<ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ 2020 ԹՎԱԿԱՆԻ ԴԵԿՏԵՄԲԵՐԻ 28-Ի N 102-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ> ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ ՀՐԱՄԱՆԻ ՆԱԽԱԳԻԾ

ՀԻՄՆԱՎՈՐՈՒՄ

­­­­­ <ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ

ՆԱԽԱԳԱՀԻ 2020 ԹՎԱԿԱՆԻ ԴԵԿՏԵՄԲԵՐԻ 28-Ի N 102-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ >

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ ՀՐԱՄԱՆԻ ՆԱԽԱԳԾԻ ՎԵՐԱԲԵՐՅԱԼ

­­­­­

1. Անհրաժեշտությունը

Նախագծի ընդունումը պայմանավորված է ՀՀ տարածքում պետական և ոչ պետական պատվիրատուների կողմից նախաձեռնված հասարակական նշանակության՝ կրթական և առողջապահական օբյեկտների կառուցման պահանջարկով և դրանց մեծածավալ աշխատանքների ընթացքով, որի շրջանակներում անհրաժեշտ են հիմնավորված հողհատկացումներ և կառուցապատման թույլտվություններ:  

2. Ընթացիկ իրավիճակը և խնդիրները

Ներկայումս կրթական և առողջապահական օբյեկտների կառուցման հարկայնությունը սահմանված է ՀՀ քաղաքաշինության կոմիտեի նախագահի 2020 թվականի դեկտեմբերի 28-ի <ՀՀՇՆ 20.04-2020 «Երկրաշարժադիմացկուն շինարարություն. Նախագծման նորմեր» շինարարական նորմերը հաստատելու և Հայաստանի Հանրապետության քաղաքաշինության նախարարի 2006 թվականի փետրվարի 3-ի N24-Ն հրամանն ուժը կորցրած ճանաչելու մասին> N102-Ն հրամանով հաստատված հավելվածի 82-րդ կետով, ըստ որի կրթական և առողջապահական օբյեկտների համար սահմանված է առավելագույն հարկայնություն՝ 3 հարկ:

ՀՀ առողջապահության նախարարության կողմից բազմիցս գրավոր պարզաբանումներով ներկայացվել է առաջարկ առողջապահական օբյեկտների հարկայնությունը վերանայելու և այն մինչև 9 հարկ սահմանելու վերաբերյալ:

Առաջարկները ներկայացվել են դեռ մինչև ՀՀ քաղաքաշինության կոմիտեի նախագահի 2024 թվականի հունիսի 25-ի <ՀՀՇՆ 31-03.07-2024 <Առողջապահական կազմակերպություններ. Հիվանդանոցային բուժօգնության (ստացիոնար) օբյեկտների շենքեր և շինություններ> Հայաստանի Հանրապետության շինարարական նորմերը հաստատելու մասին> N12-Ն հրամանի ընդունումը՝ առողջապահության ոլորտի լիազորված մարմնի գրավոր դիրքորոշումների շրջանակներում:

       Արդյունքում՝ Հրամանի հավելվածի 119-րդ կետում նախատեսվել է դրույթ առողջապահական կազմակերպությունների շենքերի հարկերի հնարավոր ավելացման վերաբերյալ՝  <ԲՍԿ-ների շենքերի և մասնաշենքերի հարկերի թիվը չպետք է գերազանցի երեքը, եթե  տվյալ շենքերն ու մասնաշենքերը նախատեսված են միայն ստացիոնար բուժման ծառայությունների կազմակերպում իրականացնելու (մահճակալային համալրումով) համար: Հարկերի քանակի ավելացումը հնարավոր է հատուկ տեխնիկական պայմանի առկայության պարագայում:>:

       Միաժամանակ ՀՀ քաղաքաշինության կոմիտեն ուսումնասիրել է նաև օտարերկրյա պետություններում առկա արդի կարգավորումները կրթական օբյեկտների հարկայնության մասով: Հաշվի առնելով այն հանգամանքը, որ մինչ այժմ ՀՀ տարածքում գործող նորմատիվատեխնիկական փաստաթղթերի գերակշիռ հատվածը իր կարգավորումներով կրկնում էր խորհրդային տարիներին ընդունված դրույթները, ներկայիս իրավիճակում Ռուսաստանի Դաշնությունը ևս վերանայել է նույն կարգավորումները (դրանք ոչ արդի լինելու հանգամանքով պայմանավորված) և կրթական օբյեկտների հարկայնության համար սահմանել ավելի բարձր հարկայնություն՝ 5 հարկ:  

3. Կարգավորման նպատակը և բնույթը

Նախագծով ամրագրված  կարգավորումն առավելապես վերաբերում է կրթական և առողջապահական օբյեկտների շենքերի և մասնաշենքերի հարկայնության ավելացման խնդրին, ինչն առաջիկայում հնարավորություն կընձեռի խիտ բնակչությամբ համայնքներում նախատեսել առավելագույն հզորությամբ թե կրթական և թե առողջապահական օբյեկտներ, մեկտեղելով մատուցվող տարատեսակ ծառայությունները, փոքր հողատարածքում կառուցապատում իրականացնելու միջոցով ապահովել տվյալ բնակավայրի սոցիալական և տնտեսական զարգացումը:

Նախագիծը տեղադրվել է Հայաստանի Հանրապետության քաղաքաշինության կոմիտեի www.minurban.am կայքէջում:

Կապը ռազմավարական փաստաթղթերի հետ

«Քաղաքաշինության մասին» օրենք

Հոդված 10.1, 3-րդ մասի 5-րդ և 5.1-ին կետեր

Կոմիտեն՝

- օրենքով սահմանված կարգով կազմակերպում և համակարգում է նորմատիվ փաստաթղթերի (բացի ազգային ստանդարտներից) մշակման աշխատանքները.

- հաստատում է քաղաքաշինական նորմատիվատեխնիկական փաստաթղթերը:

4. Ակնկալվող արդյունքը

Ակնկալվում է արդի պահանջներին համապատասխան իրավական ակտի ընդունում:

ՏԵՂԵԿԱՆՔ

­­­­­ <ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ 2020 ԹՎԱԿԱՆԻ ԴԵԿՏԵՄԲԵՐԻ 28-Ի N 102-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ> ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ ՀՐԱՄԱՆԻ ՆԱԽԱԳԾԻ ՎԵՐԱԲԵՐՅԱԼ

­­­­­<Հայաստանի Հանրապետության քաղաքաշինության կոմիտեի նախագահի 2020 թվականի դեկտեմբերի 28-ի N 102-Ն հրամանում փոփոխություններ և լրացում կատարելու մասին> ՀՀ քաղաքաշինության նախարարի հրամանի նախագծի ընդունման կապակցությամբ պետական բյուջեում ծախսերի և եկամուտների փոփոխություններ չեն առաջանում: