«ԱՆԱՍՆԱԲՈՒԺՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՕՐԵՆՔԻ ԵՎ ՀԱՐԱԿԻՑ ԻՐԱՎԱԿԱՆ ԱԿՏԵՐԻ ՆԱԽԱԳԾԵՐԻ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ ՎԵՐԱԲԵՐՅԱԼ

Հ Ի Մ Ն Ա Վ Ո Ր ՈՒ Մ

«ԱՆԱՍՆԱԲՈՒԺՈՒԹՅԱՆ ՄԱՍԻՆ» ՕՐԵՆՔՈՒՄ  ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ  ԿԱՏԱՐԵԼՈՒ ՄԱՍԻՆ» ՕՐԵՆՔԻ ԵՎ ՀԱՐԱԿԻՑ ԻՐԱՎԱԿԱՆ ԱԿՏԵՐԻ  ՆԱԽԱԳԾԵՐԻ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ ՎԵՐԱԲԵՐՅԱԼ

1․ Իրավական ակտի ընդունման անհրաժեշտությունը, ընթացիկ իրավիճակը

««Անասնաբուժության մասին» օրենքում փոփոխություններ և լրացումներ կատարելու մասին» օրենքի և հարակից իրավական ակտերի նախագծերի ընդունման անհրաժեշտությունը պայմանավորված է այն հանգամանքով, որ առ այսօր Հայաստանի Հանրապետությունում կանոնակարգված չէ սպանդանոցային մորթը և շուկայում առկա է ոչ սպանդանոցային ծագման սպանդային մթերք: Այդ իսկ պատճառով սպանդանոցային մորթի իրականացման նկատմամբ վերահսկողությունն առավել արդյունավետ դարձնելու նպատակով անհրաժեշտ է փոփոխություններ և լրացումներ կատարվել նաև «Վարչական իրավախախտումների վերաբերյալ» ՀՀ օրենսգրքում, «Տեղական ինքնակառավարման մասին»  օրենքում, ՀՀ կառավարության 2006 թվականի հունիսի 29-ի N 993-Ն և ՀՀ կառավարության 2010 թվականի հոկտեմբերի 21-ի N 1499-Ն որոշումներում, մասնավորապես՝ վերանայվել են սահմանված տուգանքների չափերը,  սահմանվել են սպանադանոցների գործունեության կասեցման և դադարեցման իրավական հիմքերը, պարտադիր սպանդանոցային մորթի պահանջների և խախտումների նկատմամբ հսկողության մեխանիզմները, սպանդանոցներին ներկայացվող լրացուցիչ պահանջները, մասանավորապես, որ սպանադանոցների սպանդային սրահները պետք է  պարտադիր ապահովված լինեն տեսաձայնագրություն իրականացնող տեսահսկման համակարգերով, ինչպես նաև փոփոխվել է N 5 ձևի անասնաբուժական վկայականի ներբեռնման ընթացակարգը:

2․ Առաջարկվող կարգավորման նպատակը և բնույթը

Նախագծերի ընդունմամբ նախատեսվում է, որ Հայաստանի Հանրապետության սննդամթերքի անվտանգության տեսչական մարմինը ամենօրյա 24-ժամյա իրական ժամանակի ռեժիմով հասանելիություն ունենա նշված պարտադիր տեսահսկման համակարգերին, ինչի արդյունքում կբացառվի և ամբողջովին վերահսկելի կլինի ոչ սպանդանոցային ծագման սպանդային մթերքի  սպառման կետերում ի հայտ գալու հավանականությունը, ինչպես նաև սպանդանոցների գործունեության կանոնակարգմանը և վերահսկողության ուժեղացմանն ուղղված նոր մեխանիզմների սահմանում։

3․ Կապը ռազմավարական փաստաթղթերի հետ

Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ:

«Անասնաբուժության մասին» օրենքում փոփոխություններ և  լրացումներ կատարելու մասին» օրենքի և հարակից իրավական ակտերի նախագծերի ընդունումը  բխում  Է Կառավարության 2021-2026թթ. ծրագրի «Գյուղատնտեսություն» բաժնից https://www.gov.am/files/docs/4586.pdf:

4․ Նախագծի մշակման գործընթացում ներգրավված ինստիտուտները և անձինք

Նախագծերի ընդունմամբ լրացուցիչ ֆինանսական միջոցների անհրաժեշտություն չի առաջանում՝ պետական բյուջեում եկամուտների և ծախսերի ավելացում կամ նվազում չի նախատեսվում:  

5․ Ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխության մասին

«Անասնաբուժության մասին» օրենքում փոփոխություններ և  լրացումներ կատարելու մասին» օրենքի և հարակից իրավական ակտերի նախագծերը մշակվել են ՀՀ էկոնոմիկայի նախարարության կողմից։

6․ Ակնկալվող արդյունքը

«Անասնաբուժության մասին» օրենքում փոփոխություններ և լրացումներ կատարելու մասին» օրենքի և հարակից իրավական ակտերի նախագծերի  ընդունմամբ կկանոնակարգվի սպանդանոցային գործունեությունը, կխստացվի վերահսկողությունը, որի արդյուքում նվազագույնի կհասնի ոչ սպանդանոցային ծագման սպանդային մթերքի ի հայտ գալու հավանականությունը առևտրի օբյեկտներում, գյուղատնտեսական արտադրանքի շուկաներում: