6 - Agree
0 - Disagree
ՀԻՄՆԱՎՈՐՈՒՄ
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ ՄԱՐՏԻ 30-Ի N 429-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ ՎԵՐԱԲԵՐՅԱԼ
1. Նախագծի ընդունման անհրաժեշտությունը
«Հայաստանի Հանրապետության կառավարության 2023 թվականի մարտի 30-ի N 429-Ն որոշման մեջ փոփոխություններ և լրացումներ կատարելու մասին» Հայաստանի Հանրապետության կառավարության որոշման նախագծի (այսուհետ` նախագիծ) ընդունումը պայմանավորված է Պետական եկամուտների կոմիտեի, ինչպես նաև բժշկական արտադրատեսակներ ներմուծողների կողմից ստացված առաջարկների հիման վրա լրացումների ու փոփոխությունների կատարման անհրաժեշտությամբ:
2. Ընթացիկ իրավիճակը և խնդիրները
1) Հայաստանի Հանրապետության կառավարության 2023 թվականի մարտի 30-ի N 429-Ն որոշմամբ (այսուհետ՝ Որոշում) սահմանված կարգով կարգավորվում են Հայաստանի Հանրապետության պետական սահմանը հատելու միջոցով բժշկական արտադրատեսակների ներսբերման (այսուհետ` ներմուծում) թույլտվության տրամադրման հետ կապված հարաբերությունները: Որոշման փաստացի կիրառմամբ մեկնարկել է Հայաստանի Հանրապետության տարածք բժշկական արտադրատեսակների ներմուծման կարգավորման գործընթացը և կիրառման երեք ամիսների ընթացքում առաջարկներ և դիտողություններ են ներկայացվել Պետական եկամուտների կոմիտեի կողմից (գրություն՝ թիվ 01/8-6/77439-2023 առ 22. 12. 2023թ.) և բժշկական արտադրատեսակներ ներմուծողներից (Վարչապետի աշխատակազմի գրություն՝ 02/11.7/44069-2023): Պարզվել է հետևյալը.
1. ԵԱՏՄ կարգավորումներում ԱՏԳ ԱԱ ծածկագրերը փոփոխվել են, խմբագրվել նոր տարբերակով՝ անճշտությունները վերացվել, օգտվելու հարմարավետության տեսանկյունից առավել մատչելի դարձվել և Որոշմամբ հաստատված աղյուսակում ներկայացված ծածկագրերը ԵԱՏՄ ԱՏԳ ԱԱ ծածկագրերին համապատասխանեցնելու անհրաժեշտություն է առաջացել.
2. Հստակեցման կարիք ունի ԵԱՏՄ ԱՏԳ ԱԱ ծածկագրերով հավաստագրման ենթակա բժշկական արտադրատեսակների շրջանակը, որի հետ կապված խմբագրման կարիք կար նաև Որոշմամբ հաստատված կարգի 3-րդ և 4-րդ կետերում.
3. Մինչև հիմա ներմուծման հայտը ընդունվել է և ներմուծման հավաստագիրը տրամադրվել է բեռը սահմանը հատելուց հետո: Արդյունքում մաքսային պահեստներում կուտակումներ և լրացուցիչ ծախսեր են առաջացել ներմուծողների համար: Ներմուծողների առաջարկը հաշվի առնելով փոփոխություններ է կատարվել փաստաթղթերի ցանկում՝ հնարավորություն ստեղծելով ներմուծման հայտերը ընդունել և հավաստագիրը ձևակերպել մինչև բեռը մաքսային սահմանը հատելը: Բացի այդ, ներմուծման գործընթացը արագացնելու համար հավաստագրի տրամադրման համար պահանջվող ժամկետը կրճատվել է 1 օրով:
Որոշմամբ հաստատված կարգում կատարված փոփոխությունների հիման վրա որոշակի լրացումների ու փոփոխությունների կարիք է առաջացել նաև ներմուծման հայտի և հավաստագրի ձևերում:
2) Նախագծի ընդունումը պայմանավորված է նաև Հայաստանի Հանրապետության կառավարության 2023 թվականի նոյեմբերի 23-ի N 2017-Ն որոշման 3-րդ կետի կատարումն ապահովելու անհրաժեշտությամբ։ Նշված որոշման հավելվածի 8-րդ, 9-րդ և 10-րդ կետերի դրույթներին համապատասխան՝ թույլատվական փաստաթղթերի տրամադրման և դրանց ստացման համար ներկայացվող անհրաժեշտ փաստաթղթերի ներկայացման ժամկետների փոփոխման անհրաժեշտությունից ելնելով՝ Նախագծով առաջարկվում է փոփոխություն կատարել ՀՀ Առողջապահության նախարարության իրավասության շրջանակներում տրամադրվող թույլատվական փաստաթղթերի տրամադրման կարգում՝ սահմանելով թույլատվական փաստաթղթերի տրամադրման համար 1 օրյա ժամկետ։
3) Որոշման 1-ին հավելվածի 17-րդ կետով սահմանված է, որ ՀՀ առողջապահության բնագավառի պետական կառավարման լիազոր մարմինը փորձագիտական եզրակացությունն ստանալուց հետո 2 աշխատանքային օրվա ընթացքում հայտը բավարարում կամ մերժում է, բժշկական արտադրատեսակների ներմուծման (համապատասխանության) հավաստագիր տրամադրելու մասին հրամանի հիման վրա հավաստագիրը (Ձև N 3) կամ ներմուծումը մերժելու մասին հրամանը էլեկտրոնային տարբերակով հայտատուին է տրամադրվում «Մեկ պատուհան» էլեկտրոնային համակարգի միջոցով, իսկ էլեկտրոնային համակարգի խափանման դեպքում՝ թղթային տարբերակով: Սույնով պայմանավորված, հայտերի բավարարման դեպքում լիազոր մարմնի` Առողջապահության նախարարության կողմից ընդունվում է հավաստագիր տրամադրելու մասին հրաման` գրավոր վարչական ակտ, որի հիման վրա տրվում է ներմուծման (համապատասխանության) հավաստագիրը:
«Վարչարարության հիմունքների և վարչական վարույթի մասին» օրենքի 3-րդ հոդվածի համաձայն` ՀՀ առողջապահության նախարարությունը հանդիսանում է վարչական մարմին, և սահմանված է, որ վարչարարարությունը` վարչական մարմինների արտաքին ներգործություն ունեցող գործունեություն է, որը եզրափակվում է վարչական կամ նորմատիվ ակտերի ընդունմամբ, ինչպես նաև գործողություն կամ անգործություն, որն անձանց համար առաջացնում է փաստական հետևանքներ:
Ուստի նախագծով առաջարկվում է բժշկական արտադրատեսակներ ներմուծող հայտատուների «ՀՀ արտաքին առևտրի ազգային մեկ պատուհան» էլեկտրոնային համակարգի միջոցով լիազոր մարմին օրական ներկայացվող բազմաթիվ էլեկտրոնային հայտերի հիման վրա իրականացվող վարչարարությունը պարզեցնելու նպատակով` փորձագիտական եզրակացությունն ստանալուց հետո հայտերը բավարարելու պարագայում` հայտատուի հայտը բավարարել առանց լիազոր մարմնի կողմից հրաման ընդունելու` վարչարությունն եզրափակելով Առողջապահության նախարարության կողմից ներմուծման (համապատասխանության) հավաստագիրը «Մեկ պատուհան» էլեկտրոնային համակարգով տրամադրելով, որի ձևը հաստատված է Որոշման N 1 հավելվածով և ստորագրվում է ՀՀ առողջապահության նախարարության գլխավոր քարտուղարի կողմից: Արդյունքում բժշկական արտադրատեսակների ներմուծման (համապատասխանության) թույլտվությունը կտրամադրվի հավաստագրի համաձայն, առանց հավաստագիր տրամադրելու մասին հրամանի ընդունման:
3. Կարգավորման նպատակը և բնույթը.
«Հայաստանի Հանրապետության կառավարության 2023 թվականի մարտի 30-ի N 429-Ն որոշման մեջ փոփոխություններ և լրացումներ կատարելու մասին» Հայաստանի Հանրապետության կառավարության որոշման նախագծի ընդունման նպատակը Որոշման կիրառման ընթացքում վերհանված խնդիրներին համապատասխան անհրաժեշտ փոփոխությունների և լրացումների իրականացմամբ ներմուծման գործընթացը հստակեցնելը և առավել պարզ ու հարմար դարձնելն է:
4. Նախագծի մշակման գործընթացում ներգրավված ինստիտուտները և անձինք
Նախագծի մշակումն իրականացվել է Առողջապահության նախարարության դեղորայքային քաղաքականության և բժշկական տեխնոլոգիաների վարչության և ՀՀ առողջապահության նախարարության «Ակադեմիկոս Էմիլ Գաբրիելյանի անվան դեղերի և բժշկական տեխնոլոգիաների փորձագիտական կենտրոն» ՓԲԸ-ի կողմից:
5. Լրացուցիչֆինանսականմիջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին
Նախագծի ընդունմամբ 2024 թվականի պետական բյուջեում կամ տեղական ինքնակառավարման մարմնի բյուջեներում եկամուտների և ծախսերի ավելացում կամ նվազեցում չի նախատեսվում:
6. Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ.
Սույն նախագիծը չի բխում ռազմավարական կամ ծրագրային որևէ փաստաթղթից:
Discussed
27.02.2024 - 13.03.2024
Type
Decision
Area
Healthcare
Ministry
Ministry of Healthcare
Views 3269
Print13.03.2024
Ի լրումն նախորդ առաջարկի՝ առաջարկում ենք մեկ անգամ Ձեզ տրամադրել ներմուծվող բոլոր լաբորատոր թեստ-հավաքածուների (IVD) անվանումները, որոնք համապատասխան մասնագետների կողմից կներմուծվեն համակարգ, իսկ ներմուծման ժամանակ հայտատուն կլրացնի միայն սերիայի համարները:
12.03.2024
Նախագծով առաջարկվող փոփոխությունները ողջունելի են, և միանշանակ կունենան դրական ազդեցություն բժշկական արտադրանք ներմուծողների բնականոն գործունեության վրա: Սակայն դեռ կան որոշ ձևակերպումներ որոնք կարող են տարընթերցումների տեղիք տալ: Մասնավորապես՝ 1. Փոփոխությունից հետո 3-րդ կետը կունենա հետևյալ տեսքը <<Բժշկական արտադրատեսակները ներմուծվում են Եվրասիական տնտեսական միության արտաքին տնտեսական գործունեության ապրանքային անվանացանկի (այսուհետ` ԵԱՏՄ ԱՏԳ ԱԱ) ծածկագրերի համաձայն (Աղյուսակ), ինչպես նաև ըստ անվանումների>>: Հարց է առաջանում եթե փոփոխությամբ առաջարկվում է հանել 2-րդ նախադասությունը, ապա ինչու ենք պահում 1-ին նախադասության վերջին չորս բառերը՝ այն է - <<ինչպես նաև ըստ անվանումների>>: Արդյոք այս ձևակերպումը նշանակում է, որ աղուսյակում չընդգրկված ծածկագրերով բժշկական արտադրատեսակների ներմուծումը շարունակվելու է իրականացվել նույն կարգով: Եթե այո, առաջարկում ենք մանրամասն նշել որոնք են այն ապրանքները, որոնք դասակարգվելու են ըստ անվանումների, եթե ոչ ապա ճիշտ կլինի առաջին նախադասությունը նույնպես խմբագրել՝ հանելով վերջին չորս բառերը: 2 Փոփոխությունից հետո 4-րդ կետը կունենա հետևյալ տեսքը <<Աղյուսակում ընդգրկված ԵԱՏՄ ԱՏԳ ԱԱ ծածկագրով ոչ բժշկական արտադրատեսակ ներմուծելու դեպքում ապրանքները ենթակա չեն հավաստագրման>>: Հարց է առաջանում, ով է որոշելու վերոնշյալ ապրանքների ոչ բժշկական լինելը՝ ներմուծողը, մաքսային մարմինները թէ առողջապահության նախարարությունը: Առաջարկում ենք 4-րդ կետն այնպես վերաշարադրել, որպեսզի չլինի տարընթերցում, հստակ գրված լինի ով է որոշելու ապրանքների ոչ բժշկական լինելը և նկարագրել ներմուծման ընթացակարգը:
12.03.2024
Ողջունելի է, որ հայտի բավարաման/մերժման ժամկետը նախատեսվում է կրճատել, սակայն առաջարկում ենք վերանայել նաև ներմուծման հավաստագրի տրամադրման կամ դրա հիմնավորված մերժման ժամկետները, հաշվի առնելով, որ ապրանքների պահպանումը մաքսային պահեստներում առաջացնում է հավելյալ ծախսեր: Միաժամանակ,կան ապրանքատեսակներ, որոնք ունեն պահպանման կարճ ժամկետ, կամ նախատեսված են հիվանդանոցների վերակենդանացման բաժանմունքների համար, և թույլտվության տրամադրման ամեն ժամը կարևոր է: Այսպիսով, առաջարկում ենք հավաստագրի տրամադրման կամ մերժման ժամկետը սահմանել առավելագույնը 5 աշխատանքային օր՝ գրանցված և չգրանցված ապրանքատեսակների համար: