային նախաձեռնություններին՝ հաշվի առնելով ռազմավարությունը, գործող համակարգի (էկոհամակարգի) և սեփական հնարավորությունների զարգացումը, հիմնական մարտահրավերները.
ստեղծում է կառավարման (ղեկավարության) կառուցվածքը, որը թույլ է տալիս հիմնական հետաքրքրված կողմերին կատարել իրենց ներդրումը ռազմավարության մշակման և որոշումների կայացման մեջ.
սահմանում և իրականացնում է ղեկավարության կողմից վերլուծության ժամանակացույցը, որը համընկնում է գործող համակարգի (էկոհամակարգի) զարգացման արագությանը, անցկացնում է ռազմավարության իրականացման ընթացաստուգումը և սահմանում է առաջնահերթությունները՝ պիտանիության և վերափոխումների համար.
ապահովում է կառավարման պիտանիությունը և վերափոխումը, ինչպես նաև չափումների վրա հիմնված հաշվետվության համակարգերի գործելը, որպես կազմակերպության աշխատելաոճի անբաժանելի մաս, ինչը թույլ է տալիս անընդհատ հաշվետու և թափանցիկ լինել հիմնական հետաքրքրված կողմերի հանդեպ.
հետևում է Հայաստանի Հանրապետության օրենսդրության պահանջների պահպանմանը:

3․ ՄԱՍՆԱԿԻՑ ԿԱԶՄԱԿԵՐՊՈՒԹՅԱՆ ԱՌԱՋՆՈՐԴՈՒԹՅՈՒՆԸ, ԱՐԺԵՔՆԵՐԻ ԵՎ ՆՈՐՄԵՐԻ ՀԱՏՈՒԿ ՇԱՐՔԸ

Կազմակերպության արժեքների և նորմերի հատուկ շարքը նորմերի և արժեքների յուրահատուկ ամբողջությունն է, որոնք հատուկ են կազմակերպության ներսում աշխատող մարդկանց և խմբերին, որը ժամանակի ընթացքում ազդում է նրանց վարքի և փոխհարաբերությունների և կազմակերպությունից դուրս հիմնական հետաքրքրված կողմերի վրա։
Կազմակերպության առաջնորդությունը վերաբերում է կազմակերպությանը ամբողջությամբ: Խոսքն այն կազմակերպության մասին է, որն իր էկոհամակարգում հանդես է գալիս որպես առաջնորդ, ճանաչված է ուրիշների կողմից որպես հաջողության օրինակ հատկապես սկսնակների համար կրկնօրինակելու օրինակ /role model/, այլ ոչ թե ավանդական լավագույն թիմ, որն իրականացնում է կազմակերպության կառավարումը:
Հավակնորդ կազմակերպությունում առաջնորդությունը դիտարկվում է որպես մոտեցում (գործունեություն) և ղեկավարի (առաջնորդի) վարքագիծը դրսևորվում է կազմակերպության գործունեության ամբողջ ընթացքի վրա: Ղեկավարի (առաջնորդի) օրինակելի վարքագիծը ոգեշնչում է աշխատակիցներին, ամրապնդում է, և անհրաժեշտության դեպքում, համադրում է արժեքներն ու նորմերը՝ օգնելով խթանել կազմակերպության գործունեության չափանիշները:
Մասնակից կազմակերպության արժեքների և նորմերի հատուկ շարքը և առաջնորդության չափանիշների բաղադրիչներն են՝
- կազմակերպության արժեքների և նորմերի հատուկ շարքի պահպանումը և արժեքների ձևավորումը.
- փոփոխությունների իրականացման համար պայմանների ստեղծումը.
- ստեղծագործական ոճի և նորարարությունների խրախուսումը.
- նշանակության, տեսլականի ու ռազմավարության շուրջ միավորումը և դրանց իրականացման համար ներգրավումը:
Կազմակերպության գործունեության չափանիշի պահպանում և արժեքների ձևավորում, որը ենթադրում է, որ գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը՝

գործունեության չափանիշն ուղղորդվում է ըստ նշանակության և ընդունվում է գործելակերպում գործունեության չափանիշի արդիականացման անհրաժեշտությունը.
արժեքները ձևավորվում են որպես ցանկալի նորմեր և գործելակերպ, որոնք առաջ են տարվում, արտահայտվում և ակնառու կերպով ցուցադրվում են գործողությունների միջոցով.
առկա է էթիկայի կանոններով համադրված ցանկալի գործելավարք՝ ապահովելով կազմակերպության անձնակազմի գործողությունների միջոցով դրսևորվող ցանկալի վարքը.
արտահայտվում և խրախուսվում է շրջակա միջավայրի նկատմամբ հոգատարությունը, հաշվի է առնվում ռեսուրսների սահմանափակությունը՝ բարձրացնելով իրազեկվածությունը և շրջակա միջավայրի ոլորտում պատասխանատվությունը.
համաձայնեցվում են գնահատման, ճանաչման և պարգևատրման համակարգերն իրենց արժեքների հետ, դրանով պահպանելով կազմակերպության գործունեության հեռանկարային չափանիշը, տոնելով նշված ուղղությամբ հաջողությունները.
դեպի առավել կայուն ապագա տանող նույնականացման, ճանաչման և խթանման համակարգի (էկոհամակարգի) այլ մոդելների առկայություն:

Փոփոխությունների իրականացման համար պայմանների ստեղծումը, որը ենթադրում է, որ գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունում՝
- ստեղծվում են հիմնական հետաքրքրված կողմերի հետ այնպիսի պայմաններ, որոնց դեպքում հաջողված փոփոխությունները դիտարկվում են որպես նորմ.

