ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2006 ԹՎԱԿԱՆԻ ԴԵԿՏԵՄԲԵՐԻ 27-Ի №358Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

2 - Agree
0 - Disagree

ՀԻՄՆԱՎՈՐՈՒՄ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2006 ԹՎԱԿԱՆԻ ԴԵԿՏԵՄԲԵՐԻ 27-Ի №358Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՀՀ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ ՈՐՈՇՄԱՆ ՆԱԽԱԳԾԻ

1. Իրավական ակտի ընդունման անհրաժեշտությունը

Հայաստանի Հանրապետության հանրային ծառայությունները կարգավորող հանձնաժողովի 2006 թվականի դեկտեմբերի 27-ի «Էլեկտրական էներգիայի մատակարարման և օգտագործման կանոնները հաստատելու մասին» №358Ն որոշման մեջ փոփոխություններ և լրացումներ կատարելու մասին որոշման նախագծի (այսուհետ՝ նախագիծ) ընդունումը, որպես շարունակական գործընթաց, պայմանավորված է մատակարար-բաժանորդ կարգավորվող իրավահարաբերությունների բարելավման անհրաժեշտությամբ: Մասնավորապես, նախագիծը միտված է վերոհիշյալ որոշմամբ հաստատված կանոնների գործնականում կիրառման, ինչպես նաև հանձնաժողով ստացվող դիմումների վերլուծության արդյունքում ի հայտ եկած թերությունների վերացմանը և խնդիրների լուծմանը, առկա կարգավորումների լրամշակմանը, նոր կարգավորումների սահմանմանը:

Նախագծով նախատեսվող լրամշակումներից են էլեկտրական էներգիայի հաշվառման և վերահսկման ավտոմատացված համակարգում ներառված ինքնավար էներգաարտադրողի առևտրային հաշվառքի սարքի խախտման դեպքում մատակարարի կողմից էլեկտրաէներգիայի քանակի և արժեքի վերահաշվարման մեխանիզմի ներդրումը: Ինչպես նաև, ինքնավար էներգաարտադրողին հնարավորություն է տրվում տեղակայելու առևտրային հաշվառքի սարքի հարաչափերին համապատասխան վերստուգիչ հաշվառքի սարք:

Բացի այդ, հաշվարկային փաստաթղթում սխալի փաստը հաստատվելու դեպքում, երբ սպառողի փաստացի սպառած էլեկտրաէներգիայի քանակից ավել քանակություն է նշվել փաստաթղթում, նախագծով առաջարկվում է մատակարարի նկատմամբ ի օգուտ սպառողի տույժի վճարման կարգավորումներ:

2. Ընթացիկ իրավիճակը և խնդիրները

Ներկայումս կանոններով սահմանված չեն ինքնավար էներգաարտադրողի էլեկտրական էներգիայի հաշվառման և վերահսկման ավտոմատացված համակարգում ներառված առևտրային հաշվառքի սարքի խախտման դեպքում մատակարարի կողմից էլեկտրաէներգիայի քանակի և արժեքի վերահաշվարման մեխանիզմները և ինքնավար էներգաարտադրողի գործունեության ընթացքում էլեկտրաէներգիայի օգտագործման և առաքման հաշվառման ուսումնասիրության արդյունքում անհրաժեշտություն էր առաջացել ներդնել և կիրառել հաշվառքի սարքի խափանումների դեպքում համապատասխան վերահաշվարկման բանաձև: Բացի այդ, ելնելով ինքնավար էներգաարտադրողի էլեկտրաէներգիայի սպառման և առաքման հաշվառման առանձնահատկություններից՝ անհրաժեշտ է ընձեռնել վերստուգիչ հաշվառքի սարքի կիրառման հնարավորություն:

Հանձնաժողով ստացվող դիմումների վերլուծության արդյունքներից ելնելով՝ անհարժեշտություն է առաջացել հաշվարկային փաստաթղթում սխալի փաստը հաստատվելու դեպքում մատակարարի նկատմամբ ի օգուտ սպառողի կիրառել տույժ:

3. Կարգավորման նպատակը և բնույթը

Նախագծի նպատակն է հստակեցնել առկա կարգավորումները, սահմանել նոր կարգավորումներ, որոնք միտված են մատակարար-բաժանորդ, մասնավորապես՝ մատակարար - ինքնավար էներգաարտադրող հանդիսացող սպառող իրավահարաբերությունների բարելավմանը:

4. Նախագծի մշակման գործընթացում ներգրավված ինստիտուտները և անձինք

Նախագիծը մշակվել է Հայաստանի Հանրապետության հանրային ծառայությունները կարգավորող հանձնաժողովի կողմից և քննարկվել «Հայաստանի էլեկտրական ցանցեր» ՓԲԸ-ի և հասարակական կազմակերպությունների հետ:

5. Ակնկալվող արդյունքը

Նախագծի ընդունման դեպքում կհստակեցվեն ինքնավար էներգաարտադրության շրջանակում էլեկտրական էներգիայի փոխհոսքերի հաշվառման մոտեցումները, որի արդյունքում առավել կբարելավվեն մատակարար-բաժանորդ, մասնավորապես՝ մատակարար - ինքնավար էներգաարտադրող հանդիսացող սպառող իրավահարաբերությունները:

Discussed

01.06.2021 - 17.06.2021
Type

Decision
Area

Energy (electricity, heat supply, gas supply systems)
Ministry

RA Public Services Regulatory Commission

Send a letter to the draft author

Your suggestion will be posted on the site within 10 working days