«Հայաստանի Հանրապետության հարկային օրենսգրքում լրացումներ և փոփոխություն կատարելու մասին» ՀՀ օրենքի նախագիծ

Նախագիծ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՕՐԵՆՔԸ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1.  2016 թվա­կանի հոկ­­տեմբերի 4-ի Հայաստանի Հանրապետության հար­կա­­յին օրենս­­գրքի (այսուհետ՝ Օրենսգիրք) 62-րդ հոդվածում՝

1)    6-րդ մասում «7-րդ մասով» բառերը փոխարինել «7-րդ, 21-րդ և 22-րդ մասերով» բառե­րով.

2)   21-րդ մասում՝

ա) «և սույն հոդվածով սահմանված կարգով հաշվարկվող ԱԱՀ-ով հարկման բազայի» բառերը փոխարինել «սահմանված կարգով հաշվարկվող ԱԱՀ-ով հարկման բազայի, իսկ  անհատույց կամ իրական արժեքից էականորեն ցածր արժեքով հատուցմամբ գործարքների դեպ­­քում՝ այդ գործարքների իրական արժեքի 80 տոկոսի» բառերով.

բ) լրացնել հետևյալ բովանդակությամբ նոր պարբերություններ.

«Սույն մասի կիրառության իմաստով  համարվում է, որ ԱԱՀ-ով հարկման օբյեկտ համար­վող գործարքն իրականացվել է իրական արժեքից էականորեն ցածր արժեքով, եթե դրա հատուց­ման արժեքը (առանց ԱԱՀ-ի) 20 և ավելի տոկոսով ցածր է նույն, իսկ դրա բացա­կա­յու­թյան դեպքում՝ համանման ապրանքի մատակարարման գործարքների իրական արժեքից (առանց ԱԱՀ-ի): 

Սույն մասով սահմանված՝ գործարքի իրական արժեքի որոշման նպատակով կիրառելի են սույն  հոդվածի 6-րդ մասի 2-րդ կետով սահմանված դրույթները:»:

3)   լրացնել հետևյալ բովանդակությամբ 22-րդ մաս.

«22. Ոսկուց և թանկարժեք քարերից պատրաստված իրերի օտարման դեպքում ԱԱՀ-ով հարկման բազա է համար­վում՝

1)   ոսկուց և թանկարժեք քարերից պատրաստված իրեր արտադրողի կողմից արտադրված՝ ոսկուց և թանկարժեք քարերից պատրաստված իրերի օտարման գոր­ծարք­ների մասով՝ Օրենս­գրքի 61-րդ հոդվածով սահ­ման­ված կարգով հաշ­վարկ­վող՝ ԱԱՀ-ով հարկ­­ման բազայի, իսկ անհա­տույց կամ իրական արժեքից էականորեն ցածր արժեքով հատուցմամբ գործարքների դեպ­քում՝ այդ գործարքների իրական արժեքի 80 տոկոսի և Օրենս­գրքի 55-րդ հոդվածի 2-րդ մասի 1-4-րդ կետերով, ինչ­պես նաև 13-րդ մասով սահմանված փաս­տա­թղթերով հիմ­նա­վոր­­­ված՝ տվյալ իրի արտադրության համար օգտագործված ոսկու և թան­կար­ժեք քարերի ձեռք բերման գնի դրական տար­բերությունը: Սույն կետի համաձայն հաշ­վարկվող ԱԱՀ-ով հարկման բազան չի կարող պակաս լինել Օրենս­գրքի 61-րդ հոդվածով սահմանված կարգով հաշվարկվող ԱԱՀ-ով հարկ­­ման բազայի, իսկ  անհատույց կամ իրական արժեքից էականորեն ցածր արժեքով հատուցմամբ գործարքների դեպքում՝ այդ գործարքների իրական արժեքի 80 տոկոսի 25 տոկո­սից.

2)  ոսկուց և թանկարժեք քարերից պատրաստված իրերի առևտրական (առք ու վաճառքի) գործունեությամբ զբաղ­վող անձանց կողմից ոսկուց և թանկարժեք քարերից պատրաստված իրերի օտարման գործարքների մասով՝ Օրենսգրքի 61-րդ հոդվածով սահմանված կարգով հաշ­վարկ­վող՝ ԱԱՀ-ով հարկ­­ման բազայի, իսկ անհատույց կամ իրական արժեքից էականորեն ցածր արժեքով հատուցմամբ գործարքների դեպքում՝ այդ գործարքների իրական արժեքի 80 տոկոսի և Օրենս­գրքի 55-րդ հոդվածի 2-րդ մասի 1-4-րդ կետերով, ինչպես նաև 13-րդ մասով սահ­­­­մանված փաս­տա­թղթերով հիմ­նա­վոր­­­ված՝ տվյալ իրի ձեռք բերման գնի ներառյալ՝ ԱԱՀ-ն դրական տար­բե­րու­թյունը:

Սույն մասի կիրառության իմաստով  համարվում է, որ ԱԱՀ-ով հարկման օբյեկտ համարվող գործարքն իրականացվել է իրական արժեքից էականորեն ցածր արժեքով, եթե դրա հատուցման արժեքը (առանց ԱԱՀ-ի) 20 և ավելի տոկոսով ցածր է նույն, իսկ դրա բացակայության դեպքում՝ համանման ապրանքի մատակարարման գործարքների իրական արժեքից (առանց ԱԱՀ-ի):

Սույն մասով սահմանված՝ գործարքի իրական արժեքի որոշման նպատակով կիրառելի են սույն  հոդվածի 6-րդ մասի 2-րդ կետով սահմանված դրույթները:»:

Հոդված 2. Օրենսգրքի 72-րդ հոդվածի 1-ին մասը լրացնել հետևյալ բովանդակությամբ 13-րդ կետով.

 «13 ոսկուց և թանկարժեք քարերից պատրաստված իրերի առևտրական (առք ու վաճառքի) գործունեությամբ զբաղ­վող անձինք՝ ոսկուց  և թանկարժեք քարերից պատրաստված իրերի օտար­ման գործարքներին (բացառությամբ՝ ԱԱՀ-ի 0 տոկոս դրույքաչափով հարկման ենթակա գործարքներին) վերագրվող՝ այդ իրերի մատակարարի կողմից դուրս գրված հար­կային հաշվում կամ մաքսային հայտա­րա­րա­գրում կամ ներմուծման հարկային հայտա­րա­րա­գրում առանձնաց­ված ԱԱՀ-ի գումարի չափով:»:

Հոդված 3.  Օրենսգրքի 147-րդ հոդվածի 1-ին մասի 39-րդ կետում «գոր­ծու­նեու­թյուն իրա­կա­նաց­­նող» բառերից հետո լրացնել «՝ Օրենսգրքով սահմանված կարգով ԱԱՀ վճա­րող չհամար­վող» բառերը:

Հոդված 4. Սույն օրենքն ուժի մեջ է մտնում 2026 թվականի հուլիսի 1-ից և կիրառ­վում է 2026 թվա­կանի հուլիսի 1-ից հետո կատարվող՝ ոսկուց և թանկարժեք քարերից պատ­րաստված իրերի օտարման գոր­ծարք­ների՝ ԱԱՀ-ով հարկման բազայի որոշման նպատակով: