«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ» ՀՀ ՕՐԵՆՔԻ ՆԱԽԱԳԻԾ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 ՕՐԵՆՔԸ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ

ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Հոդված 1. 2016 թվականի հոկտեմբերի 4-ի Հայաստանի Հանրապետության հարկային օրենսգրքի (այսուհետ՝ Օրենսգիրք) 344-րդ հոդվածի 1-ին մասի 4-րդ կետում «համապատասխանությունը» բառից հետո լրացնել «, ինչպես նաև հարկ վճարողների (այդ թվում` անհատ ձեռնարկատեր կամ նոտար չհանդիսացող ֆիզիկական անձանց) վերաբերյալ Օրենսգրքի 350.1-ին հոդվածի 1-ին մասով սահմանված կարգով հարկային մարմին ներկայացված յուրաքանչյուր բանկային հաշվի ամփոփ տեղեկությունների և հարկային մարմին ներկայացված հարկային հաշվարկների համապատասխանությունը» բառերը:

Հոդված 2. Օրենսգրքի 349.1-ին հոդվածում լրացնել 2.1-ին մաս` հետևյալ խմբագրությամբ.

«2.1. Անհատ ձեռնարկատեր կամ նոտար չհանդիսացող ֆիզիկական անձանց մոտ թեմատիկ ուսումնասիրության իրականացման համար հիմք կարող են հանդիսանալ նաև հարկային մարմնին օրենքով սահմանված կարգով հայտնի դարձած հարկվող գործարքների ուսումնասիրության և վերլուծության նպատակով հարկային մարմնի իրականացրած կամերալ (ներքին) ուսումնասիրության արդյունքները, որոնց մասին անհատ ձեռնարկատեր կամ նոտար չհանդիսացող ֆիզիկական անձը նախապես ծանուցվել է էլեկտրոնային ծանուցման եղանակով, սակայն ծանուցման օրվան հաջորդող 10 աշխատանքային օրվա ընթացքում հարկային մարմնի հաշվետվությունների ներկայացման էլեկտրոնային կառավարման համակարգի միջոցով հարկային հաշվարկներ (այդ թվում՝ ճշտված) կամ խախտումների առկայության վերաբերյալ հիմնավոր առարկություններ չի ներկայացրել: Հարկ վճարողի հաշվառման համար չունեցող ֆիզիկական անձանց սույն մասով նախատեսված ծանուցումն իրականացվում է Օրենսգրքի 398-րդ հոդվածի 5.2-րդ մասով սահմանված կարգով:»:

Հոդված 3. Օրենսգրքի 351-րդ հոդվածում`

1) լրացնել 1.1-ին մաս` հետևյալ խմբագրությամբ.

«1.1. Թեմատիկ ուսումնասիրության ընթացքում հարկային մարմինն անուղղակի եղանակներով իրականացնում է անհատ ձեռնարկատեր կամ նոտար չհանդիսացող ֆիզիկական անձանց հարկման բազաների և հարկային պարտավորությունների գնահատում (վերագնահատում)՝ հետևյալ հիմքերից որևէ մեկի առկայության դեպքում.

1) հարկային պարտավորությունների հաշվարկման համար սահմանված տեղեկությունների կամ փաստաթղթերի չներկայացումը.

2) հարկային մարմին ներկայացրած հարկային հաշվարկներում ոչ հավաստի տվյալների ներառումը.

3) բանկերի կողմից հարկային մարմին ներկայացված բանկային հաշիվների տեղեկությունների անհամապատասխանությունը հարկային հաշվարկներով ներկայացված տեղեկություններին:»,

2) 10-րդ մասում`

ա. 1-ին նախադասության «ստուգումն» բառը փոխարինել «ստուգումը կամ թեմատիկ ուսումնասիրությունն» բառերով,

բ. 2-րդ նախադասության «ստուգումը» բառից հետո լրացնել «կամ թեմատիկ ուսումնասիրությունը» բառերը, իսկ «ստուգման» բառից հետո` «կամ թեմատիկ ուսումնասիրության» բառերը:

Հոդված 4.

1․ Սույն օրենքն ուժի մեջ է մտնում 2025 թվականի հունվարի 1-ից: