Under development

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

3 - Agree
4 - Disagree

Հոդված 1. Հայաստանի Հանրապետության 2016 թվականի հոկտեմբերի 4-ի հարկային օրենսգրքի (այսուհետ՝ Օրենսգիրք) 254-րդ հոդվածի 3-րդ մասի 2-րդ կետը «վճարողները» բառից հետո լրացնել «՝ բացառությամբ ԱՏԳԱԱ 2204 ծածկագրին դասվող խաղողի գինու արտադրություն իրականացնող հարկ վճարողների» բառերով:

Հոդված 2. Օրենսգրքի 267-րդ հոդվածի 5-րդ մասի 3-րդ մասում «վճարողները» բառից հետո լրացնել «՝ բացառությամբ ԱՏԳԱԱ 2204 ծածկագրին դասվող խաղողի գինու արտադրություն իրականացնող հարկ վճարողների» բառերով:

Հոդված 3. Օրենսգրքի 270-րդ հոդվածի 3-րդ մասը «սուբյեկտներն» բառից հետո լրացնել «՝ բացառությամբ ԱՏԳԱԱ 2204 ծածկագրին դասվող խաղողի գինու արտադրություն իրականացնողների,» բառերով:

Հոդված 4. Օրենքի 270-րդ հոդվածը լրացնել հետևյալ խմբագրությամբ նոր 4-րդ մասով.

«4. ԱՏԳԱԱ 2204 ծածկագրին դասվող խաղողի գինու արտադրություն իրականացնող ընտանեկան ձեռնարկատիրության սուբյեկտները չեն ազատվում ԱԱՀ-ի և ակցիզային հարկի միասնական հաշվարկի ներկայացման պարտավորությունից:»:

Հոդված 5. Սույն օրենքն ուժի մեջ է մտնում պաշտոնական հրապարակմանը հաջորդող տասներորդ օրը:

Save as word Save as pdf

Discussed

14.08.2018 - 30.08.2018
Type

Law
Area

State revenue, Economy, Financial, Economical
Ministry

Ministry of Economy

Public discussion

31.07.2018 13:46

Մհեր Մկրտչյան 5

Send a letter to the draft author

Your suggestion will be posted on the site within 10 working days

Suggestions

Razmik Khachaturyan

15.08.2018

ԱԱՀ-ի շեմը տարանջատել երկու մասի - Ներքին իրացումներ և արտահանում։ Տրամաբանությունն այն է, որ արտահանման ծավալների աճի պատճառով, երբ ԱԱՀ-ի շեմը հատվում է, տնտեսվարողը ստիպված չլինի ԱԱՀ-ի (որոշ չափով նաև շահութահարկի) չափով թանկացնել իր ծառայությունների գները։ Առաջարկս հիմնականում վերաբերվում է ՏՏ ոլորտին, քանի որ շատ ՏՏ կազմակերպություններ կամ այլ երկրում են գրանցում իրենց բիզնեսը, ՀՀ-ում թողնելով միայն ներքին շուկայի հաճախորդներին (որ մրցունակ մնան), ինչը լրիվ օրինական է, բայց պետությունը ոչինչ չի շահում, կամ ՀՀ-ում երկու կազմակերպություն են բացում (ներքին ու արտաքին շուկաների համար), ինչը օրենքի խախտում է։ Իսկ արտահանման դեպքում շեմը մի քանի անգամ մեծացնել, ինչը շատ մեծ մրցակցային հնարավորություններ կտա շատ արագ տեմպերով բիզնեսը ընդլայնելու ու ծառայությունների որակը էապես բարձրացնելու համար։

Andranik Daniel

14.08.2018

Տնայնագործ գինեգործները տասնամյակներ շարունակ ՀՀ տարածքում գործել են առանց պետական գրանցման և նրանց հարկային դաշտ բերելու համար անհրաժեշտ են իրական գործողություններ, այլ ոչ թե թղթի վրա գրված սիրուն օրենք:

Andranik Daniel

14.08.2018

Մինչև օրենքի փոփոխությունը, անհրաժեշտ է բացատրական հսկայածավալ աշխատանքներ կատարել տնայնագործ գինեգործների հետ: Հակառակ դեպքում՝ սա կդարնա հերթական շատ լավ օրենքը, սակայն այն մի մի աղերս չի ունենա իրականության հետ: