ՀԻՄՆԱՎՈՐՈՒՄ
«ՊԵՏԱԿԱՆ ՆՊԱՍՏՆԵՐԻ ՄԱՍԻՆ» ՕՐԵՆՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ
ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ԿԻՐԱՐԿՈՒՄՆ ԱՊԱՀՈՎՈՂ ՄԻՋՈՑԱՌՈՒՄՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ» ՀՀ ՎԱՐՉԱՊԵՏԻ ՈՐՈՇՄԱՆ ՆԱԽԱԳԾԻ
|
Իրավական ակտի հիմնավորումը
|
|
Անհրաժեշտությունը
|
|
«Պետական նպաստների մասին» օրենքում լրացումներ կատարելու մասին» Հայաստանի Հանրապետության օրենքի կիրարկումն ապահովող միջոցառումների ցանկը հաստատելու մասին» ՀՀ վարչապետի որոշման նախագիծը (այսուհետ՝ ծրագիր) մշակվելէի կատարումն ՀՀ կառավարության 2004 թվականի ապրիլի 8-ի N 541-Ն որոշման:
|
|
Ընթացիկ իրավիճակը և խնդիրները
|
|
2020 թվականի մարտի 4-ին ՀՀ Ազգային Ժողովում ընդունվել է «Պետական նպաստների մասին» օրենքում լրացումներ կատարելու մասին» Հայաստանի Հանրապետության օրենքը ( ՀՕ-137-Ն):
Օրենքը լրացվել է՝ նոր հոդվածներով համաձայն որոնց սահմանվել է նոր՝ խնամակալության նպաստը (այսուհետ՝ նպաստ) և նպաստ ստանալու իրավունքի շրջանակները:
Նպաստ ստանալու իրավունք ունի տասնչորս տարին չլրացած անչափահասների նկատմամբ խնամակալ նշանակված անձը, որը հաշվառված է խնամակալության նպաստի համակարգում: Խնամակալ նշանակված անձը հաշվառվելու է խնամակալության նպաստի համակարգում ՀՀ կառավարության սահմանած չափորոշիչներին համապատասխան:
Առաջարկվում է սահմանել հստակ չափորոշիչներ խնամակալության նպաստի տրամադրման համար, քանի որ ոչ բոլոր դեպքերում է, որ խնամակալները աջակցության անհրաժեշտություն են ունենում:
«Պետական նպաստների մասին» ՀՀ օրենքի 6-րդ հոդվածի 4-րդ մասով սահմանվել է, որ պետական նպաստների նշանակման և վճարման կարգը սահմանում է ՀՀ կառավարությունը: Ուստի նախագծով նախատեսված միջոցառման մեջ ներառվել է նաև նպաստի տրամադրման կարգը սահմանելու դրույթը, որը կարագավորելու է նաև Օրենքի 36.2 հոդվածի 1-ին մասի 2-րդ կետով սահմանված նորմի կիրառումը:
|
|
Կարգավորման նպատակը և բնույթը
|
|
Ապահովել երեխաների ընտանիքում ապրելու իրավունքի իրացումն և նրանց ներառումը հասարակություն:
Սույն նախագծով առաջարկվում է սահմանել հստակ չափորոշիչներ խնամակալության նպաստի տրամադրման համար, քանի որ ոչ բոլոր դեպքերում է, որ խնամակալներն աջակցության անհրաժեշտություն ունեն: Ինչպես նաև սահմանել Հայաստանի Հանրապետությունում նպաստ ստանալու իրավունքի դադարեցման որպես հիմք՝ խնամակալության նպաստ ստանալու իրավունք տվող այլ պայմանների վերացման դեպքերը:
|
|
Նախագծերի մշակման գործընթացում ներգրավված ինստիտուտները և անձինք
|
|
Նախագիծը մշակվել է Հայաստանի Հանրապետության աշխատանքի և սոցիալական հարցերի նախարարության մասնագետների կողմից
|
|
Ակնկալվող արդյունքը
|
|
Նախագծերի ընդունման արդյունքում՝
Կբարելավվի երեխայի կյանքի որակը, ինչպես նաև կապահովվի հաստատություններ երեխաների մուտքի կանխարգելումը:
|