«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԲՆԱԿԵՑՄԱՆ ԳԼԽԱՎՈՐ ՆԱԽԱԳԾԻ ԱՌԱՋԱԴՐԱՆՔԸ ՀԱՍՏԱՏԵԼՈՒ ՄԱՍԻՆ » ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԻԾ

1.

Իրավական ակտի ընդունման անհրաժեշտությունը

«Հայաստանի Հանրապետության տարաբնակեցման գլխավոր նախագծի առաջադրանքը հասատատելու մասին» ՀՀ կառավարության որոշման նախագծի մշակումը բխում է «Քաղաքաշինության մասին» 10-րդ և 17-րդ հոդվածներից, ՀՀ կառավարության 2002 թվականի դեկտեմբերի 19-ի N2164-Ն որոշումից, ՀՀ կառավարության 2021 թվականի ապրիլի 8-ի N 531-Լ որոշման N 2 հավելվածի 2.1.1 կետից,  ՀՀ կառավարության 2021 թվականի  նոյեմբերի 18-ի N 1902-Լ որոշման N1 հավելվածի «Քաղաքաշինության կոմիտե» բաժնի 1.4. կետից:        

ՀՀ տարաբնակեցման գլխավոր նախագծի առաջադրանքի մշակումը պայմանավորված է երկրի կայուն տարածական զարգացման ռազմավարության մշակման և իրագործման անհրաժեշտությամբ` հաշվի առնելով սոցիալ-տնտեսական գործոնները, ինժեներաերկրաբանական, ինժեներատրանսպորտային, բնական պայմանների ու պաշարների, էկոլոգիական իրավիճակի, մշակութային ժառանգության, աշխարհագրական ու տարածաշրջանային այլ առանձնահատկությունները,

2.

Ընթացիկ իրավիճակը և խնդիրները

Հաշվի առնելով, որ ՀՀ տարաբնակեցման գլխավոր նախագիծը մշակվել և հաստատվել է ՀՀ կառավարության 2003 թվականի ապրիլի 10-ի N610-Ն որոշմամբ և հաշվի առնելով, որ քաղաքային և գյուղական տարաբնակեցման ներկա անհամաչափ զարգացման միտումները թելադրում են ռազմավարական նոր ուղղությունների առաջադրմամբ, անհրաժեշտություն է առաջացել վերագնահատել և վերաբաշխել երկրի ռեսուրսներն ու կարողությունները՝ հասարակության հեռանկարային կայուն զարգացումն ապահովելու համար անհրաժեշտություն է առաջացել մշակել ՀՀ տարաբնակեցման գլխավոր նախագծի առաջադրանքը, որի հիման վրա կմշակվի Հայաստանի Հանրապետության տարաբնակեցման գլխավոր նախագիծը: 

3.

Կարգավորման նպատակը և բնույթը

ՀՀ տարաբնակեցման գլխավոր նախագծի նպատակն է երկրի կայուն տարածական զարգացման ռազմավարության մշակում և իրագործում` սոցիալ-տնտեսական գործոնների, ինժեներաերկրաբանական, ինժեներատրանսպորտային, բնական պայմանների ու պաշարների, էկոլոգիական իրավիճակի, մշակութային ժառանգության, աշխարհագրական ու տարածաշրջանային այլ առանձնահատկությունների հաշվառմամբ: «Քաղաքաշինության մասին» օրենքով սահմանված պարտադիր մշակման ենթակա փաստաթղթի հաստատում, որպես ազգային մակարդակով պետական քաղաքաշինական քաղաքականության իրականացման հիմք:

ՀՀ տարաբնակեցման գլխավոր նախագծի առաջադրանքի հիմնական նպատակը Հայաստանի Հանրապետության ամբողջական քաղաքաշինական զարգացման ռազմավարական ուղղությունների որոշումն է՝ անվտանգ և առողջ կեսոլորտի ստեղծմամբ, բնակավայրերի կայուն զարգացմամբ, բնական և պատմամշակութային ժառանգության պահպանման ապահովմամբ:

ՀՀ տարաբնակեցման գլխավոր նախագծի առաջադրանքը հիմք կհանդիսանա տարածական զարգացման պլանավորման ազգային ռազմավարության (տարաբնակեցման գլխավոր նախագիծ) արդիականացման և հաստատման:

4.

Նախագծի մշակման գործընթացում  ներգրավված ինստիտուտները և անձինք

Նախագիծը մշակվել է ՀՀ քաղաքաշինության կոմիտեի կողմից:

5.

Ակնկալվող արդյունքը

Ազգային և տեղական մակարդակի փաստաթղթերի (տարաբնակեցման և տարածքային կազմակերպման, քաղաքաշինական մանրամասն գոտևորման) հաջորդական մշակման միջոցով տարածական արդյունավետ պլանավորում:

6.

Նախագծի ընդունման կապակցությամբ լրացուցիչ ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին

Նախագծի ընդունման կապակցությամբ լրացուցիչ ֆինանսական միջոցների անհրաժեշտություն չի առաջանում, պետական բյուջեի եկամուտներում և ծախսերում փոփոխություններ չեն նախատեսվում:

7.

Այլ իրավական ակտեր ընդունելու և այլ իրավական ակտերում փոփոխություններ կամ լրացումներ կատարելու անհրաժեշտության կամ բացակայության մասին

«Հայաստանի Հանրապետության տարաբնակեցման գլխավոր նախագծի առաջադրանքը հասատատելու մասին» ՀՀ կառավարության որոշման նախագծի ընդունմամբ պայմանավորված անհրաժեշտություն է առաջանում մշակել և հաստատել  «Հայասատանի Հանրապետության տարաբնակեցման գլխավոր նախագիծը»:

8.

Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ․

«Հայաստանի Հանրապետության տարաբնակեցման գլխավոր նախագծի առաջադրանքը հասատատելու մասին» ՀՀ կառավարության որոշման նախագիծը բխում է ՀՀ կառավարության 2021 թվականի  նոյեմբերի 18-ի N 1902-Լ որոշմամբ հաստատված ՀՀ կառավարության 2021-2026թթ. գործունեության միջոցառումների ծրագրի կատարումն ապահովող միջոցառումներով նախատեսված «Քաղաքաշինության կոմիտե» բաժնի 1.4. կետից և 2021 թվականի ապրիլի 8-ի «ՀՀ քաղաքաշինության բնագավառի ռազմավարական ծրագիրը և ծրագրի իրագործումն ապահովող միջոցառումների ցանկը հաստատելու մասին» N 531-Լ որոշման N 2 հավելվածի 2-րդ նպատակի 2.1.1. կետից:

9.

Նախագծի քննարկմանը հասարակության մասնակցության մասին

Նախագիծը տեղադրվել է www.minurban.am կայքում: