ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ՄԱՅԻՍԻ 23-Ի N 672-Լ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

ՀԻՄՆԱՎՈՐՈՒՄ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ՄԱՅԻՍԻ 23-Ի N 672-Լ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ ՄԱՍԻՆ

1. Կարգավորման ենթակա ոլորտի կամ խնդրի սահմանումը

   Հայաստանի Հանրապետության կառավարության 2019 թվականի մայիսի 23-ի «Ինտեգրված կադաստրի ստեղծման հայեցակարգը և հայեցակարգից բխող միջոցառումների ծրագիրը հաստատելու մասին» N 672-Լ որոշման մեջ փոփոխություններ և լրացումներ կատարելը պայմանավորված է Ինտեգրված կադաստրի ստեղծման ռազմավարական ծրագրի ներկայացման, համակարգի տեղեկատվական անվտանգության ապահովման միջոցառումների մշակման, տեխնիկական առաջադրանքի կազմման միջոցառումների կատարման համար նախատեսված ժամկետների փոփոխությամբ:

   Վերոնշյալ միջոցառումների շրջանակում իրականացվելիք աշխատանքները փոխկապակցված են, և դրանցից մեկի կատարման ժամկետի խախտումը հանգեցրել է հաջորդների ժամկետների փոփոխության։

   Նախագծում հստակեցվել են պետական կառավարման մարմինների անվանումները, դրանք համապատասխանեցվել են 2019 թվականի մայիսի 8-ի ««Կառավարության կառուցվածքի և գործունեության մասին» օրենքում փոփոխություններ և լրացումներ կատարելու մասին» N ՀՕ-31-Ն և ՀՀ օրենքի և               ՀՀ Ազգային ժողովի կողմից 2019 թվականի հուլիսի 1-ին ընդունված ««Պետական կառավարման համակարգի մարմինների մասին» օրենքում փոփոխություններ կատարելու մասին» N ՀՕ-107-Ն ՀՀ օրենքների դրույթներին:

2. Առկա իրավիճակը

   Անհրաժեշտություն է առաջացել ՀՀ կառավարության 2019 թվականի մայիսի 23-ի «Ինտեգրված կադաստրի ստեղծման հայեցակարգը և հայեցակարգից բխող միջոցառումների ծրագիրը հաստատելու մասին» N 672-Լ որոշմամբ հաստատված            N 1 և N 2 հավելվածներում կատարելու պետական կառավարման մարմինների անվանումների, Ինտեգրված կադաստրի ստեղծման հայեցակարգից բխող միջոցառումների ծրագրով նախատեսված միջոցառումների խմբագրման, դրանց ներկայացման ժամկետների, կանխատեսվող ֆինանսավորման չափի փոփոխություններ:

3. Կարգավորման նպատակները, ակնկալվող արդյունքը

   «ՀՀ կառավարության 2009 թվականի մայիսի 23-ի N 672-Լ որոշման մեջ փոփոխություններ և լրացում կատարելու մասին» ՀՀ կառավարության որոշման ընդունման ակնկալվող արդյունքը կլինի Ինտեգրված կադաստրի ստեղծման հայեցակարգից բխող միջոցառումների ծրագրով նախատեսված միջոցառումների իրական ժամանակում իրականացումը և ներկայացումը ՀՀ վարչապետի աշխատակազմին:

4. Նորմատիվ բնույթի հիմնավորվածությունը

   Հայեցակարգը մշակվել է ՀՀ կառավարության 2018 թվականի սեպտեմբերի 6-ի       N 1030-Լ որոշմամբ հաստատված, ՀՀ կառավարության 2018-2022 թվականների գործունեության միջոցառումների ծրագրում ներառված Կադաստրի կոմիտեի կողմից իրականացվող ծրագրերի շրջանակում (ՀՀ կառավարության 2019 թվականի մայիսի 16-ի N 650-Լ որոշմամբ հաստատված ՀՀ կառավարության 2019-2023 թվականների գործունեության միջոցառումների ծրագիր):