ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ԴԵԿՏԵՄԲԵՐԻ 29-Ի N 2308-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

__ մայիսի 2026 թվականի N ___-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ԴԵԿՏԵՄԲԵՐԻ 29-Ի N 2308-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասը և 34-րդ հոդվածի 1-ին մասը՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2005 թվականի դեկտեմբերի 29-ի «Մինչև 18 տարեկան անձանց, հղի և մինչև մեկ տարեկան երեխա խնամող կանանց համար ծանր և վնասակար համարվող աշխատանքների ցանկը հաստատելու մասին» N 2308-Ն որոշման (այսուհետ՝ որոշում) մեջ կատարել հետևյալ փոփոխությունները և լրացումները՝

1)   որոշման վերնագիրը շարադրել հետևյալ խմբագրությամբ՝

«ԵՐԵԽԱՆԵՐԻ, ՀՂԻ ԿԱՄ ՄԻՆՉԵՎ ՄԵԿ ՏԱՐԵԿԱՆ ԵՐԵԽԱ ԽՆԱՄՈՂ ԿԱՆԱՆՑ ՀԱՄԱՐ ԾԱՆՐ, ՎՆԱՍԱԿԱՐ ԵՎ ՎՏԱՆԳԱՎՈՐ ՀԱՄԱՐՎՈՂ ԱՇԽԱՏԱՆՔՆԵՐԻ ՑԱՆԿԸ, ԻՆՉՊԵՍ ՆԱԵՎ ԵՐԵԽԱՅԻ ԱՇԽԱՏԱՆՔԻ ՎԱՏԹԱՐԱԳՈՒՅՆ ՁԵՎԵՐԸ ՀԱՍՏԱՏԵԼՈՒ ՄԱՍԻՆ».

2)  որոշման նախաբանը շարադրել հետևյալ խմբագրությամբ՝

«Հիմք ընդունելով Հայաստանի Հանրապետության աշխատանքային օրենսգրքի 257-րդ և 258-րդ հոդվածների, ինչպես նաև «Երեխայի իրավունքների և երեխայի պաշտպանության համակարգի մասին» Հայաստանի Հանրապետության օրենքի 11-րդ հոդվածի 2-րդ մասի պահանջները` Հայաստանի Հանրապետության կառավարությունը որոշում է.».

3)  որոշման 1-ին կետը շարադրել հետևյալ խմբագրությամբ՝

«1. Հաստատել երեխաների, հղի և մինչև մեկ տարեկան երեխա խնամող կանանց համար ծանր և վնասակար աշխատանքների ցանկը, ինչպես նաև երեխայի համար վտանգավոր համարվող աշխատանքների ցանկը և աշխատանքի վատթարագույն ձեվերը հաստատելու մասին` համաձայն հավելվածի:».

4)  որոշման հավելվածում՝

ա. վերնագիրը շարադրել հետևյալ խմբագրությամբ՝

«ԵՐԵԽԱՆԵՐԻ, ՀՂԻ ԵՎ ՄԻՆՉԵՎ ՄԵԿ ՏԱՐԵԿԱՆ ԵՐԵԽԱ ԽՆԱՄՈՂ ԿԱՆԱՆՑ ՀԱՄԱՐ ԾԱՆՐ ԵՎ ՎՆԱՍԱԿԱՐ ԱՇԽԱՏԱՆՔՆԵՐԻ ՑԱՆԿԸ, ԻՆՉՊԵՍ ՆԱԵՎ ԵՐԵԽԱՅԻ ՀԱՄԱՐ ՎՏԱՆԳԱՎՈՐ ՀԱՄԱՐՎՈՂ ԱՇԽԱՏԱՆՔՆԵՐԻ ՑԱՆԿԸ ԵՎ ԱՇԽԱՏԱՆՔԻ ՎԱՏԹԱՐԱԳՈՒՅՆ ՁԵՎԵՐԸ ՀԱՍՏԱՏԵԼՈՒ ՄԱՍԻՆ».

բ. 1-ին կետը շարադրել հետևյալ խմբագրությամբ՝

«Քիմիական գործոնների ազդեցության ներքո երեխաների, հղի կամ մինչև մեկ տարեկան երեխա խնամող կանանց համար վնասակար (երկարաժամկետ ազդեցություն ենթադրող) և երեխաների համար վտանգավոր համարվող (անմիջական վտանգ պարունակող) աշխատանքները» և աղյուսակի վերջում լրացնել հետևյալ բովանդակությամբ նոր տողեր՝

«

».

 գ. 3-րդ կետը շարադրել հետևյալ խմբագրությամբ՝

«Ֆիզիկական, հոգեբանական և առցանց միջավայրին առնչվող գործոնների ազդեցության ներքո երեխաների, հղի կամ մինչև մեկ տարեկան երեխա խնամող կանանց համար վնասակար (երկարաժամկետ ազդեցություն ենթադրող) և երեխաների համար վտանգավոր համարվող (անմիջական վտանգ պարունակող) աշխատանքները» և աղյուսակի վերջում լրացնել հետևյալ բովանդակությամբ նոր տողեր՝

«

».

դ. 5-րդ կետը շարադրել հետևյալ խմբագրությամբ՝

«Կենսաբանական գործոնների ազդեցության ներքո երեխաների, հղի կամ մինչև մեկ տարեկան երեխա խնամող կանանց համար վնասակար (երկարաժամկետ ազդեցություն ենթադրող) և երեխաների համար վտանգավոր համարվող (անմիջական վտանգ պարունակող) աշխատանքները» և աղյուսակի վերջում լրացնել հետևյալ բովանդակությամբ նոր տողեր՝

«

».

ե. 7-րդ կետը շարադրել հետևյալ խմբագրությամբ՝

«Արդյունաբերական աերոզոլների ազդեցության ներքո երեխաների, հղի կամ մինչև մեկ տարեկան երեխա խնամող կանանց համար վնասակար (երկարաժամկետ ազդեցություն ենթադրող) և երեխաների համար վտանգավոր համարվող (անմիջական վտանգ պարունակող) աշխատանքները» և աղյուսակի վերջում լրացնել հետևյալ բովանդակությամբ նոր տողեր՝

«

»

զ. 9-րդ կետը շարադրել հետևյալ խմբագրությամբ՝

«Երեխաների, հղի կամ մինչև մեկ տարեկան երեխա խնամող կանանց համար ծանր աշխատանքները», ինչպես նաև աղյուսակի 1-9-րդ տողերի ձախ սյունակում «և» բառը փոխարինել «կամ» բառով, 1-ին տողում «մինչև 18 տարեկան անձանց» բառերը փոխարինել «երեխաների» բառով և 2-9-րդ տողերում «մինչև 18 տարեկան անձանց» բառերը փոխարինել «երեխաների համար» բառերով.

է. 10-րդ կետում ջնւել «մինչև 18 տարեկան երեխաների» բառերը փոխարինել «երեխաների» բառով.

ը. լրացնել հետևյալ բովանդակությամբ նոր՝ 13-րդ կետով՝

«13. Երեխայի աշխատանքի վատթարագույն ձևերն են այն բոլոր իրավիճակներն ու գործողությունները, որոնցում երեխան զրկվում է աշխատանքն ընտրելու ազատությունից, ենթարկվում է բռնության կամ սպառնալիքի, վտանգվում են նրա կյանքը, առողջությունը, անվտանգությունը կամ ֆիզիկական և հոգեբանական զարգացումը, ինչպես նաև ցանկացած աշխատանք, որը չի բխում երեխայի լավագույն շահերից, ներառյալ՝

ա) ստրկությունը կամ ստրկությանը նմանվող բոլոր ձևերը.

բ)  երեխայի թրաֆիքինգը կամ շահագործումը.

գ)  հարկադիր կամ պարտադիր աշխատանք.

դ)  երեխայի պոռնկություն կամ մանկական պոռնկագրական նյութեր կամ առարկաներ պատրաստելու կամ տարածելու հետ կապված գործողություններ կատարելուն հակելը կամ ներգրավելը.

ե)  մուրացիկությունը.

զ)  հակաիրավական գործունեության մեջ ներգրավելը.

է)  երեխային ներգրավելը թմրամիջոցների, հոգեմետ (հոգեներգործուն) նյութերի, դրանց պատրաստուկների կամ դրանց համարժեք նյութերի (անալոգի) կամ դրանց ածանցյալների ապօրինի շրջանառության կամ դրանք ապօրինի իրացնելու մեջ:»։

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։