ՆԱԽԱԳԻԾ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
2025 թվականի N -Ն
ԱՌՈՂՋՈՒԹՅԱՆ ՀԱՄԸՆԴՀԱՆՈՒՐ ԱՊԱՀՈՎԱԳՐՈՒԹՅԱՆ ՇՐՋԱՆԱԿՆԵՐՈՒՄ ԱՊԱՀՈՎԱԳՐԱԿԱՆ ՓԱԹԵԹԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Առողջության համընդհանուր ապահովագրության մասին» օրենքի 10-րդ հոդվածի 1-ին մասով` Հայաստանի Հանրապետության կառավարությունը որոշում է.
1. Հաստատել՝
1) առողջության համընդհանուր ապահովագրության շրջանակներում ապահովագրական փաթեթը՝ համաձայն հավելված 1-ի:
2) ԱՓ շրջանակներում կանխարգելիչ հետազոտությունների ցանկը՝ համաձայն հավելված 2-ի։
3) ԱՓ շրջանակներում փոխհատուցվող ախտորոշիչ հետազոտությունների ցանկը՝ համաձայն հավելված 3-ի։
4) արտահիվանդանոցային պայմաններում բուժման ենթակա ախտորոշումների և ախտաբանական վիճակների հիվանդանոցային բուժման ուղեգրման ցուցումները՝ համաձայն հավելված 4-ի։
5) ԱՓ-ում ներառված և հատուցման ենթակա դեղորայքի և/ կամ դրանց խմբերի՝ համաձայն հավելված 5-ի։
6) Սահմանափակ հասանելիություն ունեցող ծառայություններ կամ մեթոդների ցանկը՝ համաձայն հավելված 6-ի։
7) Ապահովագրական փաթեթում ներառված հիվանդանոցային ծառայությունների նկարագրերը՝ համաձայն հավելված 7-ի։
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության վարչապետ Ն. Փաշինյան
Տևողություն
Տեսակ
Որոշում
Ոլորտ
Առողջապահություն
Գերատեսչություն
Առողջապահության նախարարություն
Կարգավիճակ
Դիտումներ` 643
Տպել14.12.2025
Կարծում եմ այս օրենսդրական նախագիծն ունի սոցիալական ուղղվածություն և կոչված է ապահովելու ՀՀ յուրաքանչյու քաղաքացու առողջ ապրելու իրավունքը եւ ամրագրում է պետության հոգածությունն այդ գործում։
12.12.2025
Կողոպուտ , ապամոտիվացում
այս ծրագիրը պարտադում է աշխատողին կատարել "նվիրատվություն" հնարավորություն չունեցողների կարիքները հոգալու համար։ Պետությունը դառնում է միջնորդ օղակ մեկի աշխատած աշխատավարձի և մյուս անապահովի կարիքների միջև։ ԸՆԴԱՄԵՆԸ ԱՅՍՔԱՆԸ։ Մենք արդեն ունենք եկամտայյին հարկ, սոց վճար, դրոշմանիշային վճար։
Ես հանդիսանում եմ վարձու աշխատող, 2020 թվականից ունեմ ապահովագրություն , վճարվում է նույն 10 000 դրամը, որի փոխարեն ստանում եմ մեծ ծածկույթ, որը ներառում է նույնիսկ ատամնաբուժությունը։ 2020-ից առ այսօր 1 դրամ չեմ ծախսել իմ անձնական հաշվից, պոլիկլինիկարեր չեմ այցելել, հերթերում չեմ սպասել։ Չափազանց գոհ եմ իմ գործող ապահովագրության պայմանագրից։
Հոդված 178. Աշխատավարձը
1. Աշխատավարձը օրենքով, իրավական այլ ակտերով սահմանված կամ աշխատանքային պայմանագրով նախատեսված աշխատանքները կատարելու դիմաց աշխատողին վճարվող հատուցումն է:
Կրկնակի ծախս եք գեներացնում այն մարդկանց համար , ովքեր օգտվում եմ ապահովագրական ընկերությունների ծառայություններից։ Թույլ տվեք մարդիկ ինքնուրույն որոշեն ինչի վրա ծախսեն իրենց ուժով և հնարավորություններով աշխատած գումարը։ Իմ անձնական գումարով իմ անձնական առողջության "սպասարկման" հարցը ես ԻՆՔՍ կկազմակերպեմ։
12.12.2025
Առաջարկում եմ ՀՀ քաղաքացուն պարտադիր ապահովագրել, միայն եթե նա ապահովագրված չի։
Այդ նույն գումարով ես հնարավորություն ունեմ օգտվել այլ ապահովագրական ծառայություններից, որոնք ակնհայտ ավելի լավ պայմաններ են առաջարկում։
Ես, լինելով վարձու աշխատող, չեմ հասկանում ինչի պիտի տիկին Անահիտ Ավանեսյանը որոշի ինչի վրա ես ծախսեմ իմ աշխատած զուտ աշխատավարձին բաժին ընկնող 10 800 դրամը։
Թողնել առաջարկ
Դուք կարող եք թողնել մեկնաբանություն միայն կայքում գրանցվելուց և մուտք գործելուց հետո:
Ձեր մեկնաբանությունը կհրապարակվի կայքի ադմինիստրատորի հաստատումից հետո 2 աշխատանքային օրվա ընթացքում:
Ներկայացված առաջարկները կարող եք տեսնել Ամփոփաթերթ բաժնում: