ԳԱՂՏՆԻ ՔՆՆՉԱԿԱՆ ԳՈՐԾՈՂՈՒԹՅՈՒՆՆԵՐԻ ԿԱՏԱՐՄԱՆ ԸՆԹԱՑՔՈՒՄ ՕԳՏԱԳՈՐԾՎՈՂ ՀԱՏՈՒԿ ՏԵԽՆԻԿԱԿԱՆ ՄԻՋՈՑՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

ՀԻՄՆԱՎՈՐՈՒՄ
«ԳԱՂՏՆԻ ՔՆՆՉԱԿԱՆ ԳՈՐԾՈՂՈՒԹՅՈՒՆՆԵՐԻ ԿԱՏԱՐՄԱՆ ԸՆԹԱՑՔՈՒՄ ՕԳՏԱԳՈՐԾՎՈՂ ՀԱՏՈՒԿ ՏԵԽՆԻԿԱԿԱՆ ՄԻՋՈՑՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ»
ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ՎԵՐԱԲԵՐՅԱԼ
Ընթացիկ իրավիճակը և իրավական ակտի ընդունման անհրաժեշտու¬թյունը
«Գաղտնի քննչական գործողությունների կատարման ընթացքում օգտագործվող հատուկ տեխնիկական միջոցների ցանկը հաստատելու մասին» Կառավարության որոշման նախագծի ընդունումը պայմանավորված է 2021 թվականի հունիսի 30-ի Հայաստանի Հանրապետության քրեական դատավարության օրենսգրքի 242-րդ հոդվածի 4-րդ մասով և Հայաստանի Հանրապետության վարչապետի 2021 թվականի հոկտեմբերի 21-ի N 1190-Ա որոշմամբ հաստատված «Հայաստանի Հանրապետության քրեական դատավարության օրենսգիրք» 2021 թվականի հունիսի 30-ի ՀՕ-306-Ն օրենքի կիրարկումն ապահովող միջոցառումների» ցանկի 3-րդ կետով նախատեսված պահանջների կատարումն ապահովելու անհրաժեշտությամբ:
Մասնավորապես, 2021 թվականի հունիսի 30-ի Հայաստանի Հանրապետության քրեական դատավարության օրենսգրքի 241-րդ հոդվածի 1-ին մասի համաձայն` գաղտնի քննչական գործողություններ են ներքին դիտումը, արտաքին դիտումը, նամակագրության և այլ ոչ թվային հաղորդակցության վերահսկումը, թվային, այդ թվում` հեռախոսային հաղորդակցության վերահսկումը, ֆինանսական գործարքների վերահսկումը և կաշառք ստանալու կամ կաշառք տալու նմանակումը: Նույն օրենսգրքի 242-րդ հոդվածի 4-րդ մասի համաձայն` գաղտնի քննչական գործողությունների կատարման ընթացքում օգտագործվող հատուկ տեխնիկական միջոցների ցանկը լիազոր պետական մարմնի ներկայացմամբ հաստատում է Կառավարությունը:
Հայաստանի Հանրապետության վարչապետի 2021 թվականի հոկտեմբերի 21-ի N 1190-Ա որոշմամբ հաստատված «Հայաստանի Հանրապետության քրեական դատա¬վա¬րու-թյան օրենսգիրք» 2021 թվականի հունիսի 30-ի ՀՕ-306-Ն օրենքի կիրարկումն ապահովող միջո¬ցառումների» ցանկի 3-րդ կետի համաձայն` «Գաղտնի քննչական գործողությունների կատարման ընթացքում օգտագործվող հատուկ տեխնիկական միջոցների ցանկը հաստա-տելու մասին» Կառավարության որոշման նախագիծը ՀՀ ազգային անվտանգության ծառա-յության կողմից վարչապետի աշխատակազմ ներկայացնելու համար սահմանված է ժամկետ` մինչև 2022 թվականի մարտի 1-ը:
Առաջարկվող կարգավորման բնույթը
Նախագծով առաջարկվում է հաստատել գաղտնի քննչական գործողությունների կատարման ընթացքում օգտագործվող հատուկ տեխնիկական միջոցների ցանկը, որում ընդգրկված են այն հատուկ տեխնիկական միջոցները, որոնք անհրաժեշտ են ներքին դիտում, արտաքին դիտում, նամակագրության և այլ ոչ թվային հաղորդակցության վերահսկում, թվային, այդ թվում` հեռախոսային հաղորդակցության վերահսկում, ֆինանսական գործարքների վերահսկում և կաշառք ստանալու կամ կաշառք տալու նմանակում գաղտնի քննչական գործողություններն իրականացնելու համար:
Որոշման ընդունումից հետո պետական եկամուտներում և ծախսերում փոփոխու-թյուններ չեն առաջանա:
Ակնկալվող արդյունքը
Նախագծի ընդունման արդյունքում կհաստատվի գաղտնի քննչական գործողությունների կատարման ընթացքում օգտագործվող հատուկ տեխնիկական միջոցների ցանկը:
Կապը ռազմավարական փաստաթղթերի հետ. Հայաստանի վերափոխման ռազ-մա¬¬վա¬րություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ.
«Գաղտնի քննչական գործողությունների կատարման ընթացքում օգտագործվող հատուկ տեխնիկական միջոցների ցանկը հաստատելու մասին» Կառավարության որոշման նախագիծը չի բխում համապատասխան ռազմա¬վա¬րական փաստաթղթերից:

Ազգային անվտանգության ծառայություն