Հայաստանի Հանրապետության հանրային ծառայությունները կարգավորող հանձնաժողովի 2016 թվականի նոյեմբերի 2-ի №295-Ն որոշման մեջ փոփոխություններ և լրացումներ կատարելու մասին

ՀԻՄՆԱՎՈՐՈՒՄ

«Հայաստանի Հանրապետության հանրային ծառայությունները կարգավորող հանձնաժողովի 2016 թվականի նոյեմբերի 2-ի №295-Ն որոշման մեջ փոփոխություններ և լրացումներ կատարելու մասին» Հայաստանի Հանրապետության հանրային ծառայությունները կարգավորող հանձնաժողովի որոշման նախագծի վերաբերյալ

1. Կարգավորման ենթակա խնդրի սահմանումը և առկա իրավիճակը

ՀՀ հանրային ծառայությունները կարգավորող հանձնաժողովի 2016 թվականի նոյեմբերի 2-ի №295-Ն որոշմամբ հաստատվել է ջրային ոլորտում գործունեության լիցենզավորման կարգը (այսուհետ՝ Կարգ)։

2․  Առաջարկվող կարգավորման նպատակը

Կարգով ամրագրված իրավակարգավորումների հստակեցման, արդիականացման, ինչպես նաև հանրային ծառայությունների կարգավորվող ոլորտներում կիրառվող ընթացակարգերի համանմանությունն ապահովելու նպատակով մշակվել է «Հայաստանի Հանրապետության հանրային ծառայությունները կարգավորող հանձնաժողովի 2016 թվականի նոյեմբերի 2-ի №295-Ն որոշման մեջ փոփոխություններ և լրացումներ կատարելու մասին»  որոշման նախագիծը, որով՝

• հստակեցվել են Կարգով նախատեսված՝ իրազեկման և փաստաթղթերի հանձնման վերաբերյալ դրույթները,
• հստակեցվել են լիցենզիա ստանալու հայտի և լիցենզիայում փոփոխություններ կատարելու մասին դիմումի մերժման հիմքերը, հանձնաժողովի կողմից լիցենզիայի գործողության ժամկետը երկարաձգելու կամ հայտը մերժելու ժամկետը,
• իրավական որոշակիության ապահովման նպատակով նախատեսվել է դրույթ առ այն, որ կարգով նախատեսված հայտը (դիմումը) ուսումնասիրության չընդունվելուց կամ մերժվելուց հետո կրկին ներկայացման դեպքում համարվում է նոր հայտ (նոր դիմում),
• հանվել են ըստ էության կրկնվող գործընթացներ,
• տարընկալումներից խուսափելու նպատակով Կարգում կատարվել են նաև խմբագրական բնույթի որոշ այլ փոփոխություններ։

3․  Ակնկալվող արդյունքը

     Որոշման նախագծի ընդունմամբ կապահովվի ջրային ոլորտում լիցենզավորման գործընթացի առավել արդյունավետ իրականացումը։