ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ՓԵՏՐՎԱՐԻ 28-Ի N 164-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

« » «———» 2024 թվականի N -Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ՓԵՏՐՎԱՐԻ 28-Ի N 164-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2019 թվականի փետրվարի 28-ի «Հայաստանի Հանրապետությունում չգրանցված կամ որակի պահանջներին չհամապատասխանող կամ պիտանիության ժամկետն անցած կամ գրանցումն ուժը կորցրած ճանաչված կամ գրանցումը կասեցված կամ Հայաստանի Հանրապետության օրենսդրության խախտմամբ ներմուծված դեղերի, կեղծ դեղերի, դեղանյութերի, դեղաբուսական հումքի, հետազոտվող դեղագործական արտադրանքի մասին ահազանգի ծանուցման, շրջանառությունը դադարեցնելու և շրջանառությունից հանելու (հետկանչի) կարգը» N 164-Ն որոշման (այսուհետ՝ որոշում) հավելվածում՝

1) 2-րդ կետի «առողջապահություն» բառը փոխարինել «առողջապահական» բառով.

2) 5-րդ կետի 1-ին, 2-րդ և 3-րդ ենթակետերում «մասնավորապես» բառը փոխարինել «օրինակ» բառով, իսկ 2-րդ ենթակետի «զ» կետի «սպեցիֆիկացիաների» բառից հետո լրացնել «կամ որակի նորմատիվ փաստաթղթի կամ դեղագրքերի պահանջների»բառերը.

3) 6-րդ կետը շարադրել նոր խմբագրությամբ.

«Հայաստանի Հանրապետությունում հետկանչ իրականացնողը շրջանառության դադարեցումն և հետկանչի կառավարումն իրականացնում է «Պատշաճ բաշխման գործունեության» կանոններին և որակի կառավարման համակարգի շրջանակներում հաստատված ներքին ընթացակարգով:».

4) 9-րդ կետը «մարմինը մշակում է» բառերի փոխարինել «մարմինը որակի կառավարման համակարգի շրջանակներում հաստատում է» բառերով.

5) 11-րդ կետի երկրորդ նախադասությունը շարադրել նոր խմբագրությամբ և կետը լրացնել հետևյալ նոր նախադասությամբ.

«Հետկանչի ենթակա թերության (թերությունների) առկայության կասկածի դեպքում Կազմակերպությունը նույն օրվա ընթացքում շրջանառությունը դադարեցնելու անհրաժեշտության վերաբերյալ եզրակացությունը էլեկտրոնային եղանակով ուղարկում է տեսչական մարմին: Հետկանչի ենթակա թերության առկայության դեպքում Կազմակերպությունը նույն օրվա ընթացքում տեսչական մարմին է ներկայացնում շրջանառության դադարեցման և հետկանչի իրականացման անհրաժեշտության վերաբերյալ եզրակացություն:».

6) 15-րդ կետը լրացնել հետևյալ նոր նախադասությամբ.

«Լրացուցիչ ուսումնասիրություններ պահանջող դեպքերում Կազմակերպությունը տեսչական մարմին է ներկայացնում գրություն՝ շրջանառության դադարեցումը երկարաձգելու անհրաժեշտության վերաբերյալ:».

7) 29-րդ կետի «ոչնչացումը հաստատող փաստաթուղթը (ոչնչացման ենթակա դեղերի առկայության դեպքում)» բառերից հետո լրացնել «կամ վերադարձը հաստատող փաստաթուղթը» բառերը:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության
վարչապետ                                                                                        Ն. Փաշինյան

2024 թ.
Երևան