Under development

«Փոքր ՀԷԿ-երի կառուցման և շահագործման համար շրջակա միջավայրի վրա ազդեցության գնահատման չափորոշիչները հաստատելու մասին» Կառավարության որոշման նախագ

The summary includes all the content proposals presented in the draft, online written within 2 working days,sent by e-mail within 10 working days

project.digest.no	Suggesion author, date of receipt	Suggestion content	Conclusion	Changes made
	1	2	3	4
1	Լևոն Գալստյան 20.08.2018 10:01:18	1․ ՓՀԷԿ-երի հզորության վերին շեմը նորից պետք է դարձնել 10ՄգՎտ՝ 30-ի փոխարեն։ 2․ Կառուցումն արգելել նաև անտառային տարածքներում և բնության հատուկ պահպանվող տարածքներում ու դրանց բուֆերային գոտիներում հոսող գետերի վրա։ 3․ 150 մետր շառավիղով արգելքը չի կարող ընդունելի լինել ջրագրական և ջրաերկրաբանական հուշարձանների համար, քանի որ դրանց գլխավոր բաղադրիչը հենց ջուրն է։ Այս դեպքում պետք է արգելվի հուշարձանի ողջ ջրահավաք ավազանում, եթե դա բացասական է ազդելու հուշարձանի ջրի քնակի վրա։	1.Ընդունվել է ի գիտություն 2. Պարզաբանում 3. Պարզաբանում	1. «Հայաստանի Հանրապետության՝ մի կողմից, և Եվրոպական միության և ատոմային էներգիայի եվրոպական համայնքի ու դրանց անդամ պետությունների՝ մյուս կողմից, միջև համապարփակ և ընդլայնված գործընկերության» համաձայնագիրը վավերացնելու մասին» Հայաստանի Հանրապետության 2018 թվականի ապրիլի 11-ի ՀՕ-313-Ն օրենքով ՀՀ-ն վավերացրել է 2017 թվականի նոյեմբերի 24-ին ստորագրված համաձայնագիրը, որով նախատեսված է շրջակա միջավայրի ազդեցության գնահատման ոլորտի մի շարք իրավական ակտերի մոտարկման պահանջ, ինչի արդյունքում անհրաժեշտություն է առաջանալու արմատապես վերանայել «Շրջակա միջավայրի վրա ազդեցության գնահատման և փորձաքննության մասին» օրենքը: 2. Հարկ է նշել, որ 2018 թվականի օգոստոսի 23-ի կառավարության նիստի օրակարգում ընդգրկվել է «Հայաստանի Հանրապետության ջրային օրենսգրքում լրացումներ և փոփոխություններ կատարելու մասին» օրենքի նախագիծը և հավանության է արժանացել, որով ամրագրվել են նոր կառուցվող փոքր հիդրոէլեկտրակայաններին տրամադրվող ջրօգտագործման թույլտվությունների հայտերի մերժման հիմքերը, այդ թվում՝ անտառային տարածքներ և բնության հատուկ պահպանվող տարածքների պահպանության գոտիներ: 3.Առաջարկը նույնպես ամրագրված է «Հայաստանի Հանրապետության ջրային օրենսգրքում լրացում և փոփոխություններ կատարելու մասին» օրենքի նախագծում՝ որպես փոքր հիդրոէլեկտրակայանների ջրօգտագործման թույլտվությունների մերժման հիմք:
2	Gayane Atoyan 20.08.2018 13:32:38	Նորից կարգավորում եք հօգուտ ՀէԿ-ի, բայց ոչ հօգուտ բնության․ կարելի է չէ ի նպաստ բնության և հարակից բնակիչների ևս դրույթներ ներառել այս չափորոշիչների մեջ․․․ նաև, մի քիչ անհասականլի է չափորոշիչ ասվածը, արդյոք ի նկատի ունեք սահմանաչափերը? Առաջարկում եմ նաև անպայման ընդգրկել այն հղումները կոնկրետ, որոնց օգնությամբ պետք է իրականացնել այս ՇՄԱԳԸ՝ օրինակ <ջրօգտագործման թույլտվությամբ սահմանված էկոլոգիական թողքի մեծությունը չգերազանցող փաստացի ջրային հոսքի պահապանում գետահատվածում> որտե՞ղ պետք է գտնել այս սահմանաչափը, հարկ է դրա հղումը ևս ներառել։	Պարզաբանում	Նախագծի հավելվածի 2-րդ կետում ներառված 1-ին, 2-րդ 7-րդ եթակետերը՝ ՀՀ Կարմիր գրքում գրանցված և/կամ տեղանքին բնորոշ էնդեմիկ ձկնատեսակներ, ջրային կենդանիներ ու բույսեր, ՀՀ տարածքին բնորոշ՝ էնդեմիկ ձկնատեսակների ձվադրավայրեր, սողանքային տարածքներ և այլն , չափելի չեն (օր.՝ գետում էնդեմիկ ձկնատեսակի առկայությունը անկախ էնդեմիկ տեսակների քանակից, կամ սողանքի առկայությունը անկախ մեծությունից): Ինչ վերաբերվում է <ջրօգտագործման թույլտվությամբ սահմանված էկոլոգիական թողքի մեծությունը չգերազանցող փաստացի ջրային հոսքի պահապանում գետահատվածում> ենթակետում հղում կատարելուն, ապա դրա անհրաժեշտությունը բացակայում է, քանի որ ջրօգտագործման թույտվություն տրամադրելիս հաշվարկվում է բնապահպանական թողքը (ՀՀ կառավարության 2011 թվականի հունիսի 30-ի N927-Ն որոշում) և դրանում ամրագրվում է ջրային ռեսուրսի էկոլոգիական թողքի պահպանման պահանջը: