ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

____ ____________ 2023 թվականի N_____-Ն

ՀԱՅԱUՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՍԵՊՏԵՄԲԵՐԻ 15-Ի N 1471-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱUԻՆ

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով` Հայաստանի Հան­րապետության կառավարությունը որոշում է.

1. Հայաստանի Հանրապետության կառավարության 2011 թվականի սեպտեմբերի 15-ի «Մշակութային արժեքների փորձաքննություն անցկացնող մասնագետների հավատարմագրման կարգն ու չափորոշիչները, հավատարմագրման վկայագրի ձևը հաստատելու, Հայաստանի Հանրապետության կառավարության 2005 թվականի հուլիսի 21-ի N 1115-Ն որոշումն ուժը կորցրած ճանաչելու և Հայաստանի Հանրապետության կառավարության 2005 թվականի հունիսի 23-ի N 981-Ն որոշման մեջ լրացում կատարելու մասին» N 1471-Ն որոշման (այսուհետ՝ Որոշում) մեջ կատարել հետևյալ լրացումները և փոփոխությունները.

     1) որոշման 1-ին հավելվածում՝

      ա. 3-րդ կետում «(այսուհետ նախարարություն)» բառերից հետո լրացնել «տարին մեկ անգամ՝» բառերը․

     բ․  9-րդ կետը լրացնել  հետևյալ բովանդակությամբ նոր 3) ենթակետով․

    «3) համալիր փորձաքննություն իրականացնելու նյութատեխնիկական միջոցներից օգտվելու հմտությունններ և կարողություններ»,

    գ․  11-րդ կետը լրացնել հետևյալ բովանդակությամբ նոր «1.1) և 1․2) ենթակետերով.

          «1.1) մեկ 3*4 չափի լուսանկար»,

        «1.2) անձը հաստատող փաստաթղթի պատճենը»,

    դ․ 33-րդ կետում «անժամկետ՝» բառը փոխարինել «հինգ տարի ժամկետով՝» բառերով,

      ե․ 37-րդ կետում «ստորաբաժանում» բառը փոխարինել «նախարարությունը» բառով, իսկ «երկու ամսվանից» բառերը «մեկ ամսից» բառերով,

       զ․ 40-րդ կետում «նյութական վնասը» բառերից հետո լրացնել «և/կամ պետության հեղինակության և վարկանիշի արատավորումը» բառերը։

      2) Որոշումը լրացնել հետևյալ բովանդակությամբ նոր 4․1 կետով․

          «4.1) Սահմանել, որ մինչև 2023 թվականի հունիսի 1-ը տրված վկայագրերը ուժի մեջ են մինչև 2024 թվականի հուլիսի 1-ը։»։

2. Սույն որոշումն ուժի մեջ է մտնում պաշտոնական հրապարակմանը հաջորդող օրվա­նից։

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԱՐՉԱՊԵՏ՝                                           ՆԻԿՈԼ ՓԱՇԻՆՅԱՆ