Հիշել նախագիծը

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ ՓԵՏՐՎԱՐԻ 9-Ի N 160-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԻԾ

  • 1 - Կողմ

  • 1 - Դեմ

Ամփոփաթերթում ներառվում են նախագծի վերաբերյալ ներկայացված բոլոր բովանդակային առաջարկությունները, առցանց գրվածները` 2 աշխատանքային օրվա, էլ. փոստով ուղարկվածները` 10 աշխատանքային օրվա ընթացքում

h/h Առաջարկության հեղինակը, ստացման ամսաթիվը Առաջարկության բովանդակությունը Եզրակացություն Կատարված փոփոխությունը
1 2 3 4
1 Ա․Դ․Սախարովի անվան մարդու իրավունքների պաշտպանության հայկական կենտրոն ՀԿ 02.09.2024 19:14:06 Նախագծով առաջարկվող փոփոխություններն ուղղված են նրան, որ Որոշման հավելված 1-ով սահմանված զեկուցագրի ձևում (այսուհետ՝ Ձև) կիրառված արտահայտությունները զինծառայողին հնարավորություն տան իրավասու անձին հասցեական դիմելու, որը Պաշտպանության նախարարության որևէ զորամասի հրամանատարից բացի, կարող է լինել նաև ԱԱԾ ինքնուրույն կառուցվածքային ստորաբաժանման պետը: Սակայն, եթե Որոշման N 1 հավելվածի Ձևում ներածական մասից հանվի «ՀՀ ՊՆ», «զորամասի» և «նույն զորամասի» բառերը, ինչպես նաև «ՀՀ զինված ուժերում» բառերը փոխարինվի «պետական լիազոր մարմնի անվանումը» բառերով, առանց տողատակերում հստակեցնող հուշումների (ինչպես առաջարվում է Նախագծի 1-ին կետի 2-րդ ենթակետում), ապա կարող է շփոթություն առաջացնել զինծառայողի մոտ և թերի լրացվել վերջինիս կողմից: Ուստի քննարկվող հարցի կապակցությամբ առաջարկում ենք զեկուցագրի Ձևի ներածական մասում հասցեատիրոջ անվան տողատակում (փոքր տառաչափով) ավելացնել «ՀՀ ՊՆ զորամասի կամ ԱԱԾ ստորաբաժանման անվանումը» բառերը, «նույն զորամասի» բառերից հետո դնել շեղագիծ (/) և ավելացնել «ստորաբաժանման» բառը, իսկ զեկուցագրի տեքստում «ՀՀ զինված ուժերում» բառերը հանելու դեպքում, դրա տեղում դնել դատարկ տող և տողատակում (փոքր տառաչափով) ավելացնել «պետական լիազոր մարմնի անվանումը» բառերը: Ընդունվել է Կատարվել են համապատասխան փոփոխություններ
2 Ա․Դ․Սախարովի անվան մարդու իրավունքների պաշտպանության հայկական կենտրոն ՀԿ 02.09.2024 19:15:18 Նախագծով առաջարկվում է Որոշման հավելված 2-ի 2-րդ կետում «նախարարության» բառից հետո լրացնել «և ազգային անվտանգության ծառայության» բառերը: «Նորմատիվ իրավական ակտերի մասին» ՀՀ օենքի 16-րդ հոդվածի համաձայն՝ միայն «և» շաղկապով բաժանված պայմանով նորմի կիրառումը ենթադրում է դրանում թվարկված բոլոր պայմանների պարտադիր առկայություն: Այս կանոնից ելնելով՝ ստացվում է, որ պարտադիր զինծառայողներին անհրաժեշտ ֆինանսական միջոցները նախատեսելու հարցում ՀՀ Պաշտպանության նախարարությունը և Ազգային անվտանգության ծառայությունը պետք է բյուջետային հայտ ներկայացնեն համատեղ: Սակայն, ելնելով այն փաստից, որ նշված պետական մարմինները գործում են միմյանցից անկախ, ուստի մեր դիտարկմամբ, անհրաժեշտ է նրանցից յուրաքանչյուրին տալ ֆինանսական միջոցներ նախատեսելու մասին առանձին բյուջետային հայտեր ներկայացնելու հնարավորություն: Հետևաբար առաջարկում ենք Որոշման հավելված 2-ի 2-րդ կետում «նախարարության» բառից հետո լրացնել «և (կամ) ազգային անվտանգության ծառայության» բառերը: Ընդունվել է Կատարվել են համապատասխան փոփոխություններ