«Հայաստանի Հանրապետության կառավարության 2018 թվականի հոկտեմբերի 4-ի N 1132-Ն որոշման մեջ փոփոխություններ և լրացում կատարելու մասին» ՀՀ կառավարության որոշման նախագիծ

ՏԵՂԵԿԱՆՔ-ՀԻՄՆԱՎՈՐՈՒՄ

«Հայաստանի Հանրապետության կառավարության 2018 թվականի հոկտեմբերի 4-ի

N 1132-Ն որոշման մեջ փոփոխություններ և լրացում կատարելու մասին»

ՀՀ կառավարության որոշման նախագծի ընդունման

1. Իրավական ակտի ընդունման անհրաժեշտությունը

      Որոշման նախագծի ընդունումը պայմանավորված է «Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին» 13.04.2023թ. ՀO-126-Ն oրենքով «Զինվորական ծառայության և զինծառայողի կարգավիճակի մասի» օրենքի (այսուհետ՝ օրենք) 19-րդ հոդվածի 1-ին և 26-րդ հոդվածի 4-րդ մասերում կատարված լրացումը և փոփոխությունը ՀՀ կառավարության 2018 թվականի հոկտեմբերի 4-ի §Պարտադիր զինվորական ծառայության զորակոչի անցկացման կարգը հաստատելու մասին¦ N 1132-Ն որոշման (այսուհետ՝ որոշում) մեջ իրացնելու, ինչպես նաև որոշման մի շարք դրույթներ կարգավորիչ օրենքների պահանջներին համապատասխանեցնելու անհրաժեշտությամբ: Որոշման նախագծի ընդունումը բխում է նաև ՀՀ վարչապետի .05.2023թ. N -Ա որոշման 2-րդ հավելվածով հաստատված ցանկի 5-րդ կետի կատարումն ապահովելու անհրաժեշտությունից:

2. Ընթացիկ իրավիճակը և խնդիրները

      Օրենքի 19-րդ հոդվածի 1-ին մասի համաձայն՝ հայտարարված զորակոչին պարտադիր զինվորական ծառայության ենթակա են նաև այն քաղաքացիները և պահեստազորի սպայական կազմը, որոնց համապատասխանաբար 27, 28 և (կամ) 35 տարին լրանում է տվյալ զորակոչի ընթացքում: «Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին» 13.04.2023թ. ՀO-126-Ն oրենքով նշված մասում կատարված լրացման արդյունքում նախատեսվել է, որ այդ պարտականությունը տարածվում է հայտարարված զորակոչի շրջանակներում զինված ուժերի համալրման ժամկետի ընթացքում համապատասխան տարիքը լրացող քաղաքացիների վրա, իսկ զինված ուժերի համալրման ժամկետը սահմանվում է համապատասխան զորակոչը հայտարարելու մասին ՀՀ կառավարության որոշմամբ: Փոփոխություն է կատարվել նաև օրենքի 26-րդ հոդվածի 4-րդ մասում և սահմանվել է, որ շարքային կազմի պարտադիր զինվորական ծառայության մեջ գտնվող եղբայր ունեցող շարքային կազմի պարտադիր զինծառայողն իր ցանկությամբ ծառայության է նշանակվում եղբոր ծառայության վայրի զորամասում, բացառությամբ եթե շարքային կազմի պարտադիր զինվորական ծառայության մեջ գտնվող եղբոր ծառայության ժամկետը գերազանցում է 17 ամիսը կամ եղբայրը պարտադիր զինվորական ծառայություն է անցնում այնպիսի զորամասում, որտեղ ծառայություն անցնելու համար անհրաժեշտ պայմանները չեն բավարարվում զորակոչվող եղբոր կողմից կամ ծառայության մեջ գտնվող եղբոր ծառայության վայրի զորամասի համալրում նախատեսված չէ հայտարարված զորակոչի շրջանակներում: Օրենքում կատարված լրացման և փոփոխության արդյունքում անհրաժեշտություն է առաջացել այդ կարգավորումները ներառել նաև որոշման համապատասխան դրույթներում: Բացի այդ, որոշման մեջ իրացվում են «Պաշտպանության մասին» օրենքում փոփոխություններ և լրացումներ կատարելու մասին» 07.07.2022 ՀՕ-334-Ն oրենքով ու «Զինվորական ծառայության և զինծառայողի կարգավիճակի մասին» օրենքում փոփոխություններ և լրացում կատարելու մասին» 07.12.2022 ՀՕ-515-Ն օրենքով կատարված փոփոխությունները, որոնց համաձայն հստակեցվում է որոշման ընդունման հիմք հանդիսացող «Պաշտպանության մասին» օրենքի համապատասխան հոդվածին տրվող հղումը, ինչպես նաև դադարեցվում են «Զինվորական ծառայության և զինծառայողի կարգավիճակի մասին» օրենքի 26-րդ հոդվածի 5-րդ մասի՝ այլևս չգործող դրույթների վերաբերյալ կարգավորումների գործողությունը:

3. Կարգավորման նպատակը և բնույթը

      Որոշման նախագծի համաձայն ՀՀ կառավարության 04.10.2018թ. N 1132-Ն որոշման մեջ իրացվում են «Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին» 13.04.2023թ. ՀO-126-Ն oրենքի դրույթները, ինչպես նաև որոշման մի շարք դրույթներ համապատասխանեցվում են կարգավորիչ օրենքների պահանջներին:

4. Լրացուցիչ ֆինանսական միջոցների անհրաժեշտությունը և պետական բյուջեի եկամուտներում ու ծախսերում սպասվելիք փոփոխությունները

      Որոշման նախագծի ընդունումը պետական բյուջեի եկամուտներում և ծախսերում փոփոխությունների չի հանգեցնում:

5. Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ

      Որոշման նախագիծը կապված չէ ռազմավարական փաստաթղթերի հետ: