«ԳՆՈՒՄՆԵՐԻ ՄԱՍԻՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ՆԱԽԱԳԾԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ

1.

Անհրաժեշտությունը

«Գնումների մասին» օրենքում փոփոխություններ կատարելու մասին օրենքի նախագծի ընդունման անհրաժեշտությունը պայմանավորված է այն հանգամանքով, որ նախագծում առաջարկվող նոր կարգավորումները հստակեցում են մտցնում գործող օրենքի որոշ դրույթներում՝ բացառելով իրավակիրառ պրակտիկայում հաճախակի հանդիպող տարաբնույթ մեկնաբանությունները:

Փոփոխություններն ուղղված են նախագծում բերված հոդվածներով սահմանված կարգավորումների պարզեցմանը՝ ստեղծելով առավել հստակ և միանշանակ կանոններ, որոնք կբացառեն տարաբնույթ մեկնաբանությունները:

2.

Ընթացիկ իրավիճակը և խնդիրները

Օրենքի՝ նախագծում բերված հոդվածներով սահմանված կարգավորումների իրավակիրառ պրակտիկայում հաճախակի են դրանց շուրջ տարաբնույթ մեկնաբանությունները, որոնք ուղղակի ազդեցություն են ունենում ինչպես գնման գործընթացների կազմակերպման արդյունավետության, այնպես էլ որոշումների կայացման ապակենտրոնացվածության և ճկունության աստիճանի բարձրացման վրա:

 3.

Տվյալ բնագավառում իրականացվող քաղաքականությունը

Տվյալ բնագավառում իրականացվող քաղաքականության փոփոխություն չի նախատեսվում:

4.

Կարգավորման նպատակը և բնույթը

Նախագծով առաջարկվում է բացառել իրավակիրառ պրակտիկայում հաճախակի հանդիպող տարաբնույթ մեկնաբանությունները, բարձրացնել ինչպես գնման գործընթացների կազմակերպման արդյունավետությունը, այնպես էլ որոշումների կայացման ապակենտրոնացվածության և ճկունության աստիճանը:

5.

Նախագծի մշակման գործընթացում ներգրավված ինստիտուտները և ան­ձինք

Նախագիծը մշակվել է ՀՀ ֆինանսների նախարարության կողմից:

6.

Ակնկալվող արդյունքը

Նախագծի ընդունման արդյունքում կբացառվի իրավակիրառ պրակտիկայում հաճախակի հանդիպող տարաբնույթ մեկնաբանությունները, կբարձրացվի ինչպես գնման գործընթացների կազմակերպման արդյունավետությունը, այնպես էլ որոշումների կայացման ապակենտրոնացվածության և ճկունության աստիճանը:

7.

Տեղեկատվություն նախագծի ընդունմամբ այլ իրավական ակտերի ընդունման անհրաժեշտության կամ բացակայության մասին

Նախագծի ընդունմամբ այլ իրավական ակտերում փոփոխություններ կամ լրացումներ կատարելու անհրաժեշտություն չի առաջանում:

8.

Տեղեկատվություն՝ լրացուցիչ ֆինանսական միջոցների անհրաժեշտության և պետական կամ տեղական ինքնակառավարման մարմնի բյուջեի եկամուտներում և ծախսերում սպասվելիք փոփոխությունների մասին

Նախագծի ընդունմամբ պետական կամ տեղական ինքնակառավարման մարմնի բյուջեում ծախսերի և եկամուտների էական ավելացում կամ նվազեցում չի նախատեսվում:

9.

Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ:

Նախագծի ընդունումը չի բխում ռազմավարական փաստաթղթերից: