«Հայաստանի Հանրապետության կրթության և գիտության նախարարի 2012 թվականի մայիսի 3-ի N 388-Ն հրամանում փոփոխություն կատարելու մասին» ՀՀ կրթության, գիտության, մշակույթի և սպորտի նախարարի հրամանի նախագիծ

Գնահատման առաջարկվող նախագիծը նշանակում է ձախողել կամ շարունակել թղթին թողնել համընդհանուր ներառման սկզբունքը՝ դարձյալ վերադառնալով աշակերտներին «սորտավորելու» արատավոր գործելաոճին։

Ներկայացված կարգի 44-րդ կետում հստակ սահմանված է, որ առնվազն երկու առարկայից 1–7 միավոր ստանալու դեպքում սովորողը կրկնում է տվյալ տարվա դասընթացը։

Սակայն կարգում բացակայում է հստակեցում, թե ինչ կարգով է կարգավորվում այն իրավիճակը, երբ սովորողը միայն մեկ առարկայից է ստանում 1–7 միավոր գնահատական։

Այդ վրիպումը նկատվում է նաև կարգի 9,23 կետերում։

44-րդ և 45 -րդ կետերում ավելացնել՝

«Այն աշակերտները, ովքեր որևէ առարկաներից մեկ կիսամյակում կունենան 50% և ավել բացակայություններ կհանձնեն լրացուցիչ քննություն այդ առարկայից տվյալ կիսամյակում անցած բոլոր թեմաներից»

Այս  հավելումը հատկապես կարևոր է շաբաթական մեկ դասաժամով անցնող առարկաների համար, քանի որ սովորողները կարող են այդ առարկայի դասերին ոչ մի անգամ չնստել և հնարավորություն չկա ստուգելու նրանց գիտելիքները, եթե բացակայությունները 200 ժամը չի անցնում։