ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ ՄԱՐՏԻ 30-Ի N 429-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

6 - Agree
0 - Disagree

The summary includes all the content proposals presented in the draft, online written within 2 working days,sent by e-mail within 10 working days

project.digest.no	Suggesion author, date of receipt	Suggestion content	Conclusion	Changes made
	1	2	3	4
1	ԼԵՎՈՆ ԵՎ ԼԱՄԱՐԱ ՍՊԸ 01.03.2024 18:26:21	40149000 կոդով մաքսազերծվում են մանկական կաթի ծծակները և փուջ ծծակները, որոնք ԵԱՏՄ կանոնակարգով ստացել են արտադրանքի պետական գրանցման վկայական ԵԱՀ օրինակ՝ ԱՄ.02.07.01.012.R.000074.09.19 առ 02.09.2019, որը ուժի մեջ է ամբողջ ԵԱՏՄ տարածքում: Այս ցանկում նշված 4014 կոդի հիմքով ստավում է, որ նույն ապրանքը պետք է գրանցված լինի և որպես ՛Ապրանքներ մինչև 3 տարեկան երեխաների համար՛, և որպես ՛բժշկական արտադրանք՛: Կարծում եմ այս հարցը պետք է լուծել կամ կոնկրետ ապրանքատեսակները բացառելու ձևով, կամ օրինակի համար ԵԱՀ արտադրանքի պետական գրանցում ունեցող ՛Ապրանքներ մինչև 3 տարեկան երեխաների համար՛ խումբը նշել որպես բացառություն	Մանկական կաթի ծծակները և փուչ ծծակները չեն հանդիսանում բժշկական արտադրատեսակներ, ուսի քննարկվող կարգավորումը դրանց չի անդրադառնում:
2	ԼԵՎՈՆ ԵՎ ԼԱՄԱՐԱ ՍՊԸ 01.03.2024 18:26:21	401512 կոդով ներկրվող ձեռնոցների մասով կարծում եմ պետք է լինի խիստ մոտեցում, քանի որ ոչ ստերիլ ձեռնոցները կբերվեն որպես ոչ բժշկական ձեռնոցներ և կվաճառվեն պետգնումներով տենդերնեում բուժ հիմարկներին անհավասար վիճակում դնելով գրանցման ծախս կատարած կազմակերպություններին: Առաջարկում եմ Լատեքսային և Նիտրիլային կամ նիտրիլային խառնուրդով ձեռնոցները համարել որպես բժշկական արտադրատեսակ, իսկ վինիլային և այլ ոչ ստերիլ բոլոր ձեռնոցները համարել ոչ բժշկական և չպահանջել մաքսազերծումը բժշկական արտադրատեսակների ընթացակարգով: Որպես այս մասին անմիջականորեն կապված հարց, դրանից բացի բուժհիմնարկներից պահանջել պետգնումներով ձեռնոց պատվիրելուց պատվիրել միայն բժշկական արտադրատեսակի ընթացակարգով ներկրված ձեռնոցներ , եթե իհարկե նրանք չեն պատվիրում տնտեսական ձեռնոցներ:	Ընդունվել է ի գիտություն, հաշվի կառնվի բժշկական արտադրատեսակների շրջանառության կարգավորման այլ փուլերում:
3	ԼԵՎՈՆ ԵՎ ԼԱՄԱՐԱ ՍՊԸ 01.03.2024 18:26:21	Դեղերի ներմուծման մասով ևս հնարավորություն ստեղծել հայտի նախօրոք դիմման հնարավորություն, ներկայացնելով ներկրվելիք դեղորայքի տուփերի և օգտագործման ցուցումների որակյալ սքանները: Այդպիսով կբացառվեն շատ ֆինանսական կորուստներ դեղ ներկրողների մոտ:	Առաջարկը քննարկվող նախագծի կարգավորումների սահմանից դուրս է:
4	«Ռոմա» ՍՊԸ 12.03.2024 16:27:00	Ներմուծվող բժշկական արտադրատեսակների՝ ըստ առևտրային անվանումների հայտարարագրումը անհասկանալի է, քանի որ կցվող հաշիվ-ապրանքագրի մեջ ներկայացվում է անհրաժեշտ ամբողջ տեղեկությունը, իսկ առևտրային անվանումներով հայտարարագրումը ենթադրում է լրացուցիչ ծավալուն աշխատանք՝ օրինակ 100 անվանում ունեցող ինվոյսի մուտքագրման ժամանակ: Խնդրում ենք վերանայել տվյալ կետի ավելացման անհրաժեշտությունը:	Չի ընդունվել: Առևտրային անուններով հայտի լրացումը անհրաժեշտ է ամբողջական տվյալների բազայի ձևավորման, գրանցված և չգրանցված բժշկական արտադրատեսակների տարանջատման համար: Առկա տեխնիկական հնարավորությունները թույլ են տալիս կլոնավորել նախկինում լրացված հայտը, ինչը կարծում ենք հեշտացնում է լրացման գործընթացը: Նաև քննարկվում է հավելյալ օգնող տեխնիկական գործիքների ներդրման հնարավորությունը:
5	«Ռոմա» ՍՊԸ 12.03.2024 16:27:00	Ողջունելի է, որ հայտի բավարաման/մերժման ժամկետը նախատեսվում է կրճատել, սակայն առաջարկում ենք վերանայել նաև ներմուծման հավաստագրի տրամադրման կամ դրա հիմնավորված մերժման ժամկետները, հաշվի առնելով, որ ապրանքների պահպանումը մաքսային պահեստներում առաջացնում է հավելյալ ծախսեր: Միաժամանակ,կան ապրանքատեսակներ, որոնք ունեն պահպանման կարճ ժամկետ, կամ նախատեսված են հիվանդանոցների վերակենդանացման բաժանմունքների համար, և թույլտվության տրամադրման ամեն ժամը կարևոր է: Այսպիսով, առաջարկում ենք հավաստագրի տրամադրման կամ մերժման ժամկետը սահմանել առավելագույնը 5 աշխատանքային օր՝ գրանցված և չգրանցված ապրանքատեսակների համար:	Չի ընդունվում: 1 օրով կրճատվել է Լիազոր մարմնին փորձագիտական եզրակացությունը ստանալուց հետո հայտը բավարարելու կամ մերժելու համար տրված ժամանակը: Այպիսով ներմուծման (համապատասխանության) հավաստագիր ստանալու մասին հայտն ու անհրաժեշտ փաստաթղթերը լիազոր մարմնում գրանցման պահից մինչև ներմուծման (համապատասխանության) հավաստագրի տրամադրումը կամ դրա հիմնավորված մերժումը կարող է տևել ոչ ավելի, քան 5 աշխատանքային օր՝ գրանցված և 9 աշխատանքային օր՝ չգրանցված բժշկական արտադրատեսակների համար: Հարկ է նշել, որ նախապես հավաստագիր ստանալու հնարավորության ստեղծմամբ լուծվում է մաքսային պահեստներում առաջացնող կուտակումները և հավանական հավելյալ ծախսեր:
6	«Ռոմա» ՍՊԸ 13.03.2024 16:58:52	Ի լրումն նախորդ առաջարկի՝ առաջարկում ենք մեկ անգամ Ձեզ տրամադրել ներմուծվող բոլոր լաբորատոր թեստ-հավաքածուների (IVD) անվանումները, որոնք համապատասխան մասնագետների կողմից կներմուծվեն համակարգ, իսկ ներմուծման ժամանակ հայտատուն կլրացնի միայն սերիայի համարները:	Մասամբ ընդունվել է: Քննարկվում է հավելյալ օգնող տեխնիկական գործիքների ներդրման հնարավորությունը:
7	<<Լեվադենտ>> ՍՊԸ 12.03.2024 17:41:57	Նախագծով առաջարկվող փոփոխությունները ողջունելի են, և միանշանակ կունենան դրական ազդեցություն բժշկական արտադրանք ներմուծողների բնականոն գործունեության վրա: Սակայն դեռ կան որոշ ձևակերպումներ որոնք կարող են տարընթերցումների տեղիք տալ: Մասնավորապես՝ 1. Փոփոխությունից հետո 3-րդ կետը կունենա հետևյալ տեսքը <<Բժշկական արտադրատեսակները ներմուծվում են Եվրասիական տնտեսական միության արտաքին տնտեսական գործունեության ապրանքային անվանացանկի (այսուհետ` ԵԱՏՄ ԱՏԳ ԱԱ) ծածկագրերի համաձայն (Աղյուսակ), ինչպես նաև ըստ անվանումների>>: Հարց է առաջանում եթե փոփոխությամբ առաջարկվում է հանել 2-րդ նախադասությունը, ապա ինչու ենք պահում 1-ին նախադասության վերջին չորս բառերը՝ այն է - <<ինչպես նաև ըստ անվանումների>>: Արդյոք այս ձևակերպումը նշանակում է, որ աղուսյակում չընդգրկված ծածկագրերով բժշկական արտադրատեսակների ներմուծումը շարունակվելու է իրականացվել նույն կարգով: Եթե այո, առաջարկում ենք մանրամասն նշել որոնք են այն ապրանքները, որոնք դասակարգվելու են ըստ անվանումների, եթե ոչ ապա ճիշտ կլինի առաջին նախադասությունը նույնպես խմբագրել՝ հանելով վերջին չորս բառերը: 2 Փոփոխությունից հետո 4-րդ կետը կունենա հետևյալ տեսքը <<Աղյուսակում ընդգրկված ԵԱՏՄ ԱՏԳ ԱԱ ծածկագրով ոչ բժշկական արտադրատեսակ ներմուծելու դեպքում ապրանքները ենթակա չեն հավաստագրման>>: Հարց է առաջանում, ով է որոշելու վերոնշյալ ապրանքների ոչ բժշկական լինելը՝ ներմուծողը, մաքսային մարմինները թէ առողջապահության նախարարությունը: Առաջարկում ենք 4-րդ կետն այնպես վերաշարադրել, որպեսզի չլինի տարընթերցում, հստակ գրված լինի ով է որոշելու ապրանքների ոչ բժշկական լինելը և նկարագրել ներմուծման ընթացակարգը:	1. Չի ընդունվում: Հայտարարագրումը իրականացվելու է Որոշմամբ սահմանված ԵԱՏՄ ԱՏԳ ԱԱ ծածկագրերի համաձայն: 2. Ընդունվել է: Այդ դեպքում ներմուծողը հայտարարագրում է, որ արտադրանքը չի հանդիսանում բժշկական արտադրատեսակ: Տեսակային պատկանելիության որոշումը իրականացվում է Փորձագիտական կենտրոնի կողմից: