Թաթուլ Ստեփանյան
26.11.2023
Սույն նախագծի հարգելի հեղինակներ, չեմ կիսում ձեր այն դիրքորոշումը, թե էկոլոգիապես անվտանգ պայմանների ապահովումն ու մարդու առողջության և շրջակա միջավայրի վրա բացասական և վտանգավոր ներգործության նվազեցումը վերաբերում են ձեր նախարարությանը, եթե այն դիտարկվում է աղբավայրում։ Սրանք ՀՀ օրենսդրությամբ վերապահված են առողջապահության և շրջական միջավայրի նախարարություններին, ինչը ենթադրում է, որ դուք չպիտի լինեիք սույն նախագծի հեղինակները, կամ պետք է, որ Կառավարության որոշմամբ ստեղծված լիներ միջգերատեսչական հանձնախումբ։ Այնուամենայնիվ, եթե պնդում եք ձեր տեսակետը և ակնկալում եք, որ սույն նախագծը ստանա ՀՀ կառավարության որոշման կարգավիճակ, ապա առաջարկում եմ որոշ կետերի վերախմբագրում։ Ուրեմն ՝ << 31. Աղբավայրի շահագործումն իրականացվում է ստորև ներկայացվող սխեմայով նկարագրված գործողություններին համապատասխան>>։ Այստեղ յուրաքանչյուր պայման ենթակա է լրացուցիչ պարզաբանման, որոշակիության սկզբունքի համաձայն՝ օրինակ․ ինչպես և ինչով պետք է թափոնների շերտերի հարթեցվեն ու տոփանվեն, ձեռքո՞վ, թե որևէ մեքենայացված եղանակով։ Ձեռքով այլ գործընթաց է, որը ենթադրում է մանրամասն նկարագրություն, թե ո՞վ, ի՞նչ նյութով, ի՞նչ հաստության շերտով, ի՞նչ ժամանակահատվածում և այլն, մեքենայացված գործընթացը ենթադրում է այլ գործողություններ։ Կամ մեկ այլ պահանջ՝ աղբավայրից դուրս եկող մեքենաների անիվների մաքրում, ինչպե՞ս, ո՞վ, ի՞նչ նյութերով, ի՞նչ պարբերականությամբ և կամ մեկ այլ՝ աղբավայրի սանիտարական գոտու մաքրության ապահովման ձևակերպած պահանջը, որը նույնպես ենթադրում է մանրամանսն նկարագրություն։