«Հայաստանի Հանրապետության կառավարության 1998 թվականի դեկտեմբերի 25-ի N 821 որոշման մեջ փոփոխություններ և լրացում կատարելու մասին» ՀՀ կառավարության որոշման նախագիծ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

      «___»_____________ 2024 թվականի                                                         N___ -Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

1998 ԹՎԱԿԱՆԻ ԴԵԿՏԵՄԲԵՐԻ 25-Ի N 821 ՈՐՈՇՄԱՆ ՄԵՋ

ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

       Համաձայն «Նորմատիվ իրավական ակտերի մասին» օրենքի 33-րդ և 34-րդ հոդվածների 1-ին մասերի՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1998 թվականի դեկտեմբերի 25-ի «Հայաստանի Հանրապետությունում անձնագրային համակարգի կանոնադրությունը և Հայաստանի Հանրապետության քաղաքացու անձնագրի նկարագիրը հաստատելու մասին» N 821 որոշմամբ հաստատված կանոնադրությանմեջ կատարել հետևյալ փոփոխությունները և լրացումը.

1) 9-րդ կետից հանել «Հայաստանի Հանրապետության» բառերը,

2) 12-րդ կետի «դ» ենթակետից հանել «Հայաստանի Հանրապետության» բառերը, իսկ « «դ» և «ե» ենթակետով» բառերը փոխարինել « «դ» և «ե» ենթակետերով» բառերով,

3) 14.4-րդ կետում «կենսաչափական կողմնորոշիչներ» բառերը փոխարինել «կենսաչափական տվյալներ» բառերով,

4) 14.5-րդ կետում «անձնագրային ծառայությունում» և «անձնագրային ծառայություն» բառերը համապատասխանաբար փոխարինել «լիազոր մարմնում» և «լիազոր մարմնի» բառերով,

5) 15-րդ կետում «ՀՀ» հապավումը փոխարինել «Հայաստանի Հանրապետության» բառերով,

6) 15.2-րդ կետում «Հայաստանի Հանրապետության օրենքի» բառերը փոխարինել «օրենքի» բառով,

7) 19.1-ին կետում «համապատասխան» բառը փոխարինել «լիազոր» բառով,

8) 19.2-րդ կետը շարադրել հետևյալ բովանդակությամբ նոր խմբագրությամբ․

 ««Առաջին խմբի հաշմանդամություն ունեցող անձինք կամ ֆունկցիոնալության խորը աստիճանի սահմանափակում ունեցող անձինք անձնագիր ստանալու իրավունք ունեն ներկայացուցիչների դիմումի հիման վրա: Այս դեպքում դիմումին կցվում է քաղաքացու հաշմանդամության վերաբերյալ բժշկասոցիալական փորձաքննական որոշումը կամ անձի ֆունկցիոնալության գնահատման որոշումը (վարչական ակտը), իսկ օտարերկրյա պետությունում հաշմանդամություն ունեցող անձ ճանաչված լինելու դեպքում՝ հաշմանդամությունը հավաստող փաատաթուղթը կամ դրա նոտարական կարգով վավերացված պատճենը: Օտար լեզվով կազմված լինելու դեպքում դիմումատուն ներկայացնում է նաև դրա՝ օրենքով սահմանված կարգով վավերացված հայերեն թարգմանությունը։»,

9) 21-րդ կետում «ներքին» բառից առաջ լրացնել «Հայաստանի Հանրապետության» բառերը,

10) «ԺԱՄԱՆԱԿԱՎՈՐ ՎԿԱՅԱԿԱՆԻ» Ձև-ում «Անձնագրային ծառայության պետ» բառերը փոխարինել «Անձնագրային և վիզաների վարչության պետ» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

    ՀԱՅԱՍՏԱՆԻ  ՀԱՆՐԱՊԵՏՈՒԹՅԱՆ

                 ՎԱՐՉԱՊԵՏ                                                                             Ն. ՓԱՇԻՆՅԱՆ

                                                                                                           ք․ Երևան