«Գարնանացան գարու, գարնանացան ցորենի և կորնգանի սերմացուների իրացումը թույլատրելու մասին» ՀՀ կառավարության որոշման նախագիծ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

«_____» ______________ 2019 թվականի N _____ - Լ

ԳԱՐՆԱՆԱՑԱՆ ԳԱՐՈՒ, ԳԱՐՆԱՆԱՑԱՆ ՑՈՐԵՆԻ ԵՎ ԿՈՐՆԳԱՆԻ ՍԵՐՄԱՑՈՒՆԵՐԻ ԻՐԱՑՈՒՄԸ ԹՈՒՅԼԱՏՐԵԼՈՒ ՄԱՍԻՆ

 Հիմք ընդունելով Հայաստանի Հանրապետության կառավարության 2018 թվականի հունիսի 8-ի N 667-Լ որոշման հավելվածի 2-րդ կետը Հայաստանի Հանրապետության կառավարությունը    որոշում     է.

1. Հայաստանի Հանրապետության էկոնոմիկայի նախարարին`

• թույլատրել «Սերմերի գործակալություն» պետական ոչ առևտրային կազմակերպությանը իրականացնել Հայաստանի Հանրապետության կառավարության 2017 թվականի մարտի 9-ի N 216-Ն որոշմամբ հաստատված Հայաստանի Հանրապետությունում գարնանացան ցորենի, հնդկացորենի, ոլոռի, սիսեռի, գարնանացան գարու, եգիպտացորենի, առվույտի և կորնգանի արտադրության զարգացման ծրագրի շրջանակներում ձեռքբերված և չբաշխված սերմացուների (այսուհետ` սերմացուներ) նվազագույն գնով  վաճառքը` համաձայն հավելվածի,
• սույն որոշումն ուժի մեջ մտնելուց հետո տասնօրյա ժամկետում սահմանել սերմացուների վաճառքի իրականացման ընթացակարգը:

2. Սահմանել, որ սույն որոշման 1-ին կետով նախատեսված սերմացուների ձեռքբերման գումարները ենթակա են վճարման «Սերմերի գործակալություն» պետական ոչ առևտրային կազմակերպության անվամբ բացված թիվ 900018007410 գանձապետական հաշվեհամարին:
3. Թույլատրել «Սերմերի գործակալություն» պետական ոչ առևտրային կազմակերպությանը սույն որոշման 2-րդ կետով նախատեսված գանձապետական հաշվեհամարից օգտագործել 198 000 դրամ սերմացուների գնահատման համար իրականացված ծախսերը կատարելու նպատակով:

                        ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

                                   ՎԱՐՉԱՊԵՏ                                                        ՆԻԿՈԼ ՓԱՇԻՆՅԱՆ