ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2019 ԹՎԱԿԱՆԻ ԴԵԿՏԵՄԲԵՐԻ 25-Ի №523-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

3 - Agree
6 - Disagree

ՀԻՄՆԱՎՈՐՈՒՄ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2019 ԹՎԱԿԱՆԻ ԴԵԿՏԵՄԲԵՐԻ 25-Ի №523-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

1․ Իրավական ակտի ընդունման անհրաժեշտությունը

Նախագծի մշակումը պայմանավորված է էլեկտրաէներգետիկական բաշխման ցանցի աշխատանքի, բաշխողի և սպառողների փոխհարաբերությունների բարելավման անհրաժեշտությամբ, որն այդ տեսանկյունից մշտապես արդիականացման կարիք ունի:

2․ Ընթացիկ իրավիճակը և խնդիրները

Բաշխման լիցենզիա ունեցող անձի և սպառողների փոխհարաբերությունները մշտական արդիականացման և բարելավման կարիք ունեն: Այդ առումով, հաշվի առնելով Հայաստանի Հանրապետության էլեկտրաէներգետիկական շուկայի բաշխման ցանցային կանոնների 2023 թվականի ընթացքում գործնական կիրառման արդյունքում իրականացված վերլուծությունները, սպառողներից ստացած դիմում բողոքները, ինչպես նաև «Հայաստանի էլեկտրական ցանցեր» ՓԲԸ-ի հետ վերլուծելով և գնահատելով գործող բաշխման ցանցային կանոնները՝ Հայաստանի Հանրապետության հանրային ծառայությունները կարգավորող հանձնաժողովը լրամշակել է Հայաստանի Հանրապետության հանրային ծառայությունները կարգավորող հանձնաժողովի 2019 թվականի դեկտեմբերի 25-ի №523-ն որոշումը: Մասնավորապես, սպառողի սպառման համակարգի էլեկտրամատակարարման պլանային և վթարային ընդհատումների գումարային քանակների կրճատման նպատակով առաջարկվել է կիրառել լրացուցիչ ամսական սահմանաչափ, իսկ ընդհատումների սահմանված տևողություններից յուրաքանչյուրի կրկնակին գերազանցելու դեպքերում՝ բաշխողի կողմից սպառողին կվճարվի սպառված էլեկտրաէներգիայի միջին ամսական արժեքի 50 տոկոսի չափով, բայց ոչ ավելի, քան 3500 դրամը:

Հաշվի առնելով բաշխողի կողմից սպառողներին վճարվող տույժերի ներկայիս մեխանիզմներում առկա որոշակի գործնական անհարմարությունը՝ նախատեսվել է ԷԲՑ կանոնների 135-րդ կետով սահմանված ժամկետների խախտման դեպքերում հաշվարկված տույժը հաշվի առնել սպառողի ընթացիկ հաշվարկային ամսվան հաջորդող ամսում ծախսած էլեկտրական էներգիայի համար ներկայացվելիք հաշվարկային փաստաթղթում: Կատարվել են նաև տեխնիկական բնույթի ճշգրտումներ։

3․ Կարգավորման նպատակը և բնույթը

Նախագծի նպատակն է բարելավել բաշխման լիցենզիա ունեցող անձի և սպառողի փոխհարաբերությունները, որը կնպաստի նաև բաշխման ցանցի աշխատանքի արդյունավետության բարձրացմանը։

4․ Նախագծի մշակման գործընթացում ներգրավված ինստիտուտները և անձինք

Նախագիծը մշակվել է Հայաստանի Հանրապետության հանրային ծառայությունները կարգավորող հանձնաժողովի կողմից և քննարկվել է «Հայաստանի էլեկտրական ցանցեր» ՓԲԸ-ի հետ։

5․ Ակնկալվող արդյունքը

Նախագծի ընդունման արդյունքում ակնկալվում է էլեկտրական էներգիայի բաշխման լիցենզիա ունեցող անձի և սպառողների փոխհարաբերությունների, ինչպես նաև էլեկտրաէներգետիկական համակարգում սպառողների սպառման համակարգերի էլեկտրամատակարարմանն առնչվող հարաբերությունների բարելավում:

Discussed

04.06.2024 - 20.06.2024
Type

Decision
Area

Energy (electricity, heat supply, gas supply systems)
Ministry

RA Public Services Regulatory Commission

Send a letter to the draft author

Your suggestion will be posted on the site within 10 working days