««ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ», «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՐԵԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ», «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ» և ««ՍՆԱՆԿՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՀՀ ՕՐԵՆՔՆԵՐԻ ՆԱԽԱԳԾԵՐ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՕՐԵՆՔԸ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. 2018 թվականի փետրվարի 9-ի Հայաստանի Հանրապետության քաղաքացիական դատավարության օրենսգրքի (այսուհետ՝ Օրենսգիրք) 132-րդ հոդվածի 3-րդ և 4-րդ մասերն ուժը կորցրած ճանաչել։

Հոդված 2. Եզրափակիչ մաս

1. Սույն օրենքն ուժի մեջ է մտնում պաշտոնական հրապարակմանը հաջորդող օրվանից։

ՀԱՆՐԱՊԵՏՈՒԹՅԱՆ ՆԱԽԱԳԱՀ                                 Վ. ԽԱՉԱՏՈՒՐՅԱՆ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՕՐԵՆՔԸ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՐԵԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. 2021 թվականի հունիսի 30-ի Հայաստանի Հանրապետության քրեական դատավարության օրենսգրքի (այսուհետ` Օրենսգիրք) 135-րդ հոդվածը լրացնել հետևյալ բովանդակությամբ 4-րդ մասով.

«4․Սույն հոդվածի 2-րդ մասով նախատեսված դեպքում դատարանի՝ գույքի արգելադրումը վերացնելու մասին որոշումն ենթակա է անհապաղ կատարման՝ «Կատարողական վարույթի մասին» օրենքով սահմանված կարգով։»։

Հոդված 2․ Օերնքի 160-րդ հոդվածի 7-րդ մասում «միջոցներ» բառից հետո լրացնել «, որոնք ենթակա են անհապաղ կատարման՝«Կատարողական վարույթի մասին» օրենքով սահմանված կարգով» բառերը։

Հոդված 3. Եզրափակիչ մաս

1. Սույն օրենքն ուժի մեջ է մտնում պաշտոնական հրապարակմանը հաջորդող օրվանից։

ՀԱՆՐԱՊԵՏՈՒԹՅԱՆ ՆԱԽԱԳԱՀ                                 Վ. ԽԱՉԱՏՈՒՐՅԱՆ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՕՐԵՆՔԸ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հոդված 1. 2013 թվականի դեկտեմբերի 5-ի Հայաստանի Հանրապետության վարչական դատավարության օրենսգրքի (այսուհետ՝ Օրենսգիրք) 83-րդ հոդվածը լրացնել հետևյալ բովանդակությամբ 6-րդ մասով.

«6․ Վարչական ակտի կատարումը ամբողջությամբ կամ մասնակիորեն կասեցնելու մասին վարչական դատարանի որոշումը կատարվում է անհապաղ` «Կատարողական վարույթի մասին» օրենքով սահմանված կարգով։»։

Հոդված 2. Եզրափակիչ մաս

1. Սույն օրենքն ուժի մեջ է մտնում պաշտոնական հրապարակմանը հաջորդող օրվանից։

ՀԱՆՐԱՊԵՏՈՒԹՅԱՆ ՆԱԽԱԳԱՀ                                 Վ. ԽԱՉԱՏՈՒՐՅԱՆ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՕՐԵՆՔԸ

«ՍՆԱՆԿՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Սնանկության մասին» 2006 թվականի դեկտեմբերի 25-ի ՀՕ-51-Ն օրենքի (այսուհետ` Օրենք) 13-րդ հոդվածում․

1. 2-րդ մասում «որոշում» բառից հետո լրացնել «, որով արգելվում է առանց դատարանի որոշման պարտապանի գույքի, ինչպես նաև նրա մասնակցի (մասնակիցների) սեփականությունը հանդիսացող պարտապան կազմակերպությունում ունեցած բաժնեմասերի (բաժնետոմսերի, փայաբաժինների և օրենքներով սահմանված այլ արժեթղթերի) օտարումը, վարձակալության տալը, գրավադրումը կամ այլ ձևով ծանրաբեռնումը, բացառությամբ սույն օրենքի 55-րդ հոդվածի երկրորդ մասով նախատեսված դեպքերի» նախադասությունը։
2. 3-րդ մասի «բ» կետում «գույքի» բառից հետո լրացնել «, բացառությամբ անշարժ գույքի,» բառերը։
3. 5-րդ մասում «ծառայությունը» բառից հետո լրացնել «դրանից բխող սահմանափակումները կառավարության սահմանած կարգով ներկայացնում է անշարժ գույքի պետական ռեգիստրին, ինչպես նաև» բառերը։

Հոդված 2․ Օրենքը լրացնել հետևյալ բովանդակությամբ 13.2-րդ հոդվածով.

«Հոդված 13․2. Սնանկության գործի ընթացքում անշարժ գույքի արգելադրման կարգը

1. Սնանկության վերաբերյալ դիմումը վարույթ ընդունելու, պարտապանին սնանկ ճանաչելու, սնանկ ճանաչելու վերաբերյալ դիմումը մերժելու, գործի վարույթը կարճելու, պարտապանին լուծարելու մասին որոշումների և ֆիզիկական անձին սնանկ ճանաչելու մասին վճռի հիման վրա դատարանը պարտապանին պատկանող անշարժ գույքի նկատմամբ կիրառում է արգելանք կամ վերացնում է այն։
2. Դատարանի որոշման կամ վճռի հիման վրա անշարժ գույքի արգելադրումը և ագելանքի վերացումն իրականացվում է «Կատարողական վարույթի մասին» օրենքով սահմանված կարգով։»։

Հոդված 3․ Օրենքի 15․4-րդ հոդվածի 1-ին մասի 1-ին կետի «բ» ենթակետը շարադրել հետևյալ խմբագրությամբ․

«բ) գույքի, բացառությամբ անշարժ գույքի, նկատմամբ իրավունքների պետական գրանցումն իրականացնող պետական մարմիններին.»։

Հոդված 4․ Օրենքի 19-րդ հոդվածի 1-ին մասի «գ» կետի 2-րդ ենթակետը շարադրել հետևյալ խմբագրությամբ․

«- գույքի, բացառությամբ անշարժ գույքի, նկատմամբ իրավունքների պետական գրանցումն իրականացնող պետական մարմիններին,»։

 Հոդված 5․ Օրենքի 71-րդ հոդվածի 1-ին մասում «տարածվել» բառից հետո լրացնել «, որի դեպքում դրա հիման վրա կազմված կատարողական թերթն անհապաղ ուղարկվում է հարկադիր կատարման» բառերը։

Հոդված 6․Եզրափակիչ մաս

1. Սույն օրենքն ուժի մեջ է մտնում պաշտոնական հրապարակմանը հաջորդող օրվանից։

ՀԱՆՐԱՊԵՏՈՒԹՅԱՆ ՆԱԽԱԳԱՀ                                 Վ. ԽԱՉԱՏՈՒՐՅԱՆ