«Էլեկտրոնային աճուրդի իրականացման կարգը և էլեկտրոնային աճուրդի միջոցով ձեռք բերվող ապրանքների, աշխատանքների և ծառայությունների ցուցակը հաստատելու մասին» ՀՀ կառավարության որոշման նախագիծ

1.

Անհրաժեշտությունը

«Էլեկտրոնային աճուրդի իրականացման կարգը և էլեկտրոնային աճուրդի միջոցով ձեռք բերվող ապրանքների, աշխատանքների և ծառայությունների ցուցակը հաստատելու մասին» ՀՀ կառավարության որոշ­ման նախագծի (այսուհետ` Նախագիծ) ընդունման անհրաժեշտությունը պայմանավորված է «Գնումների մասին» 16.12.16թ. N ՀO-21-Ն ՀՀ օրենքով (այսուհետ` Օրենք) նախատեսված էլեկտրոնային աճուրդի իրականացման հետ կապված հարաբերությունների սահմանման և էլեկտրոնային աճուրդի միջոցով ձեռք բերվող ապրանքների, աշխատանքների և ծառայությունների ցուցակի հաստատման անհրաժեշտությամբ: 

2.

Ընթացիկ իրավիճակը և խնդիրները

Օրենքով որպես գնում կատարելու ընթացակարգ նախատեսվել է էլեկտրոնային աճուրդը, որի իրականացման կարգը Օրենքի 5-րդ հոդվածի 1-ին մասի 3-րդ կետի համաձայն` հաստատում է ՀՀ կառավարությունը:

Միաժամանակ Օրենքի 5-րդ հոդվածի 1-ին մասի 14-րդ կետով նախատեսվել է, որ ՀՀ կառավարությունը հաստատում է էլեկտրոնային աճուրդի միջոցով ձեռք բերվող ապրանքների, աշխատանքների և ծառայությունների ցուցակ: Այս կապակցությամբ Նախագծով նախատեսվել է լիազորել ՀՀ ֆինանսների նախարարին` հաստատել նշված ցուցակը` հաշվի առնելով նաև հնարավոր ճկունություն ապահովելու անհրաժեշտությունը:

3.

Տվյալ բնագավառում իրականացվող քաղաքականությունը

Տվյալ բնագավառում իրականացվող քաղաքականության փոփոխություն չի նապատեսվում:

4.

Կարգավորման նպատակը և բնույթը

Նախագծի ընդունման նպատակն է սահմանել էլեկտրոնային աճուրդի իրականացման հետ կապված հարաբերությունները և ապահովել իրավական հիմք` էլեկտրոնային աճուրդի միջոցով ձեռք բերվող ապրանքների, աշխատանքների և ծառայությունների ցուցակը ՀՀ ֆինանսների նախարարի կողմից հաստատելու համար: 

5.

Նախագծի մշակման գործընթացում ներգրավված ինստիտուտները և ան­ձինք

Որոշ­ման նախագիծը մշակվել է ՀՀ ֆինանսների նախարարության աշխատակազմի կողմից:

6.

Ակնկալվող արդյունքը

Նախագծի ընդունմամբ կսահմանվեն

·                                էլեկտրոնային աճուրդների իրականացումն ապահովող համակարգը,

·                                պատվիրատուների և մասնակիցների` նշված համակարգում գրանցման կարգը,

·                                Էլեկտրոնային աճուրդով գնումների կատարման առանձնահատկությունները:

Նախագծի ընդունմամբ կապահովվի իրավական հիմք` էլեկտրոնային աճուրդի միջոցով ձեռք բերվող ապրանքների, աշխատանքների և ծառայությունների ցուցակը ՀՀ ֆինանսների նախարարի կողմից հաստատելու համար:

7.

Այլ տեղեկություններ առկա չեն

---