«Հայաստանի Հանրապետության կրթության և գիտության նախարարի 2012 թվականի հոկտեմբերի 14-ի N 1507-Ն հրամանում փոփոխություններ և լրացումներ կատարելու մասին» ՀՀ կրթության, գիտության, մշակույթի և սպորտի նախարարի հրամանի նախագիծ

100%0%

15 - Agree
0 - Disagree

Նախագծով առաջարկվող փոփոխությունները վերաբերում են էքստեռն կարգով անցկացվող քննությունների գործող իրավակարգավորման մեջ առկա բացերի լրացմանն ու որոշ ձևակերպումների շտկմանը։

Գործող իրավակարգավորմամբ էքստեռն ավարտական և պետական ավարտական քննություններն անցկացվում են միայն 2-րդ քննաշրջանում։ Նախագծով առաջարվում է հիմնական կրթության վկայական և միջնակարգ կրթության ատեստատ ստանալու համար պետական ավարտական քննություններ կազմակերպել նաև 1-ին և 3-րդ քննաշրջաններում, ինչը բավականին կարևոր փոփոխություն է այն դրսեկների համար, ովքեր հետագայում կրթությունը պլանավորում են շարունակել բուհերում և ընդունելության քննություններ հանձնել դեկտեմբեր կամ հունվար ամիսներին։

Նախագծով հստակեցվում են նաև Հայաստանի Հանրապետության արդարադատության նախարարության քրեակատարողական հիմնարկներում պահվող ազատազրկման ձևով պատիժ կրող դատապարտյալների համար իրականացվող էքստեռն ավարտական և պետական ավարտական քննությունների անցկացման հետ կապված կարգավորումները։

Discussed

17.02.2025 - 04.03.2025
Type

Order Decision
Area

Education and science
Ministry

Ministry of Education, Science, Culture and Sport

Send a letter to the draft author

Your suggestion will be posted on the site within 10 working days

Suggestions

Տաթև Հայրապետյան

03.03.2025

Առաջարկում եմ տարրական դասարաններում էքստեռն կարգով քննություն չանցկացնել, քանի-որ այդ տարիքի սովորողի համար քննությունը ստրեսային է։ Քննության փոխարեն իրականացնել հարցազրույց։

Ռուզաննա Ասլանյան

27.02.2025

Ողջունելի նախաձեռնություն է, ինչը կնպաստի որոշ անհարմարություներից խուսափելուն և ժամանակի արդյունավետ օգտագործմանը ՝ կապված միայն 2-րդ քննաշրջանում ավարտական քննություն հանձնելու հնարավորության հետ։ Առաջարկում եմ վերանայել նաև կրտսեր դպրոցում էքսեռն քննություն հանձնելու կարգը՝ կապված այն երեխաների հետ, ում 6 տարեկանը լրանում է հունվարին։ Հաճախ են դեպքերը, երբ նրանք պատրաստ են դպրոց հաճախել նախորդ տարում 6 տարեկանը լրացած երեխաների հետ, բայց կարգում եղած կետերի համաձայն՝ պետք է սպասեն մինչև սեպտեմբեր, կամ գնան առաջին դասարան, և միայն երկրորդ կիսամյակում կարող են քննություն տալ և փոխադրվել երկրորդ դասարան։ Մինչդեռ, կարծում եմ, սա ավելի հեշտ և անցնցում կարելի է կազմակերպել առաջին դասարանի սկզբում՝ հունվարին 6 տարեկան դարձող երեխաների հետ։

Նարինե Առաքելյան

26.02.2025

Առաջարկում եմ աշխարհագրություն առարկայից կամավոր ատեստավորման համար նախատեսված թեստերում առաջադրանքներում պահպանել պարզից բարդ սկզբունքայնությունը, իսկ պահանջները լինեն ավելի հստակ ու հասկանալի ։