ԲԱՐՁՐԱԳՈՒՅՆ ԿՐԹՈՒԹՅԱՆ ՄԱՍՆԱԳԻՏՈՒԹՅՈՒՆՆԵՐԻ,ԴՐԱՆՑ ԴԱՍԻՉՆԵՐԻ (ՆԵՐԱՌՅԱԼ ԿԱՐԳԱՎՈՐՎՈՂ ՄԱՍՆԱԳԻՏՈՒԹՅՈՒՆՆԵՐԻ ՎԵՐԱԲԵՐՅԱԼ ՀԱՏՈՒԿ ՆՇՈՒՄԸ) ԵՎ ԴՐԱՆՑ ՀԱՄԱՊԱՏԱՍԽԱՆ ՏՐՎՈՂ ՈՐԱԿԱՎՈՐՈՒՄՆԵՐԻ ԵՎ ՀԱՄԱՊԱՏԱՍԽԱՆՈՒԹՅԱՆ ՑԱՆԿԵՐԸ ՀԱՍՏԱՏԵԼՈՒ ՄԱՍԻՆ

Ի՞նչ է հնարավոր անել, եթե հայտը ժամանակին տեղադրվել է գիտկոմի կայքում, սակայն չի հանձնվել բուհին ու հետևաբար չի ներկայացվել բուհի կողմից։

1․ Ըստ ISCED-ի Աշխարհագրությունը բաժանված է երկու մեծ հատվածների՝ ֆիզիկական և հասարակական աշխարհագրությունների, որոնցից ֆիզիկական աշխարհագրությունը ներառված է 0532 Գիտությունների Երկրի մասին բլոկի մեջ, իսկ Հասարակական աշխարհագրությունը ներառված է 0314 Սոցիալական կամ Հասարակական և մշակութային գիտությունների բլոկի մեջ։ Ուստի առաջարկում եմ Նախագծի մեջ կատարել համապատասխան փոփոխություններ, որի միջոցով որոշումը ամբողջապես կհամապատասխանի ISCED-ին։

2․ 1013-ը առաջարկում եմ ձևակերպել հետևյալ կերպ․

Հյուրանոցային, ռեստորանային և սննդի մատակարարման

ծառայությունների կազմակերպում։

3․ 1015-ը ձևակերպել հետևյալ կերպ

Զբոսաշրջություն, ռեկրեացիայի և հանգստի կազմակերպում։ 

Այս կերպ ավելի կոնկրետ կսահմանվեն մասնագիտությունների հայերեն անվանումները՝ ընդծելով համապատասխան առաջնահերթությունները։

Էրեբունի բժշկական Ակադեմիա հիմնադրամի անունից ներկայացնում ենք դիտողություններ և առաջարկություններ նախագծի վերաբերյալ, որը նաև ուղարկել ենք ԲԿԳ կոմիտե:

Բարձրագույն կրթությամբ բուժքույրը միջազգային պրակտիկայում սահմանում է ոլորտային առաջնահերթություններ և կարևոր դեր ունի մասնագիտական գործունեության կազմակերպման գործում։ Ըստ այս նախագծի բուժքույրը 4 տարի սովորելով չի կարող իրականացնել ինքնուրույն մասնագիտական գործունեություն և պետք է սովորի ևս մոտ 2 տարի։ Փաստորեն, միասնական քննությունների արդյունքներով ընդունվելով, մոտ 6 տարվա կրթությունից հետո կարող է որակավորվել որպես քույրական գործի մագիստրոս՝ ստանալով մասնագիտական աշխատանքի իրավունք, ինչ իրատեսական չէ։ Առաջարկում եմ, մինչ կատավարության որոշում ընդունելը, կազմակերպել հանրային լսումներ՝ ոլորտի մասնագետների հետ քննարկելու նպատակով։

Ես բուժքույր եմ, ներկայումս շարունակում եմ կրթությունս Էրեբունի բժշկական ակադեմիայի Քույրական գործի բակալավր մասնագիտությոմբ՝ որպես բարձրագույն կրթություն՝ համաձայն ՀՀ Կառավարության 2022թ.-ի 499-Ն որոշման դրույթների։ Այս նախագծի համաձայն՝ ավարտելուց հետո ինքնուրույն չեմ կարող աշխատել և մասնագիտական գործունեություն ծավալելու նպատակով ստիպված կլինեմ ևս երկու տարի սովորել, այնինչ կրթական ծրագրին դիմելուց օրենսդրական նման կարգավորում չկար։ Նման անհեռանկար, ոչ հստակ կարգավորումներով նախագծին դեմ եմ։

Որպես կրթական ոլորտի ներկայացուցիչ, համարում եմ որ տվյալ որոշման նախագիծը չի արտացոլում որակավորումների ազգային շրջանակը, նախագծում առկա չեն կրթական ծրագրերի անվանումները, չեն արտացոլվում զբաղվածության շրջանակները։ ՀՀ -ում Քույրական գործի բակալավրը քիչ հավանական է որ կշարունակի կրթությունը մագիստրոսական մակարդակում։ Առաջարկում եմ կազմակերպել քննարկումներ մասնագիտական հանրության շրջանում;

Այս նախագծում խիստ անընդունելի է քույրական գործ և մանկաբարձություն մասնագիտությունների միավորումը, քանի որ մանկաբարձությունը առանձին կարևորագույն մասնագիտություն է՝ առանձնահատուկ մասնագիտական տրամաբանությամբ։ Առաջարկում եմ վերանայել և խմբագրել նախագիծը։