ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶԵՐՈՒՄ ՄԱՍՆԱՎՈՐ ԿԱՄ ՄԱՍՆԱՎՈՐԻ ԿՈՂՄԻՑ ՇԱՀԱԳՈՐԾՎՈՂ ՄԱՐԶԱԿԱՆ ԵՆԹԱԿԱՌՈՒՑՎԱԾՔՆԵՐՈՒՄ ԴՊՐՈՑԱՀԱՍԱԿ ԵՐԵԽԱՆԵՐԻ ԼՈՂ, ԴԱՀՈՒԿԱՅԻՆ ՍՊՈՐՏ, ՀՐԱՁԳՈՒԹՅՈՒՆ ՄԱՐԶԱՁԵՎԵՐԻ ՈՒՍՈՒՑՄԱՆ ԾՐԱԳՐԵՐԸ ԵՎ ՖԻՆԱՆՍԱՎՈՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Լողի, դահուկային սպորտի և հրաձգության ուսումնական ծրագրերը կարևոր դեր ունեն դպրոցահասակ երեխաների առողջ ապրելակերպի խրախուսման գործում, որը պետական քաղաքականության առաջնահերթ ուղղություններից մեկն է: Ծրագրերի իրականացումը միտված է երեխաների ֆիզիկական, հոգեբանական և կամային որակների զարգացմանը, առողջության ամրապնդմանը և սպորտային հմտությունների ձևավորմանը։

 Միաժամանակ, ոլորտի զարգացման և ծրագրերի արդյունավետ իրականացման նպատակով անհրաժեշտ է զարգացնել մարզաձևերը՝ ներդնելով կայուն մեխանիզմներ և ապահովել հավասար հասանելիություն Հայաստանի Հանրապետության մարզերում գործող հանրակրթական ուսումնական հաստատություններում սովորող դպրոցահասակ երեխաների համար։