Տարածք վարձակալելու և Հայաստանի Հանրապետության տարածքային կառավարման և զարգացման նախարարության միգրացիոն պետական ծառայությանը անհատույց օգտագործման տրամադրելու, Հայաստանի Հանրապետության կառավարությանն առընթեր պետական գույքի կառավարման վարչությանը գումար հատկացնելու և Հայաստանի Հանրապետության կառավարության 2016 թվականի դեկտեմբերի 29-ի N 1313-Ն որոշման մեջ լրացում կատարելու մասին

Իրավական ակտի հիմնավորումը

«Տարածք վարձակալելու և Հայաստանի Հանրապետության տարածքային կառավարման և զարգացման նախարարության միգրացիոն պետական ծառայությանը անհատույց օգտագործման տրամադրելու, Հայաստանի Հանրապետության կառավարությանն առընթեր պետական գույքի կառավարման վարչությանը գումար հատկացնելու և Հայաստանի Հանրապետության կառավարության 2016 թվականի դեկտեմբերի 29-ի N 1313-Ն որոշման մեջ լրացում կատարելու մասին» Հայաստանի Հանրապետության կառավարության որոշման նախագիծ

1.

Անհրաժեշտությունը

       Հիմք ընդունելով Հայաստանի Հանրապետության վարչապետի 18.07.2017թ. թիվ 02/24.9/16464-17 հանձնարարականը` կապված Հայաստանի Հանրապետության տարածքային կառավարման և զարգացման նախարարության միգրացիոն պետական ծառայության պետ Գ.Եգանյանի Հայաստանի Հանրապետության կառավարության աշխատակազմ ուղղված 03.07.2017 թվականի թիվ 01/02/2419-17 գրությամբ բարձրացված խնդրի` ներկայումս Ծառայության կողմից զբաղեցրած Երևան քաղաքի Հրաչյա Քոչարի փողոց 4 շենք, 4/9 հասցեում գտնվող 108 քառ.մետր մակերեսով տարածքի վարձակալության անհրաժեշտության մասին, առ այն, որ այստեղ պահվում են 1988-1992թթ. Ադրբեջանից բռնի տեղահանված անձանց շուրջ 106700 անձնական/ընտանեկան գործեր, և այդ տարածքում շարունակվում են դրանց թվայնացման աշխատանքները` մշակվել է ՀՀ կառավարության սույն որոշման նախագիծը:    

2.

Ընթացիկ իրավիճակը և խնդիրները

 Ելնելով Հայաստանի Հանրապետության տարածքային կառավարման և զարգացման նախարարության միգրացիոն պետական ծառայության բնականոն գործունեությունը ապահովելու անհրաժեշտությունից Հայաստանի Հանրապետության կառավարության սույն որոշման նախագծով առաջարկվում է վարձակալել և անհատույց օգտագործման տրամադրել Ծառայության կողմից ներկայումս զբաղեցրած Երևան քաղաքի Հրաչյա Քոչարի փողոց 4 շենք, 4/9 հասցեում գտնվող 108 քառ.մետր մակերեսով տարածքը և Հայաստանի Հանրապետության կառավարության պահուստային ֆոնդի միջոցների հաշվին 2017 թվականին հատկացնել  2700.0 հազ.դրամ: Վարձակալության ամսական վճարը կկազմի 300.0 հազ.դրամ:

3.

Տվյալ բնագավառում իրականացվող քաղաքականությունը

Այս պահի դրությամբ պետական սեփականություն հանդիսացող համապատասխան վարչական տարածքի բացակայությունը հիմք է հանդիսացել ՌԴ քաղաքացի Փառանձեմ Պարգևի Հանեսյանից ինն  ամիս ժամկետով վարձակալել 108 քառ. մետր մակերեսով տարածք  և նույն ժամկետով անհատույց օգտագործման տրամադրել Հայաստանի Հանրապետության տարածքային կառավարման և զարգացման նախարարության միգրացիոն պետական ծառայությանը:

4.

Կարգավորման նպատակը և բնույթը

        Հայաստանի Հանրապետության կառավարության որոշման նախագծի ընդունմամբ կլուծվի Հայաստանի Հանրապետության տարածքային կառավարման և զարգացման նախարարության միգրացիոն պետական ծառայությանը տարածքով ապահովելու հարցը:

5.

Նախագծի մշակման գործընթացում ներգրավված ինստիտուտները և անձինք

        Նախագծի մշակմանը այլ ինստիտուտներ և անձինք չեն մասնակցել:

6.

Ակնկալվող արդյունքը

       Հայաստանի Հանրապետության տարածքային կառավարման և զարգացման նախարարության միգրացիոն պետական ծառայության բնականոն գործունեության  ապահովում:

7.

Այլ տեղեկություններ

        չկան

«Տարածք վարձակալելու և Հայաստանի Հանրապետության տարածքային կառավարման և զարգացման նախարարության միգրացիոն պետական ծառայությանը անհատույց օգտագործման տրամադրելու, Հայաստանի Հանրապետության կառավարությանն առընթեր պետական գույքի կառավարման վարչությանը գումար հատկացնելու և Հայաստանի Հանրապետության կառավարության 2016 թվականի դեկտեմբերի 29-ի N 1313-Ն որոշման մեջ լրացում կատարելու մասին»   Հայաստանի Հանրապետության կառավարության որոշման նախագծի ընդունման առնչությամբ ընդունվելիք այլ իրավական ակտերի կամ դրանց ընդունման անհրաժեշտության բացակայության մասին տեղեկանք

1.

Այլ իրավական ակտերում փոփոխությունների և /կամ լրացումների անհրաժեշտությունը

չկա

2.

Միջազգային պայմանագրերով ստանձնած պարտավորությունների հետ համապատասխանությունը

ստանձնած պարտավորություններ չկան

Տեղեկանք հասարակության մասնակցության մասին

1.

Հասարակությանը նախագծի վերաբերյալ իրազեկումը

Որոշման նախագիծը հրապարակվել է www.e-draft.am կայքում