«ՊԵՏԱԿԱՆ ՆՊԱՍՏՆԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ ՀՀ ՕՐԵՆՔԻ ՆԱԽԱԳԻԾ

1.

Անհրաժեշտությունը

Հաշվի առնելով այն հանգամանքը, որ 2021-2023 թվականների միջնաժամկետ ծախսերի ծրագրերի և 2021 թվականի բյուջեի հայտից հանվել է տվյալ նախաձեռնությունը՝ հիմք ընդունելով ՀՀ վարչապետի մոտ 2020 թվականի մայիսի 18-ին կայացած՝  ՀՀ 2021-2023 թվականների պետական միջնաժամկետ ծախսերի ծրագրի նախագծի մշակման հիմքում դրվելիք հիմնական մակրոտնտեսական ցուցանիշների և կանխատեսումների մասին խորհրդակցության արձանագրությունը՝ անհրաժեշտություն է առաջացել օրենքում իրականացնել համապատասխան փոփոխությունները։

2.

Ընթացիկ իրավիճակը և խնդիրները

Ներկայում օրենքում ամրագրված է նպաստի տվյալ տեսակը, սակայն հաշվի առնելով միջնաժամկետ ծախսային ծրագրում և 2021 թվականի բյուջեի հայտից հանվել է տվյալ նախաձեռնությունը՝ խնդիր է առաջանում կիրարկման հարցում։

Համաձայն ՀՀ վարչապետի 2020 թվականի հոկտեմբերի 12-ի թիվ 02/11.8/45942-2020 հանձնարարականի՝ խնդրի լուծման նպատակով հարկ է փոփոխություն իրականացնել օրենքում։

3.

Կարգավորման նպատակը և բնույթը.

Կարգավորման նպատակը օրենսդրական հիմքերի համապատասխանեցումն է 2021-2023 թվականների միջնաժամկետ ծախսերի ծրագրերով սահմանված նախաձեռնություններին։

4.

Նախագծի մշակման գործընթացում ներգրավված ինստիտուտները և անձիք

Նախագծում փոփոխությունների մասին առաջարկությունները ներկայացվել է Հայաստանի Հանրապետության աշխատանքի և սոցիալական հարցերի նախարարության կողմից:

5.

Ակնկալվող արդյունքը

Նախագծի ընդունման արդյունքում նպաստի տվյալ տեսակը համարվում է ուժը կորցրած։

 1

Այլ իրավական ակտերում փոփոխությունների և/կամ լրացումների անհրաժեշտությունը

Նախագծի ընդունման առնչությամբ այլ իրավական ակտերում փոփոխությունների և/կամ լրացումների անհրաժեշտություն չի առաջանում:

2

Միջազգային պայմանագրերով ստանձնած պարտավորությունների հետ համապատասխանությունը

Նախագծով առաջարկվող հարցերի մասով միջազգային պայմանագրերով պարտավորություններ չեն ստանձնվել: