«Հայաստանի Հանրապետության կառավարության 2018 թվականի ապրիլի 26-ի թիվ 498-ն որոշման մեջ փոփոխություններ և լրացում կատարելու մասին» Կառավարության որոշման նախագիծ

2 - Agree
0 - Disagree

ՀԻՄՆԱՎՈՐՈՒՄ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2018 ԹՎԱԿԱՆԻ ԱՊՐԻԼԻ 26-Ի ԹԻՎ 498-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

1.Իրավական ակտի ընդունման անհրաժեշտությունը.

2018 թվականի ապրիլի 26-ին ընդունվել է «Քաղաքացիության հարցերով միջգերատեսչական հանձնաժողովի կազմավորման և գործունեության կարգը սահմանելու մասին» Կառավարության թիվ 498-Ն որոշումը, որով սահմանվում է քաղաքացիության հարցերով միջգերատեսչական հանձնաժողովի (այսուհետ՝ Հանձնաժողով) գործունեության կարգը: Ներկայումս հանձնաժողովի նիստերը անցկացվում են էլեկտրոնային եղանակով: Քվեարկության հիման վրա կազմված արձանագրությունը և եզրակացությունը ներկայացվում են հանձնաժողովի բոլոր անդամներին՝ ստորագրման առձեռն եղանակով: Նման կարգավորման պարագայում համապատասխան գործընթացը հանգեցնում է սահմանված ժամկետների ձգձգումների: Իրավիճակը հատկապես բարդացել է կորոնավիրուսային համավարակի տարածման և ռազմական դրության պայմաններում:

Ընթացիկ իրավիճակը, կարգավորման նպատակը և բնույթը.

Նախագծի ընդունմամբ կապահովվի առավել մատչելի ընթացակարգ: Մասնավորապես` հանձնաժողովի անդամները, ծանոթանալով ամփոփ հաշվետվությանը և քվեարկելով` միանգամից ստորագրում են քվեաթերթիկները և այլևս կարիք չի առաջանում հետագայում նորից ստորագրել եզրակացությունը և արձանագրությունը: Արդյուքում կազմված արձանագրությունը կստորագրի միայն հանձնաժողովի ղեկավարը և քարտուղարը :

Նախագծի մշակման գործընթացում ներգրավված ինստիտուտները և անձինք.

Արդարադատության նախարարության կողմից:

Ակնկալվող արդյունքը.

Նախագծի ընդունման դեպքում քաղաքացիության հարցերով միջգերատեսչական հանձնաժողովի նիստերի ընթացքում հանձնաժողովի անդամների կողմից լրացվող քվեաթերթիկը արդեն իսկ ստորագրված կներկայացվի հանձնաժողովի անդամներին: Այս դեպքում, Վարչապետի աշխատակազմ կներկայացվեն ստորագրված քվեաթեթիկները, նիստի արձանագրությունը և եզրակացությունը:

Discussed

26.11.2020 - 11.12.2020
Type

Decision
Area

Justice
Ministry

Ministry of Justice

Send a letter to the draft author

Your suggestion will be posted on the site within 10 working days