««ՔՐԵԱԿԱՏԱՐՈՂԱԿԱՆ ԾԱՌԱՅՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ՕՐԵՆՔԻ ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 

Օ Ր Ե Ն Ք Ը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ «ՔՐԵԱԿԱՏԱՐՈՂԱԿԱՆ ԾԱՌԱՅՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հոդված 1. «Քրեակատարողական ծառայության մասին» 2005 թվականի հուլիսի 8-ի ՀՕ-160-Ն օրենքի (այսուհետ նաև՝ Օրենք) 20.1-րդ հոդվածում՝

1) 1-ին մասը «հավելավճար հաշվարկելու» բառերից առաջ լրացնել «զբաղեցրած պաշտոնին համապատասխանությունը ստուգելու և» բառերով:

2) 2-րդ մասը շարադրել հետևյալ խմբագրությամբ.

«2. Սույն հոդվածի 1-ին մասով նախատեսված ատեստավորումից առաջ քրեակատարողական ծառայողն իր ցանկությամբ կարող է անցնել վերապատրաստում: Ատեստավորման նպատակով վերապատրաստումն անցկացվում է միայն առաջին անգամ ատեստավորման համար:».

3) 6-րդ մասը շարադրել հետևյալ խմբագրությամբ.

«6. Քրեակատարողական ծառայությունում համապատասխան պաշտոնի առաջին անգամ նշանակված ծառայողը կարող է ատեստավորում անցնել պաշտոնի նշանակվելու օրվանից ոչ շուտ, քան վեց ամիս անց և ոչ ուշ, քան երեք տարվա ընթացքում:».

4) 8-րդ մասը շարադրել հետևյալ խմբագրությամբ.

«8. Համապատասխան պաշտոնում ատեստավորված ծառայողը զբաղեցրած պաշտոնին համապատասխանությունն ստուգելու, հավելավճար հաշվարկելու կամ հավելավճարի հաշվարկումը շարունակելու նպատակով կարող է կրկին ատեստավորվել նախորդ ատեստավորման օրվանից ոչ շուտ, քան երկու և ոչ ուշ, քան երեք տարվա ընթացքում: Մրցույթի արդյունքներով առաջխաղացմամբ պաշտոնի նշանակված ծառայողը զբաղեցրած պաշտոնին համապատասխանությունն ստուգելու և հավելավճար հաշվարկելու նպատակով կարող է ատեստավորվել ոչ շուտ, քան պաշտոնի նշանակվելուց վեց ամիս անց:».

5) 9-րդ մասն ուժը կորցրած ճանաչել.

6) 10-րդ մասը շարադրել հետևյալ խմբագրությամբ.

«10. Եթե քրեակատարողական ծառայողն ատեստավորման արդյունքներով ստացել է սույն հոդվածի 12-րդ մասով նախատեսված եզրակացություններից որևէ մեկը, որից հետո նրան տրամադրվել է հղիության և ծննդաբերության, ինչպես նաև մինչև երեք տարեկան երեխայի խնամքի արձակուրդ, ապա սույն հոդվածով նախատեսված ժամկետներն արձակուրդի ժամանակահատվածում կասեցվում են: Դրանք վերսկսվում են նշված տեսակի արձակուրդից վերադառնալու օրը:».

7) 12-րդ հոդվածը շարադրել հետևյալ խմբագրությամբ.

«12. Ատեստավորման արդյունքներով կայացվում է հետևյալ եզրակացություններից որևէ մեկը.

1) համապատասխանում է զբաղեցրած պաշտոնին և ենթակա է հավելավճար հաշվարկելու.

2) համապատասխանում է զբաղեցրած պաշտոնին և ենթակա է շարունակելու հավելավճարի հաշվարկումը.

3) համապատասխանում է զբաղեցրած պաշտոնին՝ առանց հավելավճար հաշվարկելու.

4) համապատասխանում է զբաղեցրած պաշտոնին՝ առանց շարունակելու հավելավճարի հաշվարկումը.

5) չի համապատասխանում զբաղեցրած պաշտոնին:».

8) 13-րդ մասը շարադրել հետևյալ խմբագրությամբ.

«13. Ատեստավորմանը մասնակցած այն ծառայողները, որոնց վերաբերյալ կայացվել է սույն հոդվածի 12-րդ մասի 5-րդ կետով նախատեսված եզրակացությունը, ունեն վերահանձնման երկու հնարավորություն՝ ատեստավորման օրվանից մեկ տարվա ընթացքում՝ առնվազն չորս ամիս ընդհատումով: Վերահանձման արդյունքում ատեստավորված ծառայողը հավելավճար ստանալու իրավունք ձեռք չի բերում:»:

Հոդված 2. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հանրապետության նախագահ

Վ. Խաչատուրյան