Լրամշակման փուլում է

«Հարկային օրենսգրքում փոփոխություններ և լրացում կատարելու մաuին»

3 - Կողմ
28 - Դեմ

ՀԱՅԱUՏԱՆԻ ՀԱՆՐԱՊԵՏՈՒԹՅԱՆ OՐԵՆՔԸ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ

ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱUԻՆ

Հոդված 1. 2016 թվականի հոկտեմբերի 4-ի Հայաստանի Հանրապետության hարկային օրենսգրքի (այսուհետ՝ Օրենսգիրք) 201-րդ հոդվածի 1-ին մասի 6-րդ կետում «փաստացի օգտագործված» բառերը փոխարինել «Հայաստանի Հանրապետության օրենսդրության համաձայն լիազոր մարմնի կողմից կնքված կենդանական պաշարների օգտագործման պայմանագրերով սահմանված» բառերով։

Հոդված 2. Օրենսգրքի 197-րդ հոդվածի 1-ին մասը «պաշարների օգտագործման» բառերից հետո լրացնել «կամ օգտագործման իրավունքի» բառերով։

Հոդված 3. Օրենսգրքի 203-րդ հոդվածի 1-ին մասի 5-րդ կետի «գ» ենթակետից հանել «և լիցենզիայով» բառերը։

Հոդված 4. Ուժը կորցրած ճանաչել Օրենսգրքի 208-րդ հոդվածի 2-րդ, 3-րդ, 5-րդ և 6-րդ մասերը։

Հոդված 5. Օրենսգրքի 208-րդ հոդվածի 4-րդ մասի.

1-ին և 2-րդ կետերի աղյուսակները շարադրել հետևյալ խմբագրությամբ.

Կենդանիների տեսակները	Դրույքաչափը (դրամ)
ա) կաթնասունների յուրաքանչյուր միավորի (հատ) օգտագործման համար
Վայրի խոզ	100000
Գորշուկ (փորսուղ)	5000
Քարակզաքիս	4000
Նապաստակ	2000
Այծյամ	170000
Եղեգնակատու	100000
Լուսան	100000
Այլ (բացառությամբ Հայաստանի Հանրապետության կենդանիների Կարմիր գրքում գրանցված տեսակների, ինչպես նաև լիազոր մարմնի կողմից յուրաքանչյուր տարվա համար որսի կենդանիների ցանկը, դրանց օգտագործման թույլատրելի չափաքանակները և որսի ժամկետները սահմանելու մասին հրամանով անսահմանափակ որսի ենթակա) կաթնասուններ	1000
բ) թռչունների յուրաքանչյուր միավորի (հատ) օգտագործման համար`
Սև ցին	20000
Ճահճային մկնաճուռակ	20000
Մեծ ճուռակ	20000
Տափաստանային ճուռակ	20000
Թավշոտ ճուռակ	20000
Արտուտաբազե	60000
Այլ (բացառությամբ Հայաստանի Հանրապետության կենդանիների Կարմիր գրքում գրանցված տեսակների) բազեանմաններ	10000
Սագանմաններ (սուլող մրտիմն, կռնչան բադ, ճքճքան մրտիմն, կարմրագլուխ սուզաբադ, փումփուլավոր սուզաբադ)	1000
Կաքավ	1000
Լոր	200
Սև փարփար	600
Կռվակտցար, կարմրաոտ կտցար, մորակտցար	200
Աղավնանմաններ (սովորական տատրակ, թխակապույտ աղավնի, անտառային աղավնի)	400
Կկվանմաններ	400
Սովորական այծկիթ	1000
Սովորական կիվիվ	1000
Մանգաղաթևեր	600
Ալկիոններ	600
Հոպոպ	200
Փայտփոր	600
Ճնճղուկանմաններ (տնային ճնճղուկ, սովորական սարյակ, սև կեռնեխ, սինակեռնեխ, դաշտային արտույտ, տափաստանային արտույտ)	200
Եղեգնահավ	1000
Ոսկեգույն մեղվակեր	4000
Սպիտակ արագիլ	10000
Այլ (բացառությամբ Հայաստանի Հանրապետության կենդանիների Կարմիր գրքում գրանցված տեսակների և բազեանմանների, ինչպես նաև լիազոր մարմնի կողմից յուրաքանչյուր տարվա համար որսի կենդանիների ցանկը, դրանց օգտագործման թույլատրելի չափաքանակները և որսի ժամկետները սահմանելու մասին հրամանով անսահմանափակ որսի ենթակա) թռչուններ	200
գ) սողունների յուրաքանչյուր միավորի (հատ) օգտագործման համար`
Գյուրզա	6000
Այլ (բացառությամբ Հայաստանի Հանրապետության կենդանիների Կարմիր գրքում գրանցված տեսակների) սողուններ	2000
դ) երկկենցաղների յուրաքանչյուր միավորի օգտագործման համար
Լճագորտ, փոքրասիական գորտ (կգ)	500
Սովորական ծառագորտ, փոքրասիական ծառագորտ (հատ)	500
Կանաչ դոդոշ (հատ)	200
ե) փափկամարմինների յուրաքանչյուր միավորի օգտագործման համար
Խաղողի խխունջ (կգ)	1000
Այլ (բացառությամբ Հայաստանի Հանրապետության կենդանիների Կարմիր գրքում գրանցված տեսակների) փափկամարմիններ (կգ)	100
զ) հոդվածոտանիների յուրաքանչյուր միավորի օգտագործման համար
Գետի խեցգետին (կգ)	200
Հաստապոչ կարիճ (հատ)	200
Այլ (բացառությամբ Հայաստանի Հանրապետության կենդանիների Կարմիր գրքում գրանցված տեսակների) հոդվածոտանիներ (հատ)	200
է) ձկների յուրաքանչյուր կիլոգրամի օգտագործման համար
Սիգ	200
Լոքո	800
Սպիտակ ամուր, սև ամուր, հաստաճակատ	1000
Կարմրախայտ	2000
Կարաս	100
Ծածան	200
Այլ (բացառությամբ Հայաստանի Հանրապետության կենդանիների Կարմիր գրքում գրանցված տեսակների) ձկնատեսակներ	100

Վայրի կենդանիների տեսակները	Դրույքաչափը (դրամ)
ա) կաթնասունների յուրաքանչյուր միավորի (հատ) համար`
Հարավային պայտաքիթ, Մեհելիի պայտաքիթ չղջիկ, Բլազիի պայտաքիթ, սովորական երկարաթև չղջիկ, արաքսյան գիշերաչղջիկ, հայկական գիշերաչղջիկ, Բեխշտեյնի գիշերաչղջիկ, ասիական լայնականջ չղջիկ, գորշ ականջեղ, ծալքաշուրթ լայնականջ չղջիկ	5000
Լայնականջ ոզնի	5000
Շելկովնիկովի կուտորա	5000
Պստիկ սպիտակաատամ	5000
Հնդկական վայրենակերպ կամ մացառախոզ	14000
Դալի ավազամուկ, հայկական մկնիկ, Շիդլովսկու դաշտամուկ, փոքր ճագարամուկ, փոքրասիական գետնասկյուռ	5000
Գորշ արջ	700000
Խայտաքիս	20000
Ջրասամույր	100000
Անտառակատու (ենթատեսակ` եվրոպական անտառակատու)	100000
Ընձառյուծ (ենթատեսակ` կովկասյան ընձառյուծ)	1600000
Մանուլ	40000
Բեզոարյան այծ	1000000
Հայկական մուֆլոն	1200000
Բորենի	400000
Կովկասյան ազնվացեղ եղջերու, մարալ	600000
բ) թռչունների յուրաքանչյուր միավորի (հատ) համար`
Ցախաքլորաորս	100000
Գիշանգղ	100000
Կարմիր ցին, սպիտակապոչ արծիվ, տափաստանային արծիվ, բլրային արծիվ, քարարծիվ, գաճաճ արծիվ, ջրարծիվ	50000
Բալոբան, սապսան	150000
Սպիտակագլուխ անգղ, սև անգղ	50000
Գառնանգղ (մորուքավոր անգղ)	100000
Օձակեր արծիվ, տափաստանային հողմավար բազե	15000
Տափաստանային մկնաճուռակ, մարգագետնային մկնաճուռակ, եվրոպական ճնճղաճուռակ	14000
Կարմրաոտ բազե, աղավնաբազե, միջերկրածովային բազե	10000
Փոքր ենթարծիվ, մեծ ենթարծիվ	10000
Անդրկովկասյան փասիան	10000
Թուրաջ	10000
Կտցար-կաչաղակ, ծովային քարադր, հաստակտուց քարադր, ճախրուկ, սպիտակապոչ եղտյուրիկ, մեծ իլիկակտցար, մեծ արորիկ, կրկնակտցար, ոտնացուպիկ, բզակտուց, մարգագետնային ծիծառակտցար, տափաստանային ծիծառակտցար, հայկական որոր	5000
Որորակտուց ջրածիծառ, փոքր ջրածիծառ, սպիտակաայտ ջրածիծառ	4000
Բվեճ	10000
Թավշաոտ բու	5000
Սևափոր դռլոն	4000
Մոխրաայտ սուզակ	5000
Վարդագույն հավալուսն, գանգրափետուր հավալուսն	40000
Մեծ ձկնկուլ, փոքր ձկնկուլ	15000
Սև արագիլ	14000
Տարգալակտուց	20000
Քաջահավ	15000
Սովորական ֆլամինգո	40000
Սպիտակագլուխ բադ կամ սավկա, մոխրագույն սագ, կարմրախածի սագ, ծվվան սագ, սպիտակաճակատ սագ, կարմիր բադ, խայտաբադ, սպիտակաաչք սուզաբադ, լայնակտուց բադ	10000
Թշշան կարապ, ճչան կարապ, փոքր կարապ	40000
Մարմարյա մրտիմն	14000
Տուրպան	10000
Կովկասյան մարեհավ	10000
Անապատային կաքավ	10000
Վայրի հնդկահավ (ուլար)	25000
Մարգահավ, սուլթանական հավ	10000
Փոքր արոս, մեծ արոս	30000
Շիկապոչ քարաթռչնակ, սոխականման ճռիկահավ, հնդկական եղեգնաթռչնակ, կիսասպիտակավիզ ճանճորս, միջերկրածովային երաշտահավ	3000
Մեծ ժայռային սիտեղ	4000
Կարմրաթև մագլցող	4000
Ժայռային դրախտապան	4000
Խաչկտուց	3000
Իսպանական ճնճղուկ	2000
Մոխրագույն կռունկ, գեղանի կռունկ	30000
Կանաչ մեղվակեր	5000
Ներկարար	5000
Սև փայտփոր	5000
Դեղնագլուխ խաղտտնիկ	3000
Կարմրակատար շամփրուկ	3000
Ալպիական ճայ	5000
Սպիտակափող սոխակ	3000
Անապատային խածկտիկ	3000
գ) սողունների յուրաքանչյուր միավորի (հատ) համար`
Անդրկովկասյան սահնօձ, կովկասյան կատվաօձ, պարսկական պսևդոցիկլոֆիս, Սատունինի սևագլուխ ռինխոկալամուս, Դարևսկու իժ, հայկական լեռնատափաստանային իժ, հայկական իժ կամ Ռադդեի իժ	6000
Անդրկովկասյան տակիրային կլորագլուխ, Չեռնովի մերկաչք, առաջավորասիական մաբույա, երկարաոտ սցինկ, անդրկովկասյան բազմագույն մողեսիկ, անդրկովկասյան մողեսիկ, փոքրասիական մողես, մարգագետնային մողես, Դալի մողես, Ռոստոմբեկովի մողես, սպիտակափոր մողես	5000
Միջերկրածովային կրիա	4000
դ) երկկենցաղների յուրաքանչյուր միավորի (հատ) համար`
Փոքրասիական տրիտոն	3000
Սիրիական սխտորագորտ	3000
ե) ձկների յուրաքանչյուր միավորի (կիլոգրամի) համար`
Հաշամ	4000
Իշխան	16000
Սևանի բեղլու	5000
Սևանի կողակ	5000
Հայկական կարմրակն	3000
Քուռի քառթակ	5000
Առաջավորասիական ծական	5000
զ) փափկամարմինների յուրաքանչյուր միավորի (հատ) համար՝	3000
է) հոդվածոտանիների յուրաքանչյուր միավորի (հատ) համար՝	3000

»:

7-րդ մասի ամբողջ տեքստում «և 4-րդ մասերով» բառերը փոխարինել «մասով» բառով։

Հոդված 6. Օրենսգրքի 219-րդ հոդվածի.

1-ին մասի 2-րդ նախադասությունը շարադրել հետևյալ խմբագրությամբ. «Կենսապաշարների մնացած տեսակների համար պետական բյուջե վճարման ենթակա բնօգտագործման վճարը հաշվարկվում է կենսապաշարների օգտագործման պայմանագրով սահմանված ծավալների հիման վրա և պետական բյուջե է վճարվում կենսապաշարների օգտագործման պայմանագրերի կնքումից հետո 3 աշխատանքային օրվա ընթացքում։ Կենսապաշարների՝ պայմանագրերով սահմանված և փաստացի օգտագործված ծավալների դրական տարբերության դեպքում պետական բյուջե վճարված բնօգտագործման վճարի գումարը վճարողին վերադարձման ենթակա չէ»,
3-րդ մասի 2-րդ և 3-րդ նախադասությունները հանել։

Հոդված 7. Սույն օրենքն ուժի մեջ է մտնում 2026 թվականի հունվարի 1-ից։

նախագիծ

Քննարկվել է

01.07.2024 - 21.07.2024
Տեսակ

Օրենք
Ոլորտ

Պետական եկամուտներ, Բնապահպանություն, Ֆինանսական
Նախարարություն

Շրջակա միջավայրի նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Դիտումներ` 2447

Տպել

Առնչվող փաստաթղթեր/ հղումներ

հիմնավորում