Under development

«Հայաստանի Հանրապետության հողային օրենսգրքում լրացումներ կատարելու մասին» ՀՀ օրենքի նախագիծ և «Հայաստանի Հանրապետության կառավարության 2010 թվականի հունվարի 14-ի թիվ 16-Ն որոշման մեջ փոփոխություն կատարելու մասին» Հայաստանի Հանրապետության կառավարության որոշման նախագիծ

2 - Agree
6 - Disagree

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀՈՂԱՅԻՆ ՕՐԵՆՍԳՐՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. 2001 թվականի մայիսի 2-ի Հայաստանի Հանրապետության հողային օրենսգրքի (այսուհետ` Օրենսգիրք) 48-րդ հոդվածի 3-րդ մասը լրացնել հետևյալ բովանդակությամբ՝ 3․1, 3․2 և 3․3 մասերով․

«3․1․ Օրենսգրքի 9-րդ հոդված 2-րդ մասով սահմանված գյուղատնտեսական նշանակության հողամասերի վարձակալությունը Օրենսգրքի 48-րդ հոդվածի 3-րդ մասով սահմանված կարող է երկարաձգվել ևս մինչև 25 տարի ժամկետով՝ սոցիալական կամ բարեգործական կամ Հայաստանի Հանրապետության կառավարության հավանությանն արժանացած ներդրումային ծրագրեր (այդ թվում` «Պետություն-մասնավոր գործընկերության մասին» Հայաստանի Հանրապետության օրենքով նախատեսված ՊՄԳ ծրագիր) իրականացնելու նպատակով:

3․2․ Սույն հոդվածի 3․1 մասում նշված ներդրումային ծրագրերի իրականացման նպատակով գյուղատնտեսական նշանակության հողամասերը վարձակալության իրավունքով տրամադրելու պարագայում վարձակալը պարտավոր է իրականացնել Օրենսգրքի 36-րդ հոդվածի 2-րդ կետի 1-5-րդ ենթակետերով սահմանված միջոցառումները և հողամասն օգտագործել սահմանված հողատեսքին համապատասխան: Երկարաժամկետ վարձակալության արդյունքում վարձակալի կողմից տվյալ հողամասում իրականացված բարելավումների սեփականության իրավունքը, վարձակալության պայմանագրի ժամկետի ավարտից հետո, պատկանում է սեփականատիրոջը։

3․3․ Սույն հոդվածի 3․1 մասում նշված ներդրումային ծրագրերի չկատարման կամ ոչ ամբողջական կատարման դեպքում վարձակալության նպատակով կնքված պայմանագրի դադարեցման և(կամ) վերանայման պայմանները սահմանում է ՀՀ կառավարությունը:»։

Հոդված 2. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հոդված 3. Սույն օրենքից բխող ենթաօրենսդրական նորմատիվ իրավական ակտն ընդունվում է սույն օրենքն ուժի մեջ մտնելուց հետո` վեցամսյա ժամկետում:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ
ՈՐՈՇՈՒՄԸ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ՀՈՒՆՎԱՐԻ 14-Ի ԹԻՎ 16-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Հոդված 1. «Հայաստանի Հանրապետության համայնքների վարչական սահմաններում ընդգրկված` պետական սեփականություն հանդիսացող հողամասերի օտարման, անհատույց (մշտական) օգտագործման, վարձակալության և կառուցապատման իրավունքով տրամադրման կարգը հաստատելու մասին» ՀՀ կառավարության 2010 թվականի հունվարի 14-ի թիվ 16-Ն որոշման հավելվածով սահմանված կարգի 14-րդ հոդվածի «10» թիվը փոխարինել «50» թվով։

Հոդված 2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

«Հայաստանի Հանրապետության հողային օրենսգրքում լրացումներ կատարելու մասին» ՀՀ օրենքի նախագիծ «Հայաստանի Հանրապետության կառավարության 2010 թվականի հունվարի 14-ի թիվ 16-Ն որոշման մեջ փոփոխություն կատարելու մասին» Հայաստանի Հանրապետության կառավարության որոշման նախագիծ

Discussed

01.04.2024 - 16.04.2024
Type

Law
Area

Agriculture, Economy
Ministry

Ministry of Economy

Send a letter to the draft author

Your suggestion will be posted on the site within 10 working days