Under development

«Հայաստանի Հանրապետության կառավարության 2017 թվականի նոյեմբերի 23-ի N 1495-Ն որոշման մեջ փոփոխություն կատարելու մասին» ՀՀ կառավարության որոշման նախագիծ

1 - Agree
0 - Disagree

ՀԻՄՆԱՎՈՐՈՒՄ

«Հայաստանի Հանրապետության կառավարության 2017 թվականի նոյեմբերի 23-ի N 1495-Ն որոշման մեջ փոփոխություն կատարելու մասին» ՀՀ կառավարության որոշման նախագծի ընդունման

Ընթացիկ իրավիճակը և իրավական ակտի ընդունման անհրաժեշտությունը

ՀՀ կառավարության 23․11․2017թ․ N 1495-Ն որոշման 2-րդ կետի 2-րդ ենթակետով սահմանվել է, որ 2021 թվականի մայիսի 1-ից ոստիկանության օպերատիվ կառավարման կենտրոնում, կենտրոնական ապարատի իրավասու ստորաբաժանումներում և ոստիկանության տարածքային մարմինների հերթապահ մասերում հանցագործությունների ու այլ իրավախախտումների, պատահարների վերաբերյալ հաղորդումներն ընդունելու, գրանցելու, հաշվառելու և դրանց ընթացք տալու գործընթացներն իրականացնել ավտոմատացված տեղեկատվական համակարգի կիրառմամբ։

Նշված ժամկետը սահմանվել է հաշվի առնելով այն հանգամանքը, որ 2021թ․ ապրիլի 1-ից գործարկվելու էին ՀՀ ոստիկանության օպերատիվ կառավարման կենտրոնը և պարեկային ծառայությունը։

Միաժամանակ, ի կատարումն ՀՀ վարչապետի մոտ 22․02․2021թ․ կայացած ոստիկանության բարեփոխումները համակարգող խորհրդի նիստի N Վ/15-2021 արձանագրության 4-րդ կետով տրված հանձնարարականի՝ ստեղծված համակարգը կարգաբերվել և կիրառվում է պարեկի ուսուցման գործընթացում։

Հաշվի առնելով, որ Պարեկային ծառայության և Օպերատիվ կառավարման կենտրոն գործարկումը հետաձգվել են, իսկ ներկայումս ընթանում են պարեկի ուսուցման դասընթացները, որի բաղկացուցիչ մաս են կազմում նաև գործնական և պրակտիկ աշխատանքները տեղեկատվական համակարգում, անհրաժեշտ է կատարել ժամկետի փոփոխություն՝ սահմանելով ավտոմատացված տեղեկատվական համակարգի միաժամանակյա գործարկում պարեկային ծառայության և Օպերատիվ կառավարման կենտրոնի գործարկման հետ:

Առաջարկվող կարգավորման բնույթը

Նախագծով առաջարկվում է որոշման 2-րդ կետի 2-րդ ենթակետում «2021 թվականի մայիսի 1-ից» բառերը փոխարինել «Օպերատիվ կառավարման կենտրոնի գործարկման օրվանից» բառերով։ Նշված փոփոխության արդյունքում ավտոմատացված տեղեկատվական համակարգի կիրառմամբ ոստիկանության օպերատիվ կառավարման կենտրոնում, կենտրոնական ապարատի իրավասու ստորաբաժանումներում և ոստիկանության տարածքային մարմինների հերթապահ մասերում հանցագործությունների ու այլ իրավախախտումների, պատահարների վերաբերյալ հաղորդումներն ընդունելու, գրանցելու, հաշվառելու և դրանց ընթացք տալու գործընթացներն կիրականացվեն Օպերատիվ կառավարման կենտրոնի գործարկման օրվանից։

Նախագծի ընդունման դեպքում պետական բյուջեի եկամուտների ավելացում կամ նվազեցում չի նախատեսվում:

Նախագծի մշակման գործընթացում ներգրավված ինստիտուտները, անձինք և նրանց դիրքորոշումը

Նախագիծը նախապատրաստվել է ՀՀ ոստիկանության կողմից:

Ակնկալվող արդյունքը

Նախագծի ընդունմամբ կապահովվի ավտոմատացված տեղեկատվական համակարգի միաժամանակյա գործարկումը Պարեկային ծառայության և Օպերատիվ կառավարման կենտրոնի հետ։

ՀՀ ՈՍՏԻԿԱՆՈՒԹՅՈՒՆ

Discussed

08.04.2021 - 23.04.2021
Type

Decision
Area

Protection of public order, ensuring public security and the community policing
Ministry

Police

Send a letter to the draft author

Your suggestion will be posted on the site within 10 working days