ստեղծվում են պայմաններ, որոնց դեպքում կարող են հաջողությամբ զարգանալ հարաբերությունները, որոնք հիմնված են մեղավոր փնտրելուց հրաժարվելու և սխալների հիման վրա ուսուցանելու սկզբունքի վրա.
ռազմավարությանը հետևելու ընթացքում խրախուսվում է մասնագիտական ուսուցումը՝ խթանելով կազմակերպության բարելավումը, երբեմն նաև վերակազմավորումը.
որոշվում է փոփոխությունների տեմպը և գործողություններով ցույց է տրվում ցանկացած փոփոխության անհրաժեշտությունը, օգուտները և հետևանքները, որոնք կապված են կազմակերպության նշանակության, տեսլականի և ռազմավարության հետ.
մշակվում է փոփոխությունների հաջողված կառավարման ռազմավարություններ՝ նախորդ փոփոխությունների փորձի հիման վրա:

Ստեղծագործական ոճի և նորարարության խրախուսումը, որը ենթադրում է, որ գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունում՝

կարևորվում է ստեղծագործական ոճը, նորարարության և ռիսկերին կողմնորոշված մտածելակերպի վրա կենտրոնանալու կարևորությունն ու առավելությունները, որն օգնում է հասնելու սահմանված նշանակությանը, տեսլականին և ռազմավարությանը.
սահմանվում են հավակնոտ նպատակներ և առաջադրանքներ, որոնք խրախուսում են ստեղծագործ, նորարարական և ռիսկերին կողմնորոշված մտածելակերպը.
պահպանվում է գործունեության չափանիշը, որը խրախուսում է ստեղծագործ ոճը, նորարարությունը և ռիսկերին կողմնորոշված մտածելակերպը, և ձախողման դեպքում՝ արագ նույնականացվում է պատճառը, հանրության իրազեկելով (նույն սխալը կրկնելուց խուսափելու համար).
բարելավմանը նպաստելու և փորձ ձեռք բերելու համար զարգացվում է գործիքներից և սարքավորումներից օգտվելու մասնագիտական հմտությունները.
ստեղծագործ ոճի, նորարարության և ռիսկերին կողմնորոշված մտածելակերպի հնարավորությունները նույնականացնելու նպատակով իրականացվում է ներգրավվածության ուսուցման և համագործակցության հարթակներում.
իրականացվում է արտաքին համեմատական հնարավորություններ (benchmarking)՝ նորարարության վերջին հնարավորություններին համընթաց պահելու համար:

Նշանակության, տեսլականի ու ռազմավարության շուրջ միավորումը և դրանց իրականացման համար ներգրավումը, որը ենթադրում է, որ գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունում՝

կատարվում են ներդրումներ՝ հետաքրքրված կողմերին ապահովելու կազմակերպության նշանակության, տեսլականի, ռազմավարության արդյունավետ կերպով հասանելիությունը և օգնելու ստեղծել բաց և վստահելի մթնոլորտ.
խրախուսվում և գնահատվում է անկողմնակալ հետադարձ կապը՝ նշանակության, տեսլականի և ռազմավարության հետ կապված խնդիրների վերաբերյալ.
հիմնական հետաքրքրված կողմերին տրամադրվում է տեղեկատվություն՝ նշանակության, տեսլականի և ռազմավարության իրականացման ազդեցության և արդիականության մասին, բացատրելով նրանց ներգրավվածության կարևորությունը.
երաշխավորվում է, որ հիմնական հետաքրքրված կողմերը գիտակցեն նշանակությանը, տեսլականին և ռազմավարությանը համապատասխանելու կարևորությունը.
ճանաչվում, նշվում և կիսվում է հիմնական հետաքրքրված կողմերի հետ հաջողության յուրաքանչյուր պահը, որպես ցանկալի վարքագծի ամրապնդման ցուցանիշ:

Հետաքրքրված կողմերի ներգրավում, որը ենթադրում է, որ գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունում՝

նույնականացվում են հիմնական հետաքրքրված կողմերի հատուկ տեսակներն ու խմբերը.
օգտագործում է հիմնական հետաքրքրված կողմերի պահանջների և ակնկալիքների ըմբռնումը՝ շարունակական ներգրավվածության հասնելու համար.
հիմնական հետաքրքրված կողմերը ներգրավված են կազմակերպության ռազմավարությունը տարածելու, կայուն արժեքներ ստեղծելու գործում և ճանաչվում են նրանց ներդրումը, ներգրավվածությունը.
կառուցվում, պահպանվում և զարգացվում է հարաբերություններ հիմնական հետաքրքրված կողմերի հետ՝ հիմնված թափանցիկության, հաշվետվողականության, էթիկական վարքագծի և վստահության վրա.
աշխատանք է վարվում հիմնական հետաքրքրված կողմերի հետ զարգացնելու ընդհանուր ըմբռնումը և նպաստելու կայուն զարգացման նպատակների և Միավորված ազգերի կազմակերպության Գլոբալ պայմանագրի նպատակների նվաճումը.
ակտիվորեն հավաքվում է տեղեկատվություն հիմնական հետաքրքրված կողմերի ընկալումների մասին, չսպասելով, թե երբ նրանք կապ կհաստատեն.
գնահատվում է հիմնական հետաքրքրված կողմերի ընկալումների մասին տեղեկատվությունը՝ հաշվի առնելով հիմնական հետաքրքրված կողմերի պահանջները և կայացվում են որոշումներ համապատասխան գործողությունների վերաբերյալ, որոնք պետք է ձեռնարկվեն ապահովելու կազմակերպության անվտանգ ապագան՝ համաձայն հիմնական հետաքրքրված կողմերի ընկալման:

ՀԻՄՆԱԿԱՆ ՀԵՏԱՔՐՔՐՎԱԾ ԿՈՂՄԵՐԻ ԴԱՍԱԿԱՐԳՄԱՆ ՄԵՋ ՄԱՍՆԱԿԻՑ ԿԱԶՄԱԿԵՐՊՈՒԹՅԱՆ ԳՈՐԾՈՒՆԵՈՒԹՅԱՆ ՉԱՓԱՆԻՇԸ ԵՎ ԱՌԱՋՆՈՐԴՈՒԹՅՈՒՆԸ

Հիմնական հետաքրքրված կողմերի դասակարգման մեջ մասնակից կազմակերպության գործունեության չափանիշը և առաջնորդությունը, որը ենթադրում է, որ գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը հիմնական հետաքրքրված կողմերի դասակարգման մեջ ներառում է հետևյալ խմբերը (բաղադրիչները)՝

սպառողներ. կայուն հարաբերությունների ստեղծում.
մարդ (մարդիկ). հավակնություն, ներգրավում, զարգացում և պահպանում.
գործարար միջավայրի և կառավարության հետաքրքրված կողմերը. անվտանգության ապահովումը և մշտական աջակցումը.
հասարակություն. զարգացման, բարեկեցության և բարգավաճման գործում ներդրումը.
գործընկերներ և մատակարարներ. փոխհարաբերությունների կառուցումը և կայուն արժեքների ստեղծման համար աջակցման ապահովումը:

