ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԿԱՌԱՎԱՐՈՒԹՅԱՆ 2024 ԹՎԱԿԱՆԻ ՄԱՅԻՍԻ 30-Ի N 818-Լ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հ Ի Մ Ն Ա Վ Ո Ր ՈՒ Մ

«ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԿԱՌԱՎԱՐՈՒԹՅԱՆ 2024 ԹՎԱԿԱՆԻ ՄԱՅԻՍԻ 30-Ի N 818-Լ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ

ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ»

ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ

ՎԵՐԱԲԵՐՅԱԼ

1. Ընթացիկ իրավիճակը և իրավական ակտի ընդունման անհրաժեշտությունը

ՀՀ կառավարության 2024 թվականի մայիսի 30-ի «Հայաստանի Հանրապետությունում գյուղատնտեսական կենդանիների համարակալման և հաշվառման ծրագիրը և միջոցառումների կատարման ժամանակացույցը հաստատելու մասին» N 818-Լ որոշման N 1 հավելվածի 21-րդ կետով սահմանված է, որ՝ «ԽԵԿ-ի և ՄԵԿ–ի համարակալման գործընթացի վերահսկումը, ԱՆԻ ՊԱՍ-ի սերվերի սպասարկումը և մուտքագրված տվյալների պահպանումն իրականացվում են Հայաստանի Հանրապետության սննդամթերքի անվտանգության տեսչական մարմնի կողմից», իսկ էլեկտրոնային տեղեկատվական համակարգի տեխնիկատեղեկատվական սպասարկումը՝ Էկոնոմիկայի նախարարության «Գյուղատնտեսական ծառայությունների կենտրոն» պետական ոչ առևտրային կազմակերպության կողմից։

Հարկ է նշել, որ 2022 թվականի նոյեմբերից մեկնարկված խոշոր եղջերավոր կենդանիների, իսկ արդեն 2025 թվականին նախատեսվող մանր եղջերավոր կենդանիների համարակալման և հաշվառման ծրագիրն իր բաղադրիչներով՝ ականաջապիտակների և ակցանների ձեռքբերում, անասնաբույժների կողմից իրականացվող միջոցառման համար վճարում, ինչպես նաև էլեկտրոնային տեղեկատվական համակարգի տեխնիկատեղեկատվական սպասարկումն իրականացվում է Էկոնոմիկայի նախարարության և «Գյուղատնտեսական ծառայությունների կենտրոն» պետական ոչ առևտրային կազմակերպության կողմից։

Ուստի, ելնելով վերոգրյալից, անհրաժեշտություն է առաջացել հանդես գալ սույն օրենսդրական փոփոխությամբ։

2. Ընթացիկ իրավիճակը և խնդիրները

Ներկայումս ԱՆԻ ՊԱՍ համակարգի սերվերի սպասարկումը և մուտքագրված տվյալների պահպանումն իրականացվում է Սննդամթերքի անվտանգության տեսչական մարմնի կողմից։

Այս համատեքստում նշեմ, որ երբեմն առաջանում են ԱՆԻ ՊԱՍ համակարգում տվյալների ներբեռնման որոշակի խնդրիներ, վերջիններիս լուծման համար անհրաժեշտություն է առաջանում աշխատանքային կարգով դիմել, անգամ ոչ աշխատանքային օրերին, Սննդամթերքի անվտանգության տեսչական մարմնի տեղեկատվական տեխնոլոգիայի մասնագետին՝ համապատասխան կարգավորումներ ապահովելու համար։   

Միաժամանակ նախագծի շրջանակներում անհարժեշտություն է առաջացել սահմանել նաև դրույթ՝ կենդանու մորթն անձնական սպառման համար (այդ թվում՝ կրոնական և այլ ընդունված ծիսակատարությունների) իրականացնելիս ականաջապիտակի հանձնումը անասնաբույժին՝ ԱՆԻ ՊԱՍ համակարգից ելքագրելու նպատակով։

3. Կարգավորման նպատակը և բնույթը

Սույն նախագծի կարգավորման նպատակն է՝ ՀՀ կառավարության 2024 թվականի մայիսի 30-ի «Հայաստանի Հանրապետությունում գյուղատնտեսական կենդանիների համարակալման և հաշվառման ծրագիրը և միջոցառումների կատարման ժամանակացույցը հաստատելու մասին» N 818-Լ որոշման բոլոր բաղադրիչները համակարգվեն և կառավարվեն մեկ մարմնի՝ Էկոնոմիկայի նախարարության կողմից։

4. Նախագծի մշակման գործընթացում ներգրավված ինստիտուտները և անձինք

Իրավական ակտի նախագիծը մշակվել է ՀՀ էկոնոմիկայի նախարարության կողմից։

5. Ծրագրի ֆինանսական բաղադրիչը

Նախագծի շրջանակներում լրացուցիչ ֆինանսական միջոցների անհրաժեշտությունը բացակայում է։

6. ԿԱՊԸ ԿԱՌԱՎԱՐՈՒԹՅԱՆ ԾՐԱԳՐԻ ԵՎ ՌԱԶՄԱՎԱՐԱԿԱՆ ԾՐԱԳՐԵՐԻ ՀԵՏ

Համաձայն ՀՀ կառավարության ծրագրի մասին ՀՀ կառավարության 2021 թվականի օգոստոսի 18-ի N 1363-Ա որոշման 2.4-րդ կետի՝  Գյուղատնտեսությունը բաժնի ապահովել կենդանիների և բույսերի հիվանդությունների կանխարգելման արդյունավետ համակարգի ներդրումը:

7. Ակնկալվող արդյունքը

Նախագծի ընդունման արդյունքում կապահովի գյուղատնտեսական կենդանիների համարակալման և հաշվառման գործընթացի ամբողջականությունը՝ ականաջապիտակների և ակցանների ձեռքբերում, անասնաբույժների կողմից իրականացվող միջոցառման համար վճարում, ԱՆԻ ՊԱՍ համակարգի էլեկտրոնային տեղեկատվական համակարգի տեխնիկատեղեկատվական սպասարկում, ինչպես նաև ԱՆԻ ՊԱՍ համակարգի սերվերի սպասարկում և մուտքագրված տվյալների պահպանում՝ Էկոնոմիկայի նախարարության և «Գյուղատնտեսական ծառայությունների կենտրոն» պետական ոչ առևտրային կազմակերպության միջոցով։

Միաժամանակ ամրագրված դրույթով՝ անձնական սպառման համար մորթված կենդանու ականջապիտակի հանձնումը՝ կազմակերպության անասնաբույժին, կապահովի այդ ընթացակարգի իրավակարգավորումը՝ տնտեսավարողի և անասնաբույժի միջև։