Добавить в избранное

«Գործունեության իրականացման ծանուցման մասին» Հայաստանի Հանրապետության օրենքում լրացումներ կատարելու մասին» և «Պետական տուրքի մասին» Հայաստանի Հանրապետության օրենքում լրացումներ կատարելու մասին» ՀՀ օրենքների նախագծեր

  • 52 - За

  • 0 - Против

ՆԱԽԱԳԻԾ

 

 

ՀԱՅԱUՏԱՆԻ ՀԱՆՐԱՊԵՏՈՒԹՅԱՆ

OՐԵՆՔԸ

 

«ԳՈՐԾՈՒՆԵՈՒԹՅԱՆ ԻՐԱԿԱՆԱՑՄԱՆ ԾԱՆՈՒՑՄԱՆ ՄԱՍԻՆ» ՀԱՅԱՍՏԱՆԻ

ՀԱՆՐԱՊԵՏՈՒԹՅԱՆ ՕՐԵՆՔՈՒՄ ԼՐԱՑՈՒՄՆԵՐ

ԿԱՏԱՐԵԼՈՒ ՄԱՍԻՆ

 

Հոդված 1. «Գործունեության իրականացման ծանուցման մասին» Հայաuտանի Հանրապետության 2015 թվականի նոյեմբերի 13-ի ՀO-120-Ն օրենքի (այuուհետ` oրենք) 22-րդ հոդվածի`

  1. 2-րդ մասի ծանուցման  ենթակա  գործունեության  տեսակների աղյուսակի «4. ԳՈՐԾՈՒՆԵՈՒԹՅԱՆ ԱՅԼ ԲՆԱԳԱՎԱՌՆԵՐ» բաժնի՝

1) 1-ին  կետի «միայն» բառից հետո լրացնել «մեղրից,» բառը,

2) 1.2-րդ կետից հետո լրացնել նոր 1.3-րդ կետ հետևյալ բովանդակությամբ՝

«1.3

«Արտաքին տնտեսական գործունեության ապրանքային անվանացանկ» (ԱՏԳ ԱԱ) դասակարգչի 220820 ծածկա­գրին դասվող խաղողի գինու կամ խաղողի մզման թորումից ստացվող սպիրտային թրմօղիների արտադրություն և հնացում, առանց իրացման իրավունքի

ԿՄ

Ա

Վ»,

 

3) 3-րդ  կետի «միայն» բառից հետո լրացնել «մեղրից,» բառը,

4) 4-րդ կետի «գինիների» բառից հետո լրացնել «և մեղրից ստացված այլ ալկոհոլային խմիչքների» բառերը։

  1. 3.1-րդ մասից հետո լրացնել նոր մաս հետևյալ բովանդակությամբ՝ «3.2. Իրավաբանական կամ ֆիզիկական անձը կամ անհատ ձեռնարկատերը չի կարող միաժամանակ ծանուցել սույն հոդվածի աղյուսակի «4. ԳՈՐԾՈՒՆԵՈՒԹՅԱՆ ԱՅԼ ԲՆԱԳԱՎԱՌՆԵՐ» բաժնի 1.1-րդ և 1.3-րդ կետերով նախատեսված գործունեության տեսակների իրականացման մասին։»։

 

Հոդված 2. Անցումային դրույթներ

  1. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
  2. Եթե սույն օրենքն ուժի մեջ մտնելուց հետո օրենքի 22-րդ հոդվածի 2-րդ մասի աղյուսակի «4.ԳՈՐԾՈՒՆԵՈՒԹՅԱՆ ԱՅԼ ԲՆԱԳԱՎԱՌՆԵՐ» բաժնի 1.1-րդ կետով նախատեսված գործունեության մասին օրենքով սահմանված կարգով ծանուցում ներկայացրած իրավաբանական կամ ֆիզիկական անձը կամ անհատ ձեռնարկատերը տվյալ իրավունքի գործողության ժամկետի ավարտից հետո ցանկանում է զբաղվել միայն օրենքի 22-րդ հոդվածի 2-րդ մասի աղյուսակի «4.ԳՈՐԾՈՒՆԵՈՒԹՅԱՆ ԱՅԼ ԲՆԱԳԱՎԱՌՆԵՐ» բաժնի 1.3-րդ կետով նախատեսված գործունեությամբ, ապա ներկայացնում է նոր ծանուցում, միաժամանակ նշելով, որ դադարեցնում է օրենքի 22-րդ հոդվածի 2-րդ մասի ծանուցման  ենթակա  գործունեության  տեսակների աղյուսակի «4. ԳՈՐԾՈՒՆԵՈՒԹՅԱՆ ԱՅԼ ԲՆԱԳԱՎԱՌՆԵՐ» բաժնի 1.1-րդ կետով նախատեսված գործունեությունը։
  3. Եթե սույն օրենքն ուժի մեջ մտնելուց հետո օրենքի 22-րդ հոդվածի 2-րդ մասի աղյուսակի «4.ԳՈՐԾՈՒՆԵՈՒԹՅԱՆ ԱՅԼ ԲՆԱԳԱՎԱՌՆԵՐ» բաժնի 1.3-րդ կետով նախատեսված գործունեության մասին օրենքով սահմանված կարգով ծանուցում ներկայացրած իրավաբանական կամ ֆիզիկական անձը կամ անհատ ձեռնարկատերը տվյալ իրավունքի գործողության ժամկետի ընթացքում կամ դրա ավարտից հետո ցանկանում է զբաղվել միայն օրենքի 22-րդ հոդվածի 2-րդ մասի աղյուսակի «4.ԳՈՐԾՈՒՆԵՈՒԹՅԱՆ ԱՅԼ ԲՆԱԳԱՎԱՌՆԵՐ» բաժնի 1.1-րդ կետով նախատեսված գործունեությամբ, ապա ներկայացնում է նոր ծանուցում, միաժամանակ նշելով, որ դադարեցնում է օրենքի 22-րդ հոդվածի 2-րդ մասի ծանուցման  ենթակա  գործունեության  տեսակների աղյուսակի «4. ԳՈՐԾՈՒՆԵՈՒԹՅԱՆ ԱՅԼ ԲՆԱԳԱՎԱՌՆԵՐ» բաժնի 1.3-րդ կետով նախատեսված գործունեությունը։
  4. Սույն օրենքն ուժի մեջ մտնելուց հետո «Գործունեության իրականացման ծանուցման մասին» Հայաստանի Հանրապետության օրենքով սահմանված կարգով թորած ալկոհոլային խմիչքների և խմորման նյութերից էթիլային սպիրտի արտադրության ծանուցման ենթակա գործունեությամբ զբաղվելու իրավունք ունեցող անձը մինչև տարեկան հերթական պետական տուրքի վճարման ժամկետը կարող է զբաղվել մեղրից թորված 40 տոկոս և ավելի սպիրտ պարունակող ալկոհոլային խմիչքների արտադրությամբ, որից հետո օրենքով սահմանված կարգով պետք է ներկայացնի միայն մեղրից, պտուղներից և հատապտուղներից թորված 40 տոկոս և ավելի սպիրտ պարունակող ալկոհոլային խմիչքների արտադրության իրականացման ծանուցում:

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ՆԱԽԱԳԻԾ

 

 

 

ՀԱՅԱUՏԱՆԻ ՀԱՆՐԱՊԵՏՈՒԹՅԱՆ

OՐԵՆՔԸ

 

«ՊԵՏԱԿԱՆ ՏՈԻՐՔԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ

ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

 

Հոդված 1. «Պետական տուրքի մասին» Հայաuտանի Հանրապետության 1997 թվականի դեկտեմբերի 27-ի ՀO-186 օրենքի (այuուհետ` oրենք) 20.1-րդ հոդվածի ՝

  1. 1. 1-ին կետի 5-րդ և 7-րդ ենթակետերի առաջին սյունակի «միայն» բառից հետո լրացնել «մեղրից,» բառը,
  2. 1-ին կետի 5.1-րդ ենթակետից հետո լրացնել նոր 5.2-րդ ենթակետ հետևյալ բովանդակությամբ՝

«5.2) «Արտաքին տնտեսական գործունեության ապրանքային անվանացանկ» (ԱՏԳ ԱԱ) դասակարգչի 220820 ծածկա­գրին դասվող խաղողի գինու կամ խաղողի մզման թորումից ստացվող սպիրտային թրմօղիների արտադրություն և հնացում, առանց իրացման իրավունքի

տարեկան բազային տուրքի 50-ապատիկի չափով»,

 

  1. 1-ին կետի 8-րդ ենթակետում «գինիների» բառից հետո լրացնել «և մեղրից ստացված այլ ալկոհոլային խմիչքների» բառերը,
  2. 2-րդ կետի «5.1-րդ» բառից հետո լրացնել «, 5.2-րդ» բառը:

 

Հոդված 2.  Անցումային դրույթներ

  1. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
  2. Սույն օրենքն ուժի մեջ մտնելուց հետո «Պետական տուրքի մասին» Հայաստանի Հանրապետության օրենքով սահմանված կարգով թորած ալկոհոլային խմիչքների և խմորման նյութերից էթիլային սպիրտի արտադրության գործունեության իրականացման իրավունք ձեռք բերելու համար տարեկան պետական տուրք վճարած անձը մինչև տարեկան հերթական պետական տուրքի վճարման ժամկետը կարող է զբաղվել մեղրից թորված 40 տոկոս և ավելի սպիրտ պարունակող ալկոհոլային խմիչքների արտադրությամբ, որից հետո օրենքով սահմանված կարգով պետք է վճարի պետական տուրք միայն մեղրից, պտուղներից և հատապտուղներից թորված 40 տոկոս և ավելի սպիրտ պարունակող ալկոհոլային խմիչքների արտադրության իրականացման իրավունք ձեռք բերելու համար:

 

 

Сохранить как word файл Сохранить как pdf

  • Обсуждалось

    15.10.2019 - 31.10.2019

  • Тип

    Закон

  • Область

    Сельское хозяйство, Экономика

  • Министерство

    Министерство экономики

Отправить письмо автору проекта

Ваше предложение будет опубликовано на сайте в течение 10 рабочих дней

Отмена

Просмотры 7592

Принт

Предложения

Վահե Աստվածատրյան

22.10.2019

Նախագծի ընդունումը կնպաստի մեղրից 40 տոկոս և ավել սպիրտայնություն ունեցող խմիչքների արտադրություն ծավալելու գործընթացը դյուրինացնել, որի պարագայում տնտեսվաարող կվճարի 50՛000 դրամ պետական տուրք՝ ներկայիս 15 միլիոն դրամի փոխարեն...

Արմեն Վարդանյան

18.10.2019

<<Գործունեության իրականացման ծանուցման մասին>> ՀՀ օրենքում լրացումներ կատարելու մասին>> ՀՀ օրենքի նախագծի 1-ին հոդվածի 1-ին մասի 4-րդ կետում <<մեղրաըմպելիքի>. բառը փոխարինել <<մեղրից ստացված ալկոհոլային խմիչքի>> բառերով, որովհետև օրենքի 22-րդ հոդվածի աղյուսակի 4-րդ բաժնի համապատասխան կետերում խնդրո առարկան ալկոհոլային խմիչքն է, իսկ մեղրաըմպելիք տերմինը ենթադրում է նաև մեղրից ստացված ոչ ալկոհոլային ըմպելիքը կամ խմիչքը: Նախագծի 1-ին հոդվածի 1-ին մասի 2-րդ կետով լրացվող 1.3 կետում խնդրահարույց է ձևակերպումը, ինչից ստացվում է, որ գործնականում 1.3-րդ կետը վերաբերվելու է ֆիզիկական անձանց, որովհետև անհատ ձեռնարկատերը կամ իրավաբանական անձը երբեք չի արտադրի՝ առանց իրացման իրավունքի, իսկ ֆիզիկական անձինք խաղողի գինի կամ խաղողի մզման թորումից սպիրտային թրմօղի պատրաստելու դեպքում, նույնիսկ իրենց սեփական օգտագործման համար, պետք է ծանուցեն, ինչը ոչ միայն անիրատեսական է, այլև անտրամաբանական, որովհետև ստացվում է յուրօրինակ պարտավորություն: Մյուս կողմից էլ հակասակականն այն է, որ իրականությունում գործ ունենք ֆիզիկական անձանց կողմից ալկոհոլային խմիչքների պատրաստման մշակույթի հետ, որտեղ նեգրավված բազմահազար մարդիկ իրենց պատրաստած ալկոհոլային խմիչքները նաև իրացնում են՝ վաճառում են, ինչից հետևում է, որ փաստացի սույն նախագծով այդ գործունեությունը և մարդկանց եկամտի աղբյուրը սահմանափակվում է՝ դրանից բխող սոցիալտնտեսական հետևանքներով, մյուս կողմից էլ փաստացի այդ արգելքը մնալու է թղթի վրա, որովհետև մարդիկ շարունակելու են այդ գործով զբաղվել և դրա համար իրավական հետևանք կամ պատասխանատվություն չի կարող կիրառվել, որովհետև ֆիզիկական անձի նկատմամբ կամ նրա սեփական տանը կամ նկուղում հնարավոր չէ կատարել ստուգում: Իրական կյանքում, եթե մարդիկ չպետք է կարողանան իրացնել իրենց թորած խմիչքը, ապա տրամաբանական հարց է առաջ գալիս, թե ինչու պետք է արտադրեն և հնեցնեն, ինչին պետք է հավելել նաև պետական տուրքի սահմանումը առանց իրացման իրավունքի՝ արտադրելու և հնեցնելու համար: Իսկ եթե արտադրեցին և հնեցրեցին, ապա, այսպես, թե այնպես, միանշանակ իրացնելու են: Բացի այդ, օրենքի 22-րդ հոդվածի աղյուսակի 4-րդ բաժնի 1.1 և 1.2 կետերի և նախագծով առաջարկվող 1.3 կետի ձևակերպման համադրույթյունից ստացվում է, որ 1.1 և 1.2 կետերի դեպքում թույլատրվում է արտադրություն և/կամ իրացում մինչև 100 հազար լիտր բացարձակ սպիրտի հաշվարկով, իսկ 1.3 կետի դեպքում մարդիկ արտադրելու և հնեցնելու իրավունք ունեն անսահմանափակ քանակությամբ, սակայն իրացնելու իրավունք չունեն, ինչը խնդրահարույց է և լրացուցիչ խնդիրներ ու ռիսկեր ստեղծելու նախադրյալներ է առաջ բերում: Նախագծի 2-րդ հոդվածով սահմանված անցումային դրույթները՝ 2-4-րդ մասերը ևս լրացուցիչ քննարկման կարիք ունեն, որովհետև հիմնավորման կարիք ունի, թե ինչու մարդը չի կարող զբաղվել թե խմիչքի արտադրությամբ և իրացմամբ, թե արտադրությամբ և իրացմամբ՝ առանց իրացման իրավունքի, եթե օրինակ՝ մարդը որոշի գինին արտադրի և իրացնի, իսկ օղին արտադրի և պահպանի կամ էլ ինչու պետք է խաղողի դեպքում լինի արգելք, իսկ հատապտղի կամ պտղի կամ մեղրի դեպքում թույլատրվի արտադրությունը և իրացումը, որովհետև վերջինների դեպքում իրացման արգելք կարծես թե չկա: Խնդրի լուծումը պահանջում է լրացուցիչ քննարկումներ և այլ մոտեցումներ:

Узнать больше