Under development

«Օտարման ենթակա պետական գույքն առանց գնային առաջարկի վաճառքը կազմակերպելու մասին

3 - Agree
1 - Disagree

ՀԻՄՆԱՎՈՐՈՒՄ

«ՕՏԱՐՄԱՆ ԵՆԹԱԿԱ ՊԵՏԱԿԱՆ ԳՈՒՅՔՆ ԱՌԱՆՑ ԳՆԱՅԻՆ ԱՌԱՋԱՐԿԻ ՎԱՃԱՌՔԸ ԿԱԶՄԱԿԵՐՊԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ

Իրավական ակտի անհրաժեշտությունը

Նախագծով կանոնակարգվում է օտարման ենթակա պետական գույքն առանց գնային առաջարկի վաճառքը: Այս գործընթացը նախատեսվում է կիրառել հիմնականում օտարման ենթակա դժվար իրացվելիք պետական սեփականություն համարվող անշարժ և շարժական գույքը վաճառելու դեպքում: Դժվար իրացվելիք գույք համարվում է պետական այն գույքը, որը մեկ և ավելի անգամ գնահատված շուկայական արժեքով դրվում է վաճառքի և չի վաճառվում։

Ընթացիկ իրավիճակը և խնդիրները

Օտարման ենթակա պետական սեփականություն հանդիսացող գույքն առանց գնային առաջարկի վաճառքի կազմակերպման գործընթացն իրականացնելու նպատակով Պետական գույքի կառավարման կոմիտեն ուսումնասիրել է օտարերկրյա պետությունների փորձը, այդ թվում նաև Ռուսաստանի Դաշնությանը:

Ուսումնասիրության արդյունքների հիման վրա որոշվել է գույքի օտարման գործընթացը կազմակերպել 2 փուլով և դրան համապատասխան մշակել մեթոդական և իրավական դաշտ:

Առկա խնդիրների առաջարկվող լուծումները

Վաճառքն իրականացվելու է երկու փուլով՝

- առաջին փուլում նախատեսվում է իրականացնել աճուրդի մասնակիցների նախաորակավորում, որի ընթացքում հանրային իրազեկման ճանապարհով, օտարման ենթակա յուրաքանչյուր գույքի վերաբերյալ գնային առաջարկների ստացման և այն քննարկման միջոցով սահմանվելու են օտարման ենթակա գույքի վաճառքի մեկնարկային գինը և մասնակիցների շրջանակը:

Վաճառքի մեկնարկային գինը սահմանվելու է ելնելով ներկայացված ամենաբարձր գնային առաջարկից: Ընդ որում վաճառքի մեկնարկային գինը չի կարող պակաս սահմանվել գույքի գնահատված լիկվիդային արժեքից:

Երկրորդ փուլում նախատեսվում է գույքի վաճառքն իրականացնել դասական աճուրդի միջոցով:

Տվյալ բնագավառում իրականացվող քաղաքականությունը

Առանց գնային առաջարկի վաճառքի կազմակերպելու մասին որոշումը ընդունում է ՀՀ կառավարությունը, որով սահմանվում է օտարման ենթակա գույքի ցանկը և պայամանները: Վաճառքն առաջարկվում է իրականացնել երկու փուլով՝

1) առաջին փուլը` դա աճուրդի մասնակիցների որակավորման փուլն է, որի ընթացքում հանրային իրազեկման ճանապարհով, օտարման ենթակա յուրաքանչյուր գույքի վերաբերյալ գնային առաջարկների ստացման և այն քննարկման ճանապարհով սահմանվում է օտարման ենթակա գույքի վաճառքի մեկնարկային գինը և մասնակիցների շրջանակը:

Վաճառքի մեկնարկային գինը սահմանվում է ելնելով ներկայացված ամենաբարձր գնային առաջարկից,

2) երկրորդ փուլը՝ սահմանված մեկնարկային գնով՝ դասական աճուրդի միջոցով գույքի վաճառքի կազմակերպումն է:

Առաջին փուլի իրականացման նպատակով Կոմիտեի նախագահի հրամանով ստեղծվում է վաճառքի կազմակերպման հանձնաժողով, որը կազմում և հրապարակում է վաճառքի ենթակա գույքի մասին տեղեկությունները, ընդունում է գույքի վաճառքի հայտերը, վարում հայտերի ընդունման գրանցամատյանը, քննարկում է ներկայացված գնային առաջարկները, որոշում է օտարման ենթակա պետական գույքի վաճառքի մեկնարկային գինը:

Հանձնաժողովն որակավորման փուլն ավարտելուց հետո մեկ ժամվա ընթացքում որոշում է կայացնում սահմանված մեկնարկային գնով աճուրդի միջոցով գույքի վաճառքի կազմակերպման վերաբերյալ: Որոշումը պարտադիր կարգով ենթակա է հրապարակման: Որոշման հրապարակումից 1 ժամ հետո կազմակերպվում է աճուրդը:

Աճուրդը կազմակերպում է աճուրդի կազմակերպիչը, որը այդ նպատակով ստեղծում է աճուրդային հանձնաժողով:

Աճուրդն իրականացվում է դասական (գնի ավելացման) եղանակով, աճուրդային նվազագույն քայլի չափը սահմանվում է գույքի մեկնարկային գնի 5 տոկոսի չափով:

Աճուրդին կարող են մասնակցել բոլոր հայտատուները, որոնք ստացել են մասնակցի կարգավիճակ:

Աճուրդում հաղթող է ճանաչվում այն գնորդը, որը գույքի վաճառքի համար առաջարկում է առավելագույն գինը:

Կարգավորման նպատակը և բնույթը

Նախագծի ընդունման նպատակն է՝ օտարման ենթակա առավել գրավիչ պետական սեփականություն համարվող անշարժ և շարժական գույքը վաճառել առանց գնային առաջարկի, որը կբերի գույքի տնտեսական շրջանառության մեջ արագ մտնելու և պետական բյուջեի մուտքերի ավելացման:

Նախագծի մշակման գործընթացում ներգրավված ինստիտուտները և անձինք

Նախագիծը մշակվել է ՀՀ տնտեսական զարգացման և ներդրումների նախարարության Պետական գույքի կառավարման կոմիտեի կողմից:

Իրավական ակտի կիրարկման դեպքում ակնկալվող արդյունքը

Որոշման ընդունման դեպքում նախատեսվում է օտարման ենթակա առավել գրավիչ պետական սեփականություն համարվող անշարժ և շարժական գույքը վաճառել առանց գնային առաջարկի:

Discussed

29.01.2019 - 20.02.2019
Type

Decision
Area

State property management
Ministry

State Property Management Committee

Send a letter to the draft author

Your suggestion will be posted on the site within 10 working days