Добавить в избранное

Находится в правительстве РА

Ռազմական կարիքների համար փորձանմուշների, լրամասերի և բաղադրիչների ֆինանսավորման կարգը հաստատելու մասին

43%57%

  • 3 - За

  • 4 - Против

Все рекомендации по содержанию проекта включаются в кратком содержании,онлайн письма - в течении 2 рабочих дней, эл. письма - в течении 10 рабочих дней

project.digest.no Автор предложения, дата получения Содержание предложения Заключение Сделанные изменения
1 2 3 4
1 Ստեփան Պետրոսյան 01.03.2025 16:21:08 1. Պետք է սահմանել թե ինչպիսին է լինլելու կանխավճարի կարգը: Կարծում եմ, որ այն պետք է լինի 100 տոկոս: 2. Կարծում եմ ճիշտ կլինի ՓՊԱ ազատել ԱԱՀ-ից: 3. Քանի որ ՓՊԱ կատարումը շահույթ չի նախատեսում, ապա պետք է գնահաշվարկում նախատեսվի մինչև 20 տոկոս չնախատեսված ծախսեր: 4. Պետք է նախատեսել ՓՊԱ կատարմանը կազմակերպությունների մասնակցության շահագռգռման համակարգ: Կարծում եմ, որ հետագայում հնարավոր սերիական արտադրության պատվիրակման մշուշոտ հեռանկարը բավարար չէ: Որպես քայլ գուցե պետք է լավ աշխատանքի համար նախատեսել պարգևավճարների համակարգ: 5. Եթե պայմանգիրը կնքվում է գնումների մասին օրենքի ստանդարտ պահանջներին համապատասխան և էապես հաշվի չեն առնվում ռազմական արտադրանքի ստեղծման առանձնահատկությունները, ապա կարծում եմ գործը շատ դժվարությունների հետ կառընչվի և գործին շատ թե քիչ տեղյակ սուբյեկտները չեն ցանկանա մասնակցել ՓՊԱ կատարմանը: 6. Պետք է հստակցվի փորձարկումների ծրագիր-մեթոդների համաձայնեցման և հաստատման ժամկետները և կարգը: Այդ գործընթացում պետք է ներգրաված լինեն միայն շահագռգիռ և մասնագիտացված օղակները: Միայն այդպիսի օղակները կցուցաբերեն գործին իսկապես օգնելու և աջակցելու վարք, ինչը շատ կարևոր է: Այդ օղակների թերացումների համար պետք է սահմանվեն սակցիաներ, ինչպես նաև նրանց աշխատանքը գնահատելիս պետք է որպես ցուցանիշներից մեկը վերցնել ՓՊԱ կատարման իրենց մասնակցությունը և դրական ելքերը: 7. Պետք է հստակ սահմանվի ՓՊԱ կատարման համար այլ պետական կառույցների կողմից հատկացվող անհրաժեշտ միջոցների տրամա-դրման կարգը և ժամկետները: Եթե առանց դրանց տրամադրման ՓՊԱ հնարավոր չէ սկսել, ապա ՓՊԱ սկիզբը համարել տվյալ միջոցի տրամադրան օրը: Պետք է ամեն դեպքում քննարկել նման թերացումների պատճառը և սահմանել պատասխանատվություն: 8. Եթե ՓՊԱ կատարվել է բարեխղճորեն և ժամանակին, սակայն փորձարկման արդյունքում այն ինչ-որ պատճառով չի ընդունվել, ապա պայմանագրում պետք է հստակ սահմանվի թե ինչ է դրան հետևում: Եթե հնարավոր է որոշ թերություններ վերացնել և աշխատանքը ավարտել, ապա պետք է լրացուցիչ Համաձայնագրով ամրագրել կատարվող աշխատանքների ծավալը, ժամկետները և լրացուցիչ ֆինանսավորել դրանք ավարտին հասցնելու համար: Դրանից հետո, բացասական ելքի դեպքում միայն համարել, որ տվյալ ՓՊԱ իրականացման համար առկա են չնախատեսված և անհաղթահարելի խոչնդոտներ / դրանք ռիսկեր են , որոնք չէին նախատեսվել նաև Հայտերի փորձաքննության ժամանակ/ , և պետք է այն համարել ավարտված, ընդ որում առանց կանխավճարի ետ վերադարձի պահանջի և կատարողի վրա առանց որևե տույժի հաշվարկման: Այս առումով էլ պետք է նաև հնարավորինս խստացնել և մեծացնել Հայտերի գնահատման փուլի դերը: 9. Շատ դեպքերում ՓՊԱ հիմքում ընկած է մշակում, որի համար կատարողն ունի ՀՀ Արտոնագիր: Ինչպես են հաշվի առնվելու կատարողի իրավունքները ՓՊԱ կատարման և հետագա սերիական արտադրության կազմակերման ժամանակ: Պետք է պայմանա-գրում այդ մասին հստակ նշվի: 10. ՓՊԱ կատարման ամբողջ գործընթացը սկսած Հայտերի ձևակերպումից և վերջացված փորձարկումների կազմակերպումով և աշխատանքների ընդունումով իրենից ներկայացնում է մի մեծ բյուրոկրատական գործողությունների շարան, որին շատ քիչ սուբյեկտներ ցանկություն կունենան մասնակցելու: Անհրաժեշտ է էապես այս կարգը պարզեցնել: 1․ Կանխավճարի մասին պայմանը ենթակա է պայմանագրային կարգավորման։ 2․ ՓՊԱ-ի իրավահարաբերությունները ԱԱՀ-ից ազատելու համար հիմքեր վկայակոչված չեն։ Միաժամանակ, կատարողի բոլոր ծախսերը կարող են ներառվել գնահաշվարկում, այդ թվում և ԱԱՀ-ն։ 3․ Շահույթ չհետապնդելու փոխարեն չնախատեսված 20 տոկոս ծախսերի հնարավորություն սահմանելը ընդունելի չէ, դա չի կարող համարվել հավասարակշռող պայման, իսկ բոլոր ծախսերը պետք է լինեն իրական և հիմնավոր։ 4․ ՓՊԱ կարգը ինքն իրենով տեղական ռազմարդյունաբերության խրախուսող, խթանող, օժանդակող բնույթ ունեցող կարգավորում է, պետությունը ֆինանսական միջոցներ է տրամադրում ստեղծված փորձանմուշի փորձարկման համար անհրաժեշտ քանակն ապահովելու համար, այլ առանձին խրախուսանք կատարողի համար չի նախատեսվում։ 5․ Ներկայումս ՀՀ-ում ռազմական կարիքների համար պայմանագրերը կնքվում են գնումների օրենսդրությանը համապատասխան, որը ընդհանուր կանոն է։ 6․ Փորձարկումների անցկացման կարգը սահմանվելու է ՀՀ կառավարության առանձին որոշմամբ, որն այժմ վերջնամշակման փուլում է։ Կարգով նկարագրված են անհրաժեշտ գործընթացները, մասնակիցները, նրանց պարտականություններն ու իրավունքները և պրոցեսուալ ժամկետները։ 7․ Անհրաժեշտ գույքի տրամադրման կարգը սահմանված է, հստակ ամրագրված են կոնկրետ փուլերի պատասխանատուները և պրոցեսուալ ժամկետները։ Խախտումների համար պատասխանատվությունն ամրագրված է ՀՀ օրենսդրությամբ։ 8․ Պատշաճ կատարված սակայն փորձարկումը չանցած ՓՊԱ արդյունքը տեղավորվում է ողջամտության և տրամաբանության շրջանակներում, քանի որ ՓՊԱ-ն հանդիսանում է փորձարկմանը նախորդող փուլ, այսինք ստեղծվում է փորձարկման ենթակա ապրանքի անհրաժեշտ քանակ, որպեսզի փորձարկվի դրա արդյունավետությունը, որը մինչ այդ ոչ ոքի հայտնի չէր։ Այս առումով ՓՊԱ կատարողը չի կրելու անցանկալի հետևանքներ, եթե աշխատանքները կատարվել էին պատշաճ։ 9․ ՓՊԱ կատարողի հեղինակային և հարակից այլ իրավունքները կարգավորվելու են կողմերի միջև կնքվելիք պայմանագրով։ 10․ Կարգը մշակվել է հաշվի առնելով հնարավոր կիրառողների առաջարկություններն ու կարծիքները՝ լայն շրջանակների հետ ակտիվ քննարկումների արդյունքում։ Կարգն առավել պարզեցնելու առանձին կոնկրետ առաջարկներն օրենքով սահմանված կարգով ներկայացնելու պարագայում դրանք կքննարկվեն և ընդունելի լինելու պարագայում տեղ կգտնեն որոշման մեջ։ Ընդունվել է ի գիտություն