Under development
12 - Agree
2 - Disagree
ՀԻՄՆԱՎՈՐՈՒՄ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2022 ԹՎԱԿԱՆԻ ՄԱՅԻՍԻ 19-Ի N 723-Լ ԵՎ 2022 ԹՎԱԿԱՆԻ ՀՈՒՆԻՍԻ 23-Ի N 932-Լ ՈՐՈՇՈՒՄՆԵՐԻ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
«Հայաստանի Հանրապետության կառավարության 2022 թվականի մայիսի 19-ի N 723-Լ և 2022 թվականի հունիսի 23-ի N932-Լ որոշմումների մեջ փոփոխություններ և լրացումներ կատարելու մասին» Հայաստանի Հանրապետության կառավարության որոշման նախագիծը մշակվել է անկանխիկ եղանակով վճարումներից կենսաթոշակառուներին հետվճար տրամադրելու գործընթացը շարունակական դարձնելու նպատակով։
1.1. Կարգավորման հարաբերությունների ներկա վիճակը և առկա խնդիրները
Անկանխիկ եղանակով վճարումներից կենսաթոշակառուներին հետվճար տրամադրելու պետություն-մասնավոր սոցիալական փոխգործակցության միջոցառումը հաստատվել է Հայաստանի Հանրապետության կառավարության 2022 թվականի մայիսի 19-ի թիվ 723-Լ որոշմամբ (այսուհետ՝ Որոշում)։ Նախատեսվում է միջոցառումն իրականացնել մինչև 2023 թվականի հունիսի 30-ը։
Միջոցառման իրականացման նախորդ ժամանակահատվածի արդյունքներից ելնելով նպատակահարմար է անկանխիկ եղանակով վճարումներից կենսաթոշակառուներին հետվճար տրամադրելու պետություն-մասնավոր սոցիալական փոխգործակցության միջոցառման գործողության ժամկետը երկարաձգել մինչև 2023 թվականի դեկտեմբերի 31-ը:
Ծրագրի մեկնարկի (2022 թվականի հուլիս ամսվա) համեմատ 2023 թվականի ապրիլ ամսին գործարքների թիվը ավելացել է 4.8 անգամ, ծավալները՝ 7.8 անգամ:
Հարկ է նշել, որ միջոցառման շահառուների թիվը 2022 թվականի միջին ամսականը կազմել է 44031, իսկ 2023 թվականի ապրիլին՝ 107926 (նախորդ մասվա նկատմամբ աճը կազմել է 8%)։ 1 շահառուի գծով հաշվարկված հետվճարի (առանց եկամատային հարկի) միջին ամսականը 2022 թվականին կազմել է 2915 դրամ, իսկ 2023 թվականի ապրիլին՝ 3281 դրամ:
2023 թվականի հունվար-ապրիլ ամիսների հետվճարի գծով ծախսերը կազմել է 1.2 մլրդ դրամ (առանց եկամատային հարկի)։
Առաջարկվում է «Հայաստանի Հանրապետության կառավարության 2022 թվականի մայիսի 19-ի N 723-Լ և 2022 թվականի հունիսի 23-ի N 932-Լ որոշումների մեջ կատարել համապատասխան փոփոխություններ և լրացումներ։
2. Կարգավորման առարկան
«Հայաստանի Հանրապետության կառավարության 2022 թվականի մայիսի 19-ի N 723-Լ և 2022 թվականի հունիսի 23-ի N 932-Լ որոշումների մեջ փոփոխություններ և լրացումներ կատարելու մասին» Հայաստանի Հանրապետության որոշման նախագծով առաջարկվում է անկանխիկ եղանակով վճարումներից կենսաթոշակառուներին հետվճար տրամադրելու պետություն-մասնավոր սոցիալական փոխգործակցության միջոցառումը շարունակել մինչև 2023 թվականի դեկտեմբերի 31-ը:
3. Իրավական ակտի կիրառման դեպքում ակնկալվող արդյունքը
«Հայաստանի Հանրապետության կառավարության 2022 թվականի մայիսի 19-ի N 723-Լ և 2022 թվականի հունիսի 23-ի N 932-Լ որոշումների մեջ փոփոխություններ և լրացումներ կատարելու մասին» Հայաստանի Հանրապետության որոշման նախագծով ապահովվում է ՀՀ Վարչապետի հանձնարարականի կատարումը՝ կենսաթոշակների անկանխիկ եղանակով վճարումներ կատարող կենսաթոշակառուներին հետվճար տրամադրելու գործընթացը դարձնելով շարունակական՝ միջոցառման վերջնաժամկետ սահմանելով 2023 թվականի դեկտեմբերի 31-ը:
4. Կապը ռազմավարական փաստաթղթերի հետ, Հայաստանի վերափոխման ռազմավարություն 2050, Կառավարության 2021-2026թթ․ ծրագիր, ոլորտային և/կամ այլ ռազմավարություններ:
Նախագիծը բխում է ՀՀ կառավարության 2021-2026թթ. ծրագրի 4.6 գլխի 1-ին պարբերությունից, այն է՝ «Կառավարությունը քայլեր է ձեռնարկելու մինչև 2026 թվականը նվազագույն կենսաթոշակի և կենսաթոշակի միջին չափերը հավասարեցնել համապատասխանաբար պարենային և սպառողական զամբյուղների արժեքներին, վերացնել ծայրահեղ աղքատությունը»:
5. Տեղեկանք
«Հայաստանի Հանրապետության կառավարության 2022 թվականի մայիսի 19-ի N 723-Լ և 2022 թվականի հունիսի 23-ի N 932-Լ որոշումների մեջ փոփոխություններ և լրացումներ կատարելու մասին» Հայաստանի Հանրապետության որոշման նախագծի ընդունման կապակցությամբ Հայաստանի Հանրապետության պետական բյուջեում տեղի կունենան ծախսերի ավելացում:
ՀՀ 2023 թվականի պետական բյուջեով երկրորդ կիսամյակի համար նշված միջոցառման իրականացման համար ծախսեր նախատեսված չեն։
Հարկ է նկատի ունենալ, որ շահառուների թիվը, անկանխիկ գործառնությունների ծավալները և 1 շահառուի գծով հաշվարկված հետվճարի գումարը ամսեամիս ավելանում են։
Ըստ այդմ, 2023 թվականի երկրորդ կիսամյակի համար կանխատեսվում է 3.5-4.1 մլրդ դրամ։
Միջոցառման շրջանակներում՝ 2023 թվականի երկրորդ կիսամյակի համար նշված միջոցառման իրականացման համար հետվճարը կատարելու, եկամտային հարկը վճարելու համար, ինչպես նաև միջոցառմանը նոր բանկեր ավելանալու կամ կենսաթոշակների և նպաստների չափերն ավելանալու դեպքում հարկ կլինի հատկացնել լրացուցիչ միջոցներ։
Discussed
25.05.2023 - 12.06.2023
Type
Decision
Area
Social welfare
Ministry
Ministry of Labor and Social Affairs
Views 2556
Print26.05.2023
Միաժամանակ ցանկանում ենք նշել, որ ՀՀ ԱՍՀՆ պաշտոնական կայքէջում Միջոցառման լոգոյով էջում տեղադրված տեղեկատվությունը եղել է սահմանափակ: Ավելին, վերջին ժամանակներս այդ լոգոյով տեղեկատվությունը անհասանելի է շահառուներին: Խնդրում ենք նաև վերականգնել այդ էջի հասանելիությունը և տողոկատվության ամբողջականությունը ՀՀ քաղաքացիներին:
26.05.2023
Ներկայացնելով վերոհիշյալը, ցանկանում ենք նշել, որ սույն Նախագծով փորձ է կատարվում հնչեցնել այն միտքը, որ ապահովվում է Միջոցառման շարունակականությունը: Սակայն դա պարզ իմիտացիա է և չի բխում ՀՀ սահմանադրության պահանջներից, այլև հակասում է դրանց՝ մեր վերոհիշյալ հիմնավորումներին համապատասխան: Հետևապես կրկին առաջարկում ենք առաջնորդվելով ՀՀ սահմանադրության իմպերատիվ պահանջներով. 1. Նախագիծը հետ ուղարկել կառավարություն, 2. Կասեցնել. 1) Հայաստանի Հանրապետության կառավարության 2022 թվականի մայիսի 19-ի «Անկանխիկ եղանակով վճարումներից կենսաթոշակառուներին հետվճար տրամադրելու պետություն-մասնավոր սոցիալական փոխգործակցության միջոցա¬ռումը հաստատելու մասին» N 723-Լ որոշման գործողությունը, 2) վերոհիշյալ որոշմամբ հաստատված Միջոցառման գործողությունը, 3) Հայաստանի Հանրապետության կառավարության 2022 թվականի հունիսի 23-ի N 932-Լ որոշման գործողությունը, 3. Միջոցներ ձեռնարկել. 1) Հայաստանի Հանրապետության կառավարության վերոհիշյալ որոշումներն ու Միջոցառումը ՀՀ սահմանադրությանը համապատասխանեցնելու ուղղությամբ այն հաշվով, որպեսզի ապահովվեն ՀՀ սահմանադրական նորմերի կատարումը Միջոցառման պոտենցիալ բոլոր շահառուների նկատմամբ, 2) Շտապ քայլեր ձեռնարկել ՀՀ-ում բոլոր գործող առևտրային բանկերին ներգրավելու Միջոցառման իրականացմանը՝ նրանց բոլորի՝ առանց բացառության, հետ կնքելով համապատասխան պայմանագրեր, 3) վերոհիշյալ որոշումներով չսահմանափակել Միջոցառման պոտենցիալ շահառուների կողմից կենսականորեն անխուսափելի սոցիալական ու կենցաղային բոլոր ծառայությունների դիմաց անկանխիկ գործարք կատարելու իրավունքն ու հնարվորությունները
26.05.2023
«Տնտեսական իրավունքի կենտրոն» հասարակական կազմակերպությունը (այսուհետ՝ ՏԻԿ ՀԿ), ուսումնասիրելով «Հայաստանի Հանրապետության կառավարության 2022 թվականի մայիսի 19-ի N 723-L և 2022 թվականի հունիսի 23-ի N 932-Լ որոշումների մեջ փոփոխություններ և լրացումներ կատարելու մասին» ՀՀ կառավարության որոշման նախագիծը (այսուհետև՝ Նախագիծ), գտնում է, որ Նախագիծն ընդունելի չէ՝ դրա հակասահմանդրականության և ՀՀ քաղաքացիների տարբեր սոցիալական խմբերի միջև խտրականություն ու անհավասարություն սահմանելու, այդ հիման վրա հասրակության տարբեր շերտերը տարանջատելու և միմյանց նկատմամբ հետագա հակասություն սերմանալու վտանգավոր հեռանկարի լուրջ մտավախությունից ելնելով: Հիմնավորումները կարող եք տեսնել Օրինագծի հեղինակին ուղարկված նամակում՝ 11 էջի վրա: