ՇԱՐՈՒՆԱԿԱԿԱՆ ՄԱՍՆԱԳԻՏԱԿԱՆ ԶԱՐԳԱՑՈՒՄՆ ԱՊԱՀՈՎՈՂ ՊԱՐՏԱԴԻՐ ՄԻՋՈՑԱՌՈՒՄՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Հաշվի առնելով արտաքին և ներքին մարտահրավերները, անհրաժեշտ է ավագ բուժաշխատողների համար պարտադիր դարձնել ռազմաբժշկական փորձաքննության դասընթացը՝ ապահովելով թե խաղաղ ժամանակ, և թե տարբեր իրավիճակներում վերջիններիս պատրաստվածության բարձ մակարդակ։ Առաջարկում եմ Նախագծի հավելվածում ավելացնել․ 3․ Ռազմաբժշկական փորձաքննություն. Ծրագրի նկարագիր․ դասընթացը նպատակ ունի պատրաստել ավագ բուժաշխատողներին ռազմաբժշկական փորձաքննության ծրագրի այն սահմաններում, որն անհրաժեշտ է նրանց՝ խաղաղ և պատերազմական պայմանների համար: Ռազմաբժշկական փորձաքննության դասընթացը նպատակ ունի պատրաստել ավագ բուժաշխատողներին ռազմաբժշկական փորձաքննության ծրագրի այն սահմաններում, որն անհրաժեշտ է նրանց՝ խաղաղ և պատերազմական պայմանների համար: Առարկան ուսումնասիրելուց հետո ավագ բուժաշխատողը պետք է՝ Գիտենա՝ 1. ռազմաբժշկական փորձաքննության էությունը, նպատակը, մարմինները, 2. ռազմաբժշկական փորձաքննության անցկացման կարգը զինապարտների, զինծառայողների, ՌՈւՀ-երի դիմորդների համար, 3. ռազմաբժշկական փորձաքննության արդյունքում կայացրած փորձաքննական եզրակացությունների տեսակները, նրանց կիրառման կարգը: Կարողանա․ 1. Ճիշտ կազմակերպել զորակոչիկների, զինծառայողների և պահեստազորում հաշվառված զինապարտների, պարտադիր զինվորական ծառայության զորակոչի ենթակա քաղաքացիների, պահեստազորում հաշվառվող կամ հաշվառված զինապարտների, ռազմաուսումնական հաստատություններում սովորելու համար դիմած քաղաքացիների ռազմաբժշկական փորձաքննությունը: 2. Ձևակերպել փորձաքննական բժշկական փաստաթղթերը: 3. Զարգացնել կլինիկական մտածողությունը: Ծանոթ լինի 1. ռազմաբժշկական փորձաքննության հետագա զարգացման կարևոր ուղղությունների հետ, 2. մասնագիտական վնասակար գործոնների ազդեցության տակ առաջացած ախտահարումների ռազմաբժշկական փորձաքննության կատարելագործման հետ: Ուսուցանվող գիտելիքների շրջանակ․ Թեմա 1. Ռազմաբժշկական փորձաքննության էությունը, նպատակն ու մարմինները Ռազմաբժշկական փորձաքննության էությունը և նպատակը, Ռազմաբժշկական փորձաքննության մարմինները: Թեմա 2. Ռազմաբժշկական փորձաքննության անցկացման կարգը Զորակոչիկների, զինծառայողների և պահեստազորում հաշվառված զինապարտների ռազմաբժշկական փորձաքննությունը, քաղաքացիների առողջական վիճակի հետազոտություն, ռազմաբժշկական փորձաքննությունը, պարտադիր զինվորական ծառայության զորակոչի ենթակա քաղաքացիների ռազմաբժշկական փորձաքննույթյան կազմա-կերպումը, պահեստազորում հաշվառվող կամ հաշվառված զինապարտների փորձա-քննության կազմակերպումը, ռազմաուսումնական հաստատություններում սովորելու համար դիմած քաղաքացիների ռազմաբժշկական փորձաքննության կազմակերպումը, զինծառայողների ռազմաբժշկական փորձաքննությունը, ՌՆ, Իճ այլ աղբյուրների, ՀՎԲՄ, ԷՄԴ ստեղծող աղբյուրների հետ աշխատելու համար ընդունվողների և դրանց հետ աշխատող զինծառայողների ու ծառայողների ռազմաբժշկական փորձաքննությունը Թեմա 3. Ռազմաբժշկական փորձաքննության եզրակացությունները Ռազմաբժշկական փորձաքննության եզրակացությունների տեսակները, ռազմաբժշկական հանձնաժողովների որոշումները գրանցելու կարգը Տևողությունը՝ 20 ժամ 20 ՇՄԶ կրեդիտ։ Թիրախային լսարան՝ ավագ բուժաշխատողներ։