Հավակնորդ կազմակերպությունը հիմնական հետաքրքրված կողմերի դասակարգման մեջ ներառում է սպառողներ, որը անձ կամ կազմակերպություն է, ով կարող է ստանալ կամ ստանում է արտադրանք կամ ծառայություն, որոնք նախատեսված են այդ անձի կամ կազմակերպության համար կամ պահանջված են վերջիններիս կողմից:
Սպառողները կարող են լինել՝

ուղղակի (անմիջական) և անուղղակի սպառողներ.
օգտատերեր և այլ անձինք, որոնք ներգրավված են սպառման շղթայի տարբեր շփման փուլերում/օղակներում.
արտադրող սպառողներ, որոնք մասնակցում են արտադրանքի նախագծմանը և արտադրությանը.
անձինք կամ խմբեր, որոնք որոշումներ են կայացնում գնման գործընթացում:

Գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը՝

նույնականացնում և դասակարգում է իր սպառողներին՝ հիմնվելով որոշակի չափանիշների վրա, ինչպիսիք են սոցիալական նկարագիրը, պահանջներն ու ակնկալիքները, սպառողների և օգտագործողի վարքագիծը.
իր սպառողների հետ կայուն արժեքների ստեղծման բոլոր փուլերում պահպանում է հարաբերությունները և նույնիսկ այն փուլերում, որտեղ արժեքն անընդհատ չի ստեղծվում.
սպառողների տարբեր սեգմենտների հետ հաղորդակցության և շփումների արդյունքում հասկանում է պահանջները (սպառողների սեգմենտը սպառողների առանձին խումբ է, որն ունի մեկ կամ մի քանի ընդհանուր հատկանիշ/հատկանիշներ).
ստեղծում է հաղորդակցման ուղիներ, որոնք հեշտացնում են սպառողների հետ փոխգործակցությունը, հետադարձ կապ է տրամադրում նրանց փորձի վերաբերյալ և հնարավորություն է տալիս մասնակից կազմակերպությանը արագ և պատշաճ կերպով արձագանքելու:

ՄԱՐԴ (ՄԱՐԴԻԿ). ՀԱՎԱԿՆՈՒԹՅՈՒՆԸ, ՆԵՐԳՐԱՎՈՒՄԸ, ԶԱՐԳԱՑՈՒՄԸ և ՊԱՀՊԱՆՈՒՄԸ

Մարդ (մարդիկ), հավակնորդ կազմակերպությունում այն անձն է կամ մարդկանց խումբը (այսուհետ՝ մարդիկ), որոնց վարձում է մասնակից կազմակերպությունը (աշխատակազմ):
Գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունում՝

մշակվում է ռազմավարություն և պլաններ այն մարդկանց համար, ովքեր աջակցում են կազմակերպության ընդհանուր ռազմավարությանը և պլաններին.
մշակվում է դիրքորոշում մարդկանց զարգացող պահանջներին և ակնկալիքներին համապատասխան, ինչպես առկա, այնպես էլ ապագայում ի հայտ եկող՝ հաշվի առնելով կազմակերպության փոփոխությունները, գենդերային հավասարակշռությունն ու հավասարությունը, բազմազանությունն ու ներառումը, ինչպես նաև ցանկալի աշխատանքային միջավայրը.
ընդլայնվում է կազմակերպության մարդկանց լիազորություններն՝ արդյունավետորեն տեղեկատվություն փոխանակելու և կիսելու իրենց փորձն ու գիտելիքները գործող համակարգի (էկոհամակարգի) մյուս անդամների հետ.
ստեղծվում է իրադրություն, որտեղ մարդիկ կարող են զարգանալ և պահպանել իրենց բարեկեցությունը.
ապահովվում է ակտիվ ղեկավարություն, պարգևատրումներ, ճանաչում և հոգատարություն կազմակերպության մարդկանց նկատմամբ:

ԳՈՐԾԱՐԱՐ ՄԻՋԱՎԱՅՐԻ ԵՎ ԿԱՌԱՎԱՐՄԱՆ ՀԱՄԱԿԱՐԳԻ ՀԵՏԱՔՐՔՐՎԱԾ ԿՈՂՄԵՐԸ. ԱՆՎՏԱՆԳՈՒԹՅԱՆ ԱՊԱՀՈՎՈՒՄԸ ԵՎ ՄՇՏԱԿԱՆ ԱՋԱԿՑՈՒՄԸ

Գործարար միջավայրի և կառավարման համակարգի հետաքրքրված կողմերը անհատներ կամ խմբեր են, որոնց կազմակերպությունը հաշվետու է իր ֆինանսական, իրավական, էթիկական և ընդհանուր կառավարման պահանջների առնչությամբ, ներառյալ՝
գործարար միջավայրի հետաքրքրված կողմեր, որոնք կարող են ներառել սեփականատերեր, բաժնետերեր, ներդրողներ, ֆինանսական կազմակերպություններ.
կառավարության հետաքրքրված կողմեր, որոնք կարող են ներառել պետական մարմիններ, պետական կազմակերպություններ, տեղական գործադիր և վարչական մարմիններ.
գործնականում գնահատող մասնագետները տեսնում են, որ հավակնորդ կազմակերպությունը՝

ա. նույնականացնում է գործարար միջավայրի և կառավարության հիմնական հետաքրքրված կողմերին, ովքեր ֆինանսական, իրավական և ընդհանուր տնտեսական շահեր ունեն կազմակերպությունում, և պատկերացնում է նրանց ակնկալիքները,

բ. ներգրավում է գործարար միջավայրի և կառավարության հիմնական հետաքրքրված կողմերին իր բարելավման և վերափոխման հավակնություններին հասնելու և իր ընդհանուր ռազմավարական ուղղությունը զարգացնելու համար,

գ. ապահովում է փոխշահավետ հարաբերություններ գործարար միջավայրի և պետական կառավարման համակարգի հետաքրքրված կողմերի հետ,

դ. գործում է թափանցիկ և հաշվետու է հիմնական հետաքրքրված կողմերին՝ սահմանելով և մշտապես պահպանելով վստահության բարձր մակարդակ:

Հասարակություն. զարգացման, բարեկեցության և բարգավաճման գործում ներդրումը. բաղադրիչի նշանակության առումով գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը՝

օգտագործում է իր նշանակությունը, տեսլականը և ռազմավարությունը հստակ պատկերացնելու և կողմնորոշվելու, թե ինչ ներդրում է ունենալու հասարակության զարգացման գործում.
սահմանում, զարգացնում և պահպանում է հարաբերություններ հասարակության իր հիմնական հետաքրքրված կողմերի հետ, որոնք բերում են փոխադարձ շահի կազմակերպությանը և նրա հասարակությանը.
օգտագործում է հաղորդակցման միջոցներ, որոնք թույլ են տալիս հեշտությամբ շփվել հասարակության հետ, հետադարձ կապ ապահովել փորձառությունների առնչությամբ, և արագ, և դրանց հիման վրա պատշաճ կերպով արձագանքելու համար.
վարում է իր բիզնեսը թափանցիկ և հաշվետու է հիմնական հետաքրքրված կողմերի խմբերին, հաստատելով և պահպանելով վստահության բարձր մակարդակ:

ԳՈՐԾԸՆԿԵՐՆԵՐ ԵՎ ՄԱՏԱԿԱՐԱՐՆԵՐ. ՓՈԽՀԱՐԱԲԵՐՈՒԹՅՈՒՆՆԵՐԻ ԿԱՌՈՒՑՈՒՄԸ ԵՎ ԿԱՅՈՒՆ ԱՐԺԵՔՆԵՐԻ ՍՏԵՂԾՄԱՆ ՀԱՄԱՐ ԱՋԱԿՑՄԱՆ ԱՊԱՀՈՎՈՒՄԸ

Գործընկերները և մատակարարներն արտաքին կողմեր են, որոնց ընտրում է կազմակերպությունը, որպեսզի իրագործի իր նշանակությունը, հասնի իր տեսլականին, մշակի ռազմավարությունը և իրագործի երկու կողմերի շահերից բխող ընդհանուր նպատակները:
Գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը՝

առանձնացնում (սեգմենտավորում) է իր հիմնական գործընկերներին և մատակարարներին՝ ըստ իրենց նշանակության, տեսլականի և ռազմավարության.
ապահովում է, որ իր հիմնական գործընկերները և մատակարարները0, գործեն կազմակերպության ռազմավարությանը համապատասխան, և փոխադարձ հարաբերություններում հաստատվեն և բարելավեն թափանցիկությունը, ամբողջականությունն ու հաշվետվողականությունը.
կառուցում է վստահելի հարաբերություններ իր հիմնական գործընկերների և մատակարարների հետ՝ կայուն արժեքներ ստեղծելուն նպաստելու նպատակով.
առավելություններ ձեռք բերելու, երկկողմ և փոխշահավետ համագործակցության նպատակով ակտիվորեն (պրոակտիվ) աշխատում է իր հիմնական գործընկերների և մատակարարների հետ:

Կայուն արժեքների ստեղծումը. հավակնորդ կազմակերպությունը գիտակցում է, որ կայուն արժեքներ ստեղծելը կենսական նշանակություն ունի իր երկարաժամկետ հաջողության և ֆինանսական հզորության համար:
Կազմակերպության հստակ սահմանված նշանակությունը, որը լրացվում է ռազմավարությամբ, սահմանում է, թե ում համար կազմակերպությունը պետք է կայուն արժեքներ ստեղծի:
Սեգմենտավորված սպառողները կայուն արժեքներ ստեղծելու համար համարվում են նպատակային խումբ, թեև որոշ կազմակերպություններ կարող են նաև կողմնորոշվել դեպի ընտրված հիմնական հետաքրքրված կողմերը՝ իրենց հասարակության կամ շուկայի սեգմենտներում:
Հավակնորդ կազմակերպությունը գիտակցում է, որ հիմնական հետաքրքրված կողմերի պահանջները կարող են փոփոխվել ժամանակի ընթացքում, և որ կարևոր է հետադարձ կապի հավաքագրումն ու վերլուծությունը՝ իր արտադրանքը, ծառայությունները կամ որոշումները բարելավելու կամ փոփոխելու համար:
Կազմակերպության ընթացիկ և հեռավար պլանները կարող են զուգահեռ լինել կամ երբեմն համընկնել:
Կախված կազմակերպության գործունեության բնույթից հավակնող կազմակերպության բնութագրող բաղադրիչներն են՝

արժեքների նախագծումը և դրանց ստեղծումը.
արժեքների մասին տեղեկատվության փոխանակումը և արժեքների փոխանցումը.
արժեքների տրամադրումը.
համատեղ փորձի որոշումը և ներդրումը:

Արժեքների նախագծումը և դրանց ստեղծումը. գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը՝

պատկերացնում է իր տարբերությունը այլ կազմակերպություններից, ըստ անհրաժեշտության, ներառյալ իր մրցակիցներից և նմանատիպ տարբերությունները դարձնում է իր ստեղծած արժեքների անբաժանելի մասը.
գիտակցում է իր և այլ կազմակերպությունների տարբերությունը, համապատասխան դեպքերում ներառյալ մրցակիցներին, և այդ տաբերվող առանձնահատկությունները դարձնում է ստեղծվող արժեքի անբաժանելի մասը.
համատեղ արժեքներ ստեղծելու և կատարելագործելու նպատակով, զարգացման գործընթացում ներգրավում է իր հիմնական հետաքրքրված կողմերին.
իր առկա նշանակությանը և հնարավոր նպատակային խմբերի առկա և ապագա պահանջմունքներին համապատասխան՝ զարգացնում է իր ապրանքների, ծառայությունների և որոշումների պորտֆելը (portfolio).
նախագծում է արժեքը և արժեքի ստեղծման մոտեցումները, որպեսզի ներկայացնի դրա կենսացիկլը և իր պարտականությունները՝ հաշվի առնելով մարդու առողջության, անվտանգության և շրջակա միջավայրի վրա ազդեցությունները.
իր արժեքների առաջարկը և արժեքների ստեղծումը զարգացնելու և բարելավելու նպատակով կատարում է շուկայի քանակական և որակական հետազոտություն, իրականացնում է սպառողների հարցումներ և օգտագործում է հետադարձ կապի այլ ձևեր, որպես օրինաչափություններ՝ վերլուծությունների և եզրակացությունների համար:

Արժեքների մասին տեղեկատվության փոխանակումը և արժեքների փոխանցումը. գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը`

ուշագրավ հաղորդագրություններում ներկայացնում է արժեքի տարբերակիչ հատկանիշներ և առաջարկներ, որոնք հետագայում փոխանցվում են ներկա և հնարավոր սպառողներին, ինչպես նաև այլ նպատակային խմբերին.
օգտագործում է ցանցային փոխազդեցության առավելությունը և ազդեցությունը առցանց (հեռավար/օնլայն) և տեղում (օֆլայն) հարթակներում, որպեսզի բարձրացնի կազմակերպության դերը, առանձնահատկությունը և արժեքային առաջարկը.
օգտագործում է մասնագիտացված ռազմավարություններ և մոտեցումներ՝ նպատակային խմբերին իր տարբերակիչ հատկանիշներն ու արժեքային առաջարկները, ապրանքները, ծառայությունները և որոշումները ներկայացնելու համար.
հեշտացնում է նպատակային խմբերի աշխատանքը կազմակերպության հետ՝ առաջարկելով աջակցություն նախապես և դրանից հետո, երբ նրանք որոշում են կայացրել զբաղվել բիզնեսով, ինչը նպաստում է արժեքային առաջարկի հաջող փոխանցմանը:

Արժեքների տրամադրումը. գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը.

ներդնում է արժեքներ ստեղծելու արդյունավետ միջոցներ՝ համոզվելով, որ կարող է հետևողականորեն իրականացնել իր նշանակությունը և արժեքային առաջարկը.
ներկայացնում է կայուն արժեք, իր պարտավորություններին համապատասխան, իր ապրանքների, ծառայությունների և որոշումների փաթեթային (պորտֆելի) կիրառման միջոցով և նպատակային խմբերի պահանջմունքներն ու ակնկալիքները բավարարելով կամ գերազանցելով.
ներկայացնում է իր արտադրանքը, ծառայությունները և որոշումներն այնպես, որ նվազագույնի հասցնի բացասական ազդեցությունը հասարակության և շրջակա միջավայրի վրա.
իր արտադրանքը, ծառայությունները և որոշումներն օգտագործելու դեպքում, իր նպատակային խմբերին տրամադրում է իրենց պարտականությունների վերաբերյալ խորհրդատվություն:

Համատեղ փորձի որոշումը և ներդրումը. գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը.

օգտագործում է նպատակային խմբերի վարքագծի վերլուծությունից եզրակացությունները՝ կազմակերպության հետ աշխատանքի համատեղ փորձը որոշելու և ներդնելու համար.
արժեքի ստեղծման տարբեր փուլերում ապահովում է հետևողական, շարունակական և արդյունավետ առաջընթաց, ներառյալ ձեռնարկում է պատշաճ միջոցներ համապատասխան շփման կետերում.
հնարավորություններից քաղում է առավելություններ՝ անհատականացնելով համատեղ փորձն իր նպատակային խմբերի, ինչպես նաև հատուկ ապրանքների, ծառայությունների և որոշումների համար.
ապահովում է, որ մարդիկ ունենան անհրաժեշտ ռեսուրսներ, իրավասություններ և ընդլայնված լիազորություններ, որոնք անհրաժեշտ են նպատակային խմբերի համար համագործակցային փորձն առավելագույնի հասցնելու նպատակով.
նախագծում, ներդրում և օգտագործում է ժամանակակից հետադարձ կապի համակարգեր, բարելավելու արժեքների ստեղծման տարբեր փուլերը, ինչպես նաև կազմակերպության կողմից առաջարկվող ապրանքների, ծառայությունների և որոշումների համար:

Պիտանիության և վերափոխման կառավարումը. Ներկայում և ապագայում, որպեսզի դառնա և մնա հաջողակ, կազմակերպությանն անհրաժեշտ է միաժամանակ կատարել հետևյալ երկու կարևոր պահանջները`

պիտանիության կառավարում, երբ կազմակերպությանն անհրաժեշտ է մշտապես իրականացնել հաջող մատակարարումների կառավարում, կապված իր գործառնական բիզնես գործունեության հետ.
վերափոխման կառավարում, երբ կազմակերպության ներսում և նրա սահմաններից դուրս մշտական տեղի ունեցող փոփոխությունները պետք է զուգահեռաբար կառավարվեն, որպեսզի մնան հաջողակ:

Պիտանիության և վերափոխման կառավարման համադրությունը հաստատում է այն անհրաժեշտությունը, թե կազմակերպությունն այդ պահին իրականացրել է արդյոք մատակարարումներ և միաժամանակ պատրաստվում է ապագա մատակարարումներին:
Պիտանիության և վերափոխման ապահովման հիմնական տարրերն են համարվում նորարարությունների և տեխնոլոգիաների, տվյալների, տեղեկատվության և գիտելիքների անընդհատ աճող կարևորությունը, ինչպես նաև կրիտիկական կարևոր ակտիվների և ռեսուրսների օգտագործման վրա կենտրոնացումը:
Պիտանիության և վերափոխման ապահովման բաղադրիչներն են՝

պիտանիության և ռիսկերի կառավարումը.
ապագայի համար կազմակերպության վերափոխումը.
նորարարության կառավարումը և տեխնոլոգիաների օգտագործումը.
տվյալների՝ տեղեկատվության և գիտելիքների օպտիմալ օգտագործումը․
ակտիվների և ռեսուրսների կառավարումը:

Պիտանիության և ռիսկերի կառավարումը. գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը`

օգտագործում է պիտանիության կառավարման համակարգը, ապահովելու համար իր նշանակության, ռազմավարության, նպատակների միջև ամուր կապը, կայուն արժեքներ և արդյունքներ ստեղծելու նպատակով․
տեղեկատվության վրա հիմնված արդյունավետ, արձագանքող և ապացույցների վրա հիմնված բարելավումներն ապահովելու նպատակով օգտագործում է որակի կառավարման համակարգը․
իրականացնում է ծրագրի կառավարման և բարելավման գործընթացները՝ հիմնվելով իր պիտանիության կառավարման համակարգից ստացված տեղեկատվությանը.
նույնականացնում է ռիսկերը և գնահատում ռազմավարական առաջնահերթությունները, գործողությունների ուղղությունները և նախատեսված արդյունքները, ինչպես նաև առկա հնարավորությունները.
մշակում և իրականացնում է ռիսկերի կառավարման պլաններ՝ հիմնվելով տարբեր տեսանկյունների (ասպեկտների) վրա, ինչպիսիք են մշակութային, ռազմավարական, գործառնական, ֆինանսական, իրավական, նորմատիվային, կարգավորող, սոցիալական և տեխնիկական (ներառյալ՝ տեղեկատվական տեխնոլոգիաների և կիբեռանվտանգության) ոլորտում ռիսկերը:

Ապագայում կազմակերպության վերափոխումը. գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը`

նույնականացնում է վերափոխման և փոփոխության պահանջները՝ հաշվի առնելով իր նշանակությունը, ռազմավարությունը, կայուն արժեքներ ստեղծելու ոլորտում նպատակներն ու արդյունքները, ինչպես նաև վերլուծում է իր էկոհամակարգը՝ ապագայում հիմնական մարտահրավերներն ու հնարավորությունները կանխատեսելու համար.
հարմարեցնում է ընթացիկ ռազմավարությունը և գոյություն ունեցող բիզնես մոդելներն ապագա պահանջները բավարարելու համար և ներկայացնում է նոր բիզնես մոդելներ՝ հիմնված կանխատեսվող մարտահրավերների և հնարավորությունների վրա.
կառուցում է կազմակերպության կառուցվածքը, որպեսզի համապատասխանի իր նշանակությանը, տեսլականին և ռազմավարությանը, և դիտարկում է նորարարական մոտեցումներ՝ հարմարեցնելու իր գոյություն ունեցող կառուցվածքը՝ հիմնված կանխատեսվող մարտահրավերների և հնարավորությունների վրա.
անհրաժեշտ կայունության և ընթացիկ գործառնական գործունեության կառավարման համար սահմանում և օգտագործում է նոր մոտեցումներ, արագ փոփոխվող (ճկուն) աշխատանք.
ժամանակին վերանայում է իր արժեքների ստեղծման գործընթացները, կազմակերպության այլ գործընթացները՝ հիմնվելով գործառնական և հեռանկարային պահանջարկի վրա:

Նորարարության կառավարումը և տեխնոլոգիաների օգտագործումը. գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը`

ապահովում է հնարավորություններ, ռեսուրսներ և գործիքներ, որոնք զարգացնում և աջակցում են ստեղծագործական, նորարարության և ռիսկայնության գնահատման ուղղվածությամբ.
օգտվում է նորարարություններից, որոնք աջակցում են ընթացիկ բիզնեսի բարելավմանը և ապագա վերափոխման պահանջներին.
գնահատում և օգտագործում է նոր տեխնոլոգիաների ներուժը՝ անընդհատ աջակցելով արժեքների ստեղծմանը, ենթակառուցվածքի բարելավմանը, ինչպես նաև արագ արձագանքելու և իր գործընթացներն ու նախագծերը հարմարեցնելու կարողությանը.
իրականացնում է համապատասխան տեխնոլոգիական զարգացումներ այնպիսի արագությամբ, որnնք առավելագույնի են հասցնում ստացված օգուտները.
գնահատում և իրականացնում է կառավարումը գոյություն ունեցող և բեկումնային տեխնոլոգիաների ողջ կենսացիկլի համար, հիմնված շրջանաձև տնտեսության սկզբունքների վրա.
առավել շահեկան հասցնելու կազմակերպության և հետաքրքրված կողմերի համար օգուտները:

Տվյալների, տեղեկատվության և գիտելիքների օպտիմալ օգտագործումը գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը`

ապահովում է իր վերափոխման ծրագրերին աջակցելու համար անհրաժեշտ տվյալների նույնականացումը, ներկայումս առաջարկվող ապրանքների, ծառայությունների և որոշումների կառավարումը, ինչպես նաև ցանկացած կարևոր տեղեկատվություն հավաքելու հնարավորությունը, որը կարող է բացակայել.
օգտագործում է ընդլայնված վերլուծությունը, ներառյալ՝ կանխատեսող, տվյալներից արժեքներ հանելու, թաքնված օրինաչափությունների մասին պատկերացում կազմելու համար.
ապագայում կայուն արժեքներ ստեղծելու հնարավորությունները նույնականացնելու նպատակով տվյալները փոխակերպում է տեղեկատվության և գիտելիքի.
օգտագործում է հիմնական հետաքրքրված կողմերի գիտելիքները՝ գաղափարների և նորարարությունների վրա կենտրոնացնելու համար, ներառյալ համատեղ աշխատանքը, կայուն արժեքներ ստեղծող ապրանքներ, ծառայություններ և որոշումներ մշակելու համար.
ապահովում է տվյալների, տեղեկատվության և գիտելիքների մշակումը և պահպանումը՝ հարգելով տվյալներ, տեղեկատվություն և գիտելիքներ տրամադրողների պահանջները և իրավունքները.
պաշտպանում, պահպանում և առավելագույն օգուտներ է քաղում եզակի գիտելիքներից, օրինակ՝ մտավոր սեփականությունից:

Ակտիվների և ռեսուրսների կառավարումը. գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը`

օգտագործում է ֆինանսական ռեսուրսները հավասարակշռված և կայուն կերպով՝ ներկա հաջողությունն ու ապագայում ներդրումներն ապահովելու համար,
բացահայտում և իրականացնում է իր պարտականություններին համապատասխան կրիտիկական ակտիվների և ռեսուրսների կառավարումը, որոնք կենսական նշանակություն ունեն իր ռազմավարության, պիտանիության և վերափոխման համար, ներառյալ ֆինանսական ակտիվները (դրամական միջոցներ, կապիտալ, ներդրումներ), նյութական ակտիվները (առևտրային ենթակառուցվածքներ, ինչպիսիք են մատակարարման շղթան, անշարժ գույքը, տեխնոլոգիաները և սարքավորումները) և ոչ նյութական ակտիվները (սեփական տվյալներ, կազմակերպությունում մշակված ծրագրային/ծրագրավորման տեխնոլոգիաներ, ապրանքանիշ, գործարար համբավ, արտոնագրեր).
հայտնաբերում և կիրառում է հետևողական և նորարարական միջոցներ՝ առավելագույնի հասցնելու իր ակտիվների և ռեսուրսների արժեքը՝ բարձրացնելու պիտանիությունը և վերափոխման բնագավառում նպատակները, ինչպես կարճաժամկետ, այնպես էլ երկարաժամկետ հեռանկարում փոփոխվող կազմակերպչական և շուկայական պահանջներին համապատասխան.
բացահայտում է այն ակտիվներն ու ռեսուրսները, որոնց անհրաժեշտությունը բացակայում է (ներկայիս կամ ապագա բիզնեսի համար) և, ելնելով շրջանաձև տնտեսության սկզբունքներից, տնօրինում է դրանք իր ստանձնած պարտականություններին համապատասխան:

ԱՐԴՅՈՒՆՔՆԵՐԸ ԵՎ ԲՆՈՒԹԱԳՐՈՂ ԲԱՂԱԴՐԻՉՆԵՐԸ

Արդյունքներ, ինչպես է կազմակերպությունը հասել «ուղղություն» և «կատարում» բաժիններում նկարագրվածին, ներառյալ ապագայի կանխատեսումները. գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը տրամադրում է արդյունքների մասին տվյալներ՝

հետաքրքրված կողմերի ընկալումները.
կայուն արժեքների ստեղծում.
պիտանիության և վերափոխման կառավարում:

Հետաքրքրված կողմերի ընկալումը, արտահայտում է հիմնական հետաքրքրված կողմերի հետադարձ կապից ստացված արդյունքները, հիմնված կազմակերպության հետ համատեղ աշխատանքում՝ նրանց անձնական փորձի և ընկալումների հետ:
Այս ընկալումները կարող են վերաբերել ինչպես նախկին, այնպես էլ ներկայի հիմնական հետաքրքրված կողմերին և կարող են ստացվել մի շարք աղբյուրներից, ներառյալ հարցումները, ֆոկուս խմբերը, վարկանիշները, մամուլը կամ սոցիալական ցանցերը, արտաքին ճանաչումը (հավատարմագրում, սերտիֆիկացում), հետաքրքրությունների պաշտպանությունը, կառուցվածքային վերլուծության և գործողությունների պլանավորման խորհրդակցությունները, ներդրողների հաշվետվությունները, սպառողների դրական և բացասական արձագանքներ, ներառյալ հետադարձ կապը՝ սպառողների հետ կառավարման թիմերի փոխհարաբերությունները։
Ի լրումն հիմնական ընկալմանը, կազմակերպության մասին կարծիք կարող է ձևավորել հիմնական հետաքրքրված կողմը՝ անձնական փորձի հիման վրա, ընկալումները կարող են ձևավորվել նաև կազմակերպության հեղինակությունը շրջակա միջավայրի և հանրության վրա ունեցած ազդեցությամբ (կազմակերպության հիմնական հետաքրքրված կողմերի ընկալման աստիճանը կապված կայուն զարգացման նպատակներից մեկի կամ մի քանիսի և Միավորված ազգերի կազմակերպության Գլոբալ պայմանագրի նպատակները նվաճելու գործում նրա հաջողության հետ):
Գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը`

գիտակցում է, թե որքանով է հաջողությամբ իրականացնում իր ռազմավարությունը՝ բավարարելու հիմնական հետաքրքրված կողմերի պահանջմունքները ու ակնկալիքները.
օգտագործում է անցյալի և ներկայի պիտանիության իր վերլուծությունը՝ ապագայի պիտանիությունը կանխատեսելու համար.
օգտագործում է հիմնական հետաքրքրված կողմերի ընկալումները՝ տեղեկացված մնալու իր ընթացիկ ուղղության և ռազմավարության կատարման վրա ազդելու համար:

Հիմնական հետաքրքրված կողմերի ընկալումների և վերանայման ենթակա թեմաների օրինակները կարող են ներառվել, բայց դրանք թվարկված չլինեն որպես առաջնահերթություն և/կամ լինեն սահմանափակված հետևյալում`

սպառողների ընկալման արդյունքները.
մարդկանց ընկալման արդյունքները.
գործարար միջավայրի և կառավարության հետաքրքրված կողմերի ընկալման արդյունքները.
հանրային ընկալման արդյունքները.
գործընկերների և մատակարարների ընկալման արդյունքները:

Սպառողների ընկալման արդյունքները. Սպառողների ընկալումների վերաբերյալ տվյալները, ինչպիսիք են՝

ընդհանուր սպառողական փորձի ձեռքբերում.
կազմակերպության արժեքների և նորմերի հատուկ շարքը.
կողմնորոշում դեպի սպառողները և մարդկանց (կազմակերպությունում աշխատող) կողմից դրան նվիրվածության մակարդակը.
զարգացնել և խթանել կազմակերպության առևտրային նշանը (բրենդինգը) և հեղինակությունը, ներառյալ սոցիալական և շրջակա միջավայրի պահպանության բնագավառում պիտանիությունը.
կազմակերպության կողմից առաջարկվող ապրանքները, ծառայությունները և որոշումները.
օգտագործել նորարարությունները՝ բարելավելու կազմակերպության գործընթացները, ապրանքները, ծառայությունները և որոշումները.
կազմակերպության կողմից տեխնոլոգիաների օգտագործումը կայուն արժեք ապահովելու համար.
մատակարարումից և վաճառքից հետո աջակցության տարբեր ուղիները.
օգտագործվող հաղորդակցման ուղիների արդյունավետությունը։

Մարդկանց ընկալման արդյունքները. Մարդկանց ընկալումների վերաբերյալ տվյալներ, ինչպիսիք են՝

կազմակերպության արժեքների և նորմերի հատուկ շարքը.
կազմակերպության փորձը, ներառյալ, թե ինչպես է իրականացվում փոփոխությունների կառավարումը.
կազմակերպության տրամադրվածությունը ու նվաճումները գենդերային հավասարակշռության, հավասարության, բազմազանության և ներառվածության վերաբերյալ.
ինչպես է կազմակերպությունում իրականացվում ապագա աշխատանքի միջոցներին փոխակերպվելը, ինչպիսիք են ռոբոտների և աշխատող մարդկանց համագործակցությունը, արհեստական ինտելեկտի օգտագործումը և այլ առաջադեմ միջոցներ.
կազմակերպության աջակցությունը ընտանեկան և անձնական կյանքին.
կազմակերպության աջակցությունը լիազորությունների ընդլայնման, ճանաչման և զարգացման գործում.
աշխատանքային պայմանները, աշխատավարձերը և պարգևատրումները.
անձնական պիտանիության կառավարումը և բարելավումը.
կազմակերպության հեղինակությունը, ներառյալ որպես իր գործող համակարգի (էկոհամակարգի) առաջատար.
հաղորդակցությունը կազմակերպության ներսում.
Առաջադեմ գաղափարների, տաղանդների հավակնումը և ներգրավումը.
ռազմավարության իրականացման ձևը, դրանց ներդրումը և կազմակերպության ապագա ուղղության նկատմամբ վստահության աստիճանը:

Գործարար միջավայրի և կառավարման բնագավառում հետաքրքրված կողմերի ընկալման արդյունքները. Տվյալներ գործարար միջավայրի և պետական կառավարման համակարգի հետաքրքրված կողմերի ընկալումների վերաբերյալ, ինչպիսիք են սեփականատերերը, բաժնետերերը, ներդրողները, ֆինանսավորող կազմակերպությունները, պետական կառավարման համակարգի և տեղական ինքնակառավարման մարմինները, հանրային կազմակերպությունները․

կազմակերպության ֆինանսական կառավարումը, անվտանգությունը և կայունությունը.
կազմակերպության կառավարման կառուցվածքը, թափանցիկությունը, հաշվետվողականությունը և էթիկական վարքագիծը.
կազմակերպության սոցիալական և շրջակա միջավայրի պահպանության նկատմամբ պարտականությունները.
ռիսկերի կառավարում և պահանջմունքների կատարումը.
կազմակերպության հեղինակության և ապրանքանիշի մշակումը և առաջխաղացումը.
կազմակերպության կողմից առաջարկվող ապրանքները, ծառայությունները և որոշումները, ինչպես նաև նորարարության նկատմամբ նրա մոտեցումն ապրանքների, ծառայությունների և որոշումների գործընթացներում.
կազմակերպության կարողությունը վերահսկելու իրավիճակը, բացահայտել մեգաթրենդները և հաշվի առնելով դրանք՝ հաջողությամբ աշխատել նրանց հետ.
կազմակերպության հետ աշխատելու նրանց ընդհանուր փորձը:

Հասարակության կողմից ընկալման արդյունքներ. Տվյալներ տեղական, ազգային կամ միջազգային մակարդակներում հասարակության կողմից ընկալումներին առնչող, ինչպիսիք են՝

կազմակերպության ունակությունը բավարարելու հասարակության ակնկալիքները.
կազմակերպության ղեկավարության կողմից թափանցիկության և էթիկական վարքագծի ազդեցության աստիճանը հանրության վրա.
կազմակերպության կողմից մատուցվող գործունեության ազդեցությունը համայնքների վրա.
կազմակերպության կողմից համայնքին կայուն ներդրումներ` տնտեսական, սոցիալական և շրջակա միջավայրի բնագավառում գործելակերպի տեսանկյունից.
կազմակերպության հակվածությունը շրջանաձև տնտեսության անցնելուն.
կազմակերպության հակվածությունը նվազեցնելու անհավասարությունը, բազմազանության և ներառվածության և գենդերային հավասարակշռության հասնելը, ինչպես նաև նշված ոլորտներում նրա նվաճումները:

Գործընկերների և մատակարարների ընկալման արդյունքները. Հիմնական գործընկերների և մատակարարների ընկալումների վերաբերյալ տվյալներ, ինչպիսիք են՝

կազմակերպության հետ աշխատելու նրանց փորձը.
կազմակերպության պարտավորություններն ու նվաճումները համատեղ կայուն արժեքների ստեղծման ժամանակ և փոխշահավետ հիմունքներով աշխատանքի ոլորտում.
նոր տեխնոլոգիաների ներդրման և փոփոխությունների տեմպերը.
կազմակերպության սոցիալական պարտավորությունները.
կազմակերպության հակվածությունն ու նվաճումները շրջանաձև տնտեսությանն անցնելու հարցում.
հիմնական գործընկերների և մատակարարների պիտանիության կառավարումը և բարելավումը.
կազմակերպությունների հետ կապերը և փոխհարաբերությունների կառավարում.
կազմակերպության ղեկավարության կառուցվածքը, թափանցիկությունը, վարքագիծը և նրա գործելակերպը.
կազմակերպության, հիմնական գործընկերների և մատակարարների միջև փոխհարաբերությունների կայունությունը:

Ռազմավարական և գործառնական պիտանիությունը. Այս չափանիշը ներառում է կազմակերպության պիտանիության հետ կապված արդյունքները՝

իր նշանակությունն ու ռազմավարությունն իրականացնելու և կայուն արժեքներ ստեղծելու կարողությունը.
ապագայի նկատմամբ նրա տեսլականը:

Տվյալ արդյունքներն օգտագործվում են կազմակերպության կողմից՝ հասկանալու և բարելավելու իր ընդհանուր պիտանիությունը և կանխատեսելու նրա ազդեցությունը, ըստ որի գործնականում գնահատման մասնագետներին են ներկայացվում ապացույցներ առ այն, որ հավակնորդ կազմակերպությունը՝

օգտագործում է ինչպես ֆինանսական, այնպես էլ ոչ ֆինանսական ցուցանիշներ՝ գնահատելու իր ռազմավարական և գործառնական պիտանիությունը.
հասկանում է հիմնական հետաքրքրված կողմերի կողմից պլանավորված և փաստացի պիտանիության միջև կապը և կարող է վստահորեն կանխատեսել, թե ինչպես կզարգանա իր պիտանիությունը ապագայում.
հաշվի է առնում իր հիմնական հետաքրքրված կողմերի առկա և ապագա պահանջմունքներն ու ակնկալիքները՝ պիտանիությանն ամենահարմար ցուցանիշների մասին որոշումներ կայացնելիս, իր ռազմավարական և գործառնական նպատակներին համապատասխան.
հասկանում է պատճառահետևանքային կապերը, որոնք ազդում են պիտանիության վրա և օգտագործում է նվաճված արդյունքները՝ տեղեկացված մնալու և ազդելու դրա ընթացիկ «ուղղության» և «կատարման» բաժնի չափանիշների վրա.
օգտագործում է ներկա ժամանակում նվաճված արդյունքները կանխատեսելու ապագայում իր պիտանիության համար որոշակիության ակնկալվող աստիճանը:

Պիտանիության ռազմավարական և գործառնական ցուցանիշները կարող են ներառել`

նշանակության ցուցանիշներ և կայուն արժեքներ.
ֆինանսական պիտանիություն.
բավարարել հիմնական հետաքրքրված կողմերի ակնկալիքները.
ռազմավարական նպատակներ.
նվաճումներ, պիտանիության կառավարում.
նվաճումներ, վերափոխման կառավարում.
ձեռքբերումներ փոփոխությունների կառավարման ոլորտում.
ապագայի համար կանխատեսող չափումներ:

նախագիծ

Discussed

19.08.2024 - 05.09.2024
Type

Order Decision
Area

Economy
Ministry

Ministry of Economy

Send a letter to the draft author

Your suggestion will be posted on the site within 10 working days

Related documents / links