Under development

«Հայաստանի Հանրապետության կառավարության 2004 թվականի մայիսի 20-ի N 933-Ն որոշման մեջ փոփոխություններ և լրացումներ կատարելու մասին» ՀՀ կառավարության որոշման նախագիծ

0 - Agree
0 - Disagree

Հ Ի Մ Ն Ա Վ Ո Ր ՈՒ Մ

«Հայաստանի Հանրապետության կառավարության 2004 թվականի մայիսի 20-ի N 933-Ն որոշման մեջ փոփոխություններ և լրացումներ կատարելու մասին» ՀՀ կառավարության որոշման ընդունման

Ընթացիկ իրավիճակը և իրավական ակտի ընդունման անհրաժեշտությունը

«Հայաստանի Հանրապետության կառավարության 2004 թվականի մայիսի 20-ի N 933-Ն որոշման մեջ փոփոխություններ և լրացումներ կատարելու մասին» ՀՀ կառավարության որոշման ընդունման անհրաժեշտությունը պայմանավորված է Հայաստանի Հանրապետության քրեական և Հայաստանի Հանրապետության քրեական դատավարության նոր օրենսգրքերի ընդունմամբ, որով փոփոխվում են ինչպես նյութական իրավունքի նորմերը, դատավարական հասկացությունները, այնպես էլ ընթացակարգերը:

ՀՀ քրեական դատավարության գործող օրենսգրքով ամրագրված են այն հիմքերը, որով քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, որոնք ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանում հաշվառման վերցնելու պայման կարող են հանդիսանալ։ Մինչդեռ, ՀՀ քրեական դատավարության նոր օրենսգրքում սահմանված նոր հասկացություններով և կարգավորումներով պայմանավորված՝ նախագծով պետք է փոփոխվեն ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանում հաշվառման վերցնելու հիմքերը։

Կապը ռազմավարական փաստաթղթերի հետ

Նախագիծը չի բխում որևէ ռազմավարական փաստաթղթից։

Առաջարկվող կարգավորման բնույթը

Նախագծով նախատեսվում է Հայաստանի Հանրապետության կառավարության 2004 թվականի մայիսի 20-ի N 933-Ն որոշման մեջ կիրառվող հասկացությունները համապատասխանեցնել ՀՀ քրեական և ՀՀ քրեական դատավարության նոր օրենսգրքերի դրույթներին։ Մասնավորապես, քրեական գործ եզրույթը փոխարինվում է քրեական վարույթ հասկացությամբ, ինչպես նաև հստակեցվում են քրեական հետապնդում չհարուցելու կամ այն դադարացնելու, քրեական վարույթը կարճելու դեպքերում անձանց ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանում հաշվառման վերցնելու հիմքերը։

Լրացուցիչ ֆինանսական միջոցների անհրաժեշտությունը և պետական բյուջեի եկամուտներում և ծախսերում սպասվելիք փոփոխությունները

«Հայաստանի Հանրապետության կառավարության 2004 թվականի մայիսի 20-ի N 933-Ն որոշման մեջ փոփոխություններ և լրացումներ կատարելու մասին» ՀՀ կառավարության որոշման ընդունմամբ պետական բյուջեում ծախսերի և եկամուտների ավելացում կամ նվազեցում չի նախատեսվում:

Նախագծի մշակման գործընթացում ներգրավված ինստիտուտները, անձինք և նրանց դիրքորոշումը

Նախագիծը մշակվել է ՀՀ ոստիկանության կողմից:

Ակնկալվող արդյունքը

«Հայաստանի Հանրապետության կառավարության 2004 թվականի մայիսի 20-ի N 933-Ն որոշման մեջ փոփոխություններ և լրացումներ կատարելու մասին» ՀՀ կառավարության որոշման նախագծի ընդունման արդյունքում որոշման մեջ առկա կարգավորումները կհամապատասխանեցվեն ՀՀ քրեական և ՀՀ քրեական դատավարության նոր օրենսգրքերում ամրագրված իրավակարգավորումներին:

Discussed

12.02.2022 - 27.02.2022
Type

Decision
Area

Criminal procedure
Ministry

Police

Send a letter to the draft author

Your suggestion will be posted on the site within 10 